Hyderabad: వాడో ఉన్మాది. కిరాతకుడు. ఇటీవల ఢిల్లీలో జరిగిన సంచలన ఘటనను ఫాలో అయ్యాడు. నర్సును చంపేశాడు. తల వేరు చేసి మూసీ నదిలో పడేశాడు. బాడీని ముక్కలు ముక్కలు చేసి ఇంట్లోని ఫ్రిడ్జిలో దాచేశాడు. వాసన రాకుండా కెమికల్స్ కలిపాడు. ఇదంతా ఎందుకు చేశాడంటే…
గత వారం హైదరాబాద్ మలక్పేట దగ్గర మూసీ నది సమీపంలో ప్లాస్టిక్ కవర్లో ఓ మహిళ తల కనిపించడం కలకలం రేపింది. కేసును ఛాలెంజింగ్గా తీసుకున్న పోలీసులు.. ఆ తల కేర్ హాస్పిటల్లో నర్సుగా పనిచేసే ఎర్రం అనురాధ(55)గా గుర్తించారు. నిందితుడు చంద్రమోహన్ను అరెస్ట్ చేశారు.
పదేళ్ల క్రితం చంద్రమోహన్ తండ్రికి హాస్పిటల్లో హార్ట్ సర్జరీ జరిగింది. అప్పుడే అక్కడ పని చేసే నర్సు అనురాధను లైన్లో పెట్టాడు. రెండేళ్ల క్రితం తన ఇంట్లోనే ఓ గదిని అద్దెకిచ్చి ఆమెను అక్కడ సెటప్ చేశాడు. అయితే, స్టాక్ మార్కెట్లో డబ్బులు పెట్టే అలవాటు ఉన్న చంద్రమోహన్.. అనురాధ నుంచి అప్పుగా 7 లక్షలు తీసుకున్నాడు. అవి కూడా ట్రేడింగ్లో నష్టపోయాడు. ఫుల్గా అప్పుల పాలయ్యాడు. ఇచ్చిన అప్పు తీర్చమంటూ అనురాధ నుంచి ఒత్తిడి పెరిగింది. దీంతో ఆమెను లేపేయాలని ప్లాన్ చేశాడు చంద్రమోహన్.
మే 12న వాళ్లిద్దరికీ పెద్ద గొడవ జరిగింది. అనురాధను చంపేశాడు. ఆ తర్వాత కత్తి, టైల్స్ కట్టర్ కొనుక్కొచ్చి శరీర భాగాలను వేరు చేశాడు. తలను ఆటోలో తీసుకెళ్లి మూసీ పక్కన పడేశాడు. యూట్యూబ్లో సెర్చ్ చేసి.. మిగిలిన శరీర భాగాలను ఫ్రిజ్లో, బకెట్లో దాచి పెట్టి వాటిపై కెమికల్స్ చల్లాడు. ఒక్కో పార్ట్ను ఒక్కో చోట పడేయాలనేది అతని ప్లాన్.
ఈలోగా అనురాధ చనిపోయిన విషయం ఎవరికీ తెలీకుండా ఆమె ఫోన్ నుంచి తెలిసిన వాళ్లకు మెసేజ్లు పెట్టాడు. ఆస్ట్రేలియాలో ఉండే అనురాధ కూతురుకు.. తాను చార్ధామ్ వెళ్తున్నానని.. కొన్నిరోజుల పాటు సెల్ పని చేయదని మెసేజ్ చేశాడు. ఇక తనను ఎవరూ పట్టుకోలేరని భావించాడు. కానీ, అసలే హైదరాబాద్ పోలీసులు. ఎంతటి కిలాడీనైనా పట్టేసుకునే ట్రాక్ రికార్డ్ వారిది.
మలక్పేట్ మూసీ ఒడ్డిన తల దొరకగానే.. ముందుగా మిస్సింగ్ కేసులేమైనా ఉన్నాయా చూశారు. లేవని తేలింది. తల దొరికిన సమీప ప్రాంతంలో సీసీకెమెరాలన్నీ చెక్ చేశారు. రోజుల తరబడి, గంటల కొద్దీ ఫూటేజీని నిశితంగా పరిశీలించారు. ఆ ప్రాంతంలో అనుమానాస్పదంగా తిరుగుతున్న ఓ వ్యక్తి కనిపించాడు. టెక్నికల్ టీమ్ సాయంతో చంద్రమోహన్ ఉండే ప్రాంతాన్ని గుర్తించారు. అతని ఇంటిపై రైడ్ చేస్తే.. డెడ్ బాడీ పార్ట్స్ దొరికాయి. చంద్రమోహన్ను అదుపులోకి తీసుకుని ప్రశ్నించగా.. హత్య చేసినట్టు ఒప్పుకున్నాడు. అలా హంతకుడు దొరికాడు.
Share
Jupiter and Earth : జూపిటర్, ఎర్త్ మధ్య కొత్త పోలికలు కనిపెట్టిన ఆస్ట్రానాట్స్..
Traffic Challan: చలాన్ల సొమ్ము కోసం పోలీసుల ప్రెజర్.. బాధితుడు సూసైడ్..
