David Warner : అందరూ ఎల్లవేళలా నవ్వుతూ ఉండాలని భావిస్తాను. అందుకనే ఎప్పుడూ నా చుట్టూ ఉన్న వాతావరణాన్ని ఆహ్లాదంగా ఉంచేలా ప్రయత్నించేవాడిని, అందుకోసమే నవ్వేవాడిని, నవ్వించేవాడిని..
ఈ మాటలు అన్నది మరెవరో కాదు. ఆస్ట్రేలియా స్టార్ ఓపెనర్ డేవిడ్ వార్నర్. పాకిస్తాన్ తో జరిగిన చివరి మూడో టెస్ట్ మ్యాచ్ లో (57) ఆఫ్ సెంచరీ చేసి, జట్టు విజయంలో కీలకపాత్ర పోషించాడు. అలా కెరీర్ కి ఘనంగా వీడ్కోలు పలికాడు. టెస్టు కెరీర్లో చివరి సారి బ్యాటింగ్కు క్రీజులో వెళుతున్నప్పుడు స్టేడియంకి వచ్చినవారందరూ లేచి స్టాండింగ్ ఒవేషన్ ఇచ్చారు. పాకిస్థాన్ ప్లేయర్లు సైతం.. గార్డ్ ఆఫ్ హానర్ ఇచ్చారు.
ఈ సందర్భంగా వార్నర్ మాట్లాడుతూ ఏడాదిన్నర నుంచి ఆస్ట్రేలియా క్రికెట్ కు మంచి జరుగుతోంది. వన్డే వరల్డ్ కప్, ప్రపంచ టెస్ట్ చాంపియన్ షిప్, పాక్ తో టెస్ట్ సిరీస్ అన్నింటా విజయం దక్కింది. అలాగే యాషెస్ సిరీస్ డ్రా చేశాం ..ఇలా ప్రతీ చోటా నేను భాగస్వామినయ్యానని తెలిపాడు.
ఇలాంటి గొప్ప జట్టుతో, గొప్ప క్రికెటర్లతో ప్రయాణం సాగించడం చాలా ఆనందంగా ఉందని అన్నాడు. దశాబ్దానికి పైగా క్రికెట్ ఆడాను. ఇప్పటివరకు నా వెన్నంటి నిలిచిన.. అభిమానులకు ఎంత చెప్పినా తక్కువేనని అన్నాడు. ఎప్పుడూ నవ్వుతూ ఉండాలని తెలిపాడు. ఇదే నా అభిమతమని అన్నాడు.
ఇదే పాలసీని ఇన్నాళ్లూ పాటించానని, ఇదే నా విజయ రహస్యమని నవ్వుతూ తెలిపాడు. తన భార్య కాండిస్ కి థ్యాంక్స్ చెప్పాడు. ఇన్నాళ్లూ తను దగ్గర లేకపోయినా, క్రికెట్ షెడ్యూల్ తో బిజిబిజీగా గడిపినా పిల్లలను కంటికి రెప్పలా చూసుకుందని తెలిపాడు.
మ్యాచ్ అనంతరం డేవిడ్ వార్నర్ కు ఘనంగా వీడ్కోలు సమావేశం జరిగింది. ఈ సందర్భంగా వార్నర్ భావోద్వేగానికి గురయ్యాడు. కుటుంబంతో కలిసి కాసేపు మైదానంలో గడిపాడు. పాకిస్థాన్ ఆటగాళ్లు సంతకం చేసిన జెర్సీని పాక్ జట్టు కెప్టెన్ షాన్ మసూద్.. డేవిడ్ వార్నర్కు బహుమతిగా ఇచ్చాడు.
Share
Ravisutanjani Kumar | మోదీ నుంచి అభినందనలు అందుకున్న మోసగాడు ఇతనే.. ఫేక్ డిగ్రీలలో మాస్టర్!
Guntur Kaaram: గుంటూరు కారం ప్రీ రిలీజ్ ఈవెంట్ క్యాన్సిల్.. కారణం ఇదే
