Naseem Shah:బంగ్లాదేశ్ ప్రీమియర్ లీగ్‌లో ఆడుతున్న పాకిస్థాన్ యువ పేసర్ నసీం షా… అంతర్జాతీయంగా దేశం పరువు తీశాడు. తన తోటి పాక్ ఆటగాడిని ఎగతాళి చేసి… యావత్ క్రీడా ప్రపంచం నుంచి ఛీత్కారాలు ఎదుర్కొంటున్నాడు. అతని ఓవరాక్షన్ కాస్తా సోషల్ మీడియాలో వైరల్ కావడంతో… నెటిజన్లంతా నసీం షాపై విరుచుకుపడుతున్నారు. సొంత దేశం ఆటగాడితో ఇలా ప్రవర్తించావు కాబట్టి సరిపోయింది గానీ… మరో దేశం ఆటగాడితో ఇలాగే ప్రవర్తించి ఉంటే అభిమానులు ఈపాటికి చితగ్గొట్టి ఉండేవాళ్లు అంటూ కొందరు కామెంట్ చేస్తున్నారు. మరికొందరు… ఏ దేశానికి చెందిన ఆటగాడినైనా బాడీ షేమింగ్ చేయడం సరికాదని హితబోధ చేశారు. ఇంకొందరు ఇంకాస్త ముందుకెళ్లి… షేమ్‌, షేమ్‌ నసీం షా.. షేమ్‌, షేమ్‌ పాకిస్తాన్‌ అంటూ కామెంట్ చేస్తున్నారు.
బంగ్లాదేశ్ ప్రీమియర్ లీగ్‌లో భాగంగా వేర్వేరు జట్ల తరఫున ఆడిన పాక్ ఆటగాళ్లు నసీం షా, ఆజంఖాన్… మైదానంలో ఎదురుపడ్డారు. బ్యాటింగ్ చేసేందుకు వస్తున్న ఆజంఖాన్‌ను నసీం షా సరదాగా వెళ్లి ఢీ కొట్టాడు. నసీంను పట్టించుకోని ఆజంఖాన్, అతణ్ని పక్కకు నెట్టేసి క్రీజ్‌వైపు వెళ్లాడు. అయినా అతణ్ని నసీం షా వదల్లేదు. ఆజంఖాన్ వెనకాలే… అతనిలా నడుస్తూ ఇమిటేట్ చేశాడు. అతని శరీరతత్వంపైనా నసీం షా వ్యంగ్య వ్యాఖ్యలు చేశాడు. ఇదంతా… మ్యాచ్‌ను రికార్డ్ చేస్తున్న కెమెరాల కంట పడింది. అంతే… ఆ వీడియో క్షణాల్లో వైరల్ అయింది. సాటి ఆటగాడి పట్ల నసీం షా వ్యవహరించిన తీరుపై… అంతా దుమ్మెత్తిపోస్తున్నారు.
ఆజంఖాన్… పాక్ దిగ్గజ వికెట్‌కీపర్‌ మొయిన్‌ ఖాన్‌ తనయుడు. అతని విషయంలోనే నసీం షా ఇలా ప్రవర్తించడంతో… పాక్ క్రికెటర్లతో పాటు, ఆ దేశ క్రికెట్ అభిమానులు కూడా షాకయ్యారు. మైదానంలో ఇదేం విపరీత ప్రవర్తన అంటూ అంతా అతనికి చివాట్లు పెడుతున్నారు. నసీం షా తెలిసి చేసినా, తెలియక చేసినా… సరగాదా చేసినా, కావాలని చేసినా… తప్పేనని మండిపడుతున్నారు.
Sports Allocation: బడ్జెట్ పెరిగింది.. కుమ్మేయడమే మిగిలింది..
T20:కప్ చేతిలో పెట్టాడు.. కూల్ చేశాడు..
Share
Ayodhya: అయోధ్య రామజన్మభూమి ఆలయానికి బాంబు బెదిరింపు.. హై అలర్ట్
Netflix:పాస్‌వర్డ్ షేరింగ్ కుదరదు..! నెట్‌ఫ్లిక్స్ రూల్..
