Netherlands Shock : టీ20 వరల్డ్ కప్ లో ఉత్కంఠ పోరులో పాకిస్థాన్ పై ఒక్క పరుగు తేడాతో విజయం సాధించిన జింబాబ్వేకు నెదర్లాండ్స్ షాక్ ఇచ్చింది. వరసగా 3 పరాజయాలు ఎదుర్కొన్న నెదర్లాండ్స్ టోర్నిలో తొలి విజయాన్ని నమోదు చేసింది. జింబాబ్వే నిర్దేశించిన 118 పరుగుల టార్గెట్ ను 5 వికెట్లు కోల్పోయి 18 ఓవర్లలోనే ఛేదించింది. నెదర్లాండ్స్ జట్టులో మాక్స్ ఓ దౌడ్ 52 పరుగులు చేసి టాప్ స్కోరర్ గా నిలిచాడు. టాప్ కూపర్ 32 పరుగులతో రాణించారు. తొలుత బ్యాటింగ్ చేసిన జింబాబ్వే 19.2 ఓవర్లలో 117 పరుగులకే ఆలౌట్ అయ్యింది. ఆ జట్టులో సికిందర్ రాజా 40 పరుగులు, సీన్ విలియమ్స్ 28 పరుగులతో రాణించారు. మిగతా బ్యాటర్లలో ఒక్కరూ కూడా రెండెంకెల స్కోరు సాధించలేదు. నెదర్లాండ్స్ బౌలర్లలో పాల్ వాన్ మీకేరన్ 3 వికెట్లు, గోవర్ , బీక్, లీడే రెండేసి వికెట్లు చొప్పున పడగొట్టారు. ఇప్పటికే నాలుగు మ్యాచ్ లు ఆడిన నెదర్లాండ్స్ కు ఇదే తొలి విజయం . మరో మ్యాచ్ మాత్రమే ఆ జట్టు ఆడాల్సిఉంది. ఇక జింబాబ్వే సెమీస్ అవకాశాలు ఈ మ్యాచ్ ఓటమితో మూతపడ్డాయి. ఇప్పటి వరకు 4 మ్యాచ్ లు ఆడిన జింబాబ్వే ఒక మ్యాచ్ లో విజయం సాధించింది. రెండు పరాజయాలు చవిచూసింది. దక్షిణాఫ్రికాతో జరిగిన మ్యాచ్ వర్షం వల్ల రద్దైంది. దీంతో జింబాబ్వే ఖాతాలో 3 పాయింట్లు మాత్రమే ఉన్నాయి. చివరి మ్యాచ్ లో భారత్ తో ఆ జట్టు తలపడనుంది.
Share
Hemant Soren ED Notice : ఝార్ఖండ్ సీఎం హేమంత్ సొరెన్‌కు ఈడీ నోటీసులు..
Tournament : ఆఫ్గానిస్తాన్ కు షాక్..రషీద్ ఖాన్ టోర్ని నుంచి ఔట్
