Hyderabad Rains: నిన్న సాయంత్రం ఆఫీస్ ముగించుకుని హాయిగా ఇంటికి వెళ్దామనుకున్న హైదరాబాద్ ఐటీ ఉద్యోగులకు, సామాన్యులకు వరుణుడు ఊహించని షాక్ ఇచ్చాడు. కేవలం గంటపాటు కురిసిన ఊరబావి వానకు భాగ్యనగరం ఒక్కసారిగా స్తంభించిపోయింది. రోడ్లన్నీ చెరువులను తలపించడంతో కిలోమీటర్ల మేర ట్రాఫిక్ జామ్ అయ్యింది. దీంతో విసిగిపోయిన జనం ప్రత్యామ్నాయంగా మెట్రో వైపు పరుగులు తీశారు. ఫలితంగా నగరంలోని మెట్రో స్టేషన్లన్నీ మనుషులతో కిక్కిరిసిపోయి, ఏదో ఊరి జాతరను తలపించాయి.
హైదరాబాద్లోని ప్రధాన కూడళ్లయిన మాదాపూర్, హైటెక్ సిటీ, అమీర్పేట్, రాయదుర్గం వంటి ప్రాంతాల్లో పరిస్థితి మరీ ఘోరంగా మారింది. రోడ్డుపై వాహనాలు ఇంచ్ కూడా కదలని పరిస్థితి రావడంతో, కేవలం 15 నిమిషాల ప్రయాణానికి 3 నుండి 4 గంటల సమయం పట్టింది. బైక్లు, కార్లు ఉన్నవారు సైతం వాటిని ఆఫీస్ పార్కింగ్ల్లోనే వదిలేసి మెట్రో స్టేషన్లకు పరుగులు తీశారు.
తీరా స్టేషన్లకు వెళ్తే అక్కడ అంతకంటే పెద్ద షాక్ ఎదురైంది. టికెట్ కౌంటర్ల దగ్గర, ప్లాట్ఫారమ్లపై వేల సంఖ్యలో జనం చేరడంతో కాలు పెట్టేందుకు కూడా స్థలం లేకుండా పోయింది. మెట్రో రైళ్లలోకి ఎక్కడానికి ప్రయాణికులు తీవ్రంగా తోపులాట పడాల్సి వచ్చింది. ఇందుకు సంబంధించిన విజువల్స్, వీడియోలు ప్రస్తుతం సోషల్ మీడియాలో విపరీతంగా వైరల్ అవుతున్నాయి. ‘ఇది మెట్రో స్టేషనా లేక తిరుమల క్యూ లైనా?’ అంటూ నెటిజన్లు కామెంట్లు పెడుతున్నారు. మౌలిక వసతుల లోపాలు, డ్రైనేజీ వ్యవస్థ సరిగా లేకపోవడం వల్లే ప్రతి చిన్న వానకూ నగరం ఇలా నరకప్రాయంగా మారుతోందని నగరవాసులు తీవ్ర ఆగ్రహం వ్యక్తం చేస్తున్నారు.
Also Read: వాహన యజమానులకు గుడ్న్యూస్.. డ్రైవింగ్ లైసెన్స్ వ్యాలిడిటీ 50 ఏళ్లకు పెంపు!
జాతరను తలపించిన మెట్రో స్టేషన్లు
హైదరాబాద్లో నిన్న గంటపాటు కురిసిన భారీ వర్షానికి నగర ప్రజలు తీవ్ర ఇబ్బందులు పడ్డారు. రహదారులు నదులను తలపించడంతో అన్ని ప్రధాన కూడళ్లలో కిలోమీటర్ల మేర ట్రాఫిక్ జామ్ ఏర్పడింది. దీంతో ఉద్యోగులు ఆఫీసుల నుండి ఇళ్లకు చేరడానికి 3-4 గంటల సమయం పట్టింది.… pic.twitter.com/7Dw0A3PTUl
— ChotaNews App (@ChotaNewsApp) June 10, 2026
Share
అవయవాల అక్రమ రవాణా... డబ్బుకోసం తండ్రినే... ఈ కొరియన్ సిరీస్ లో అందరూ విలన్లే
సినీ పరిశ్రమలో తీవ్ర విషాదం.. ప్రముఖ దర్శకుడు, నటుడు భారతీరాజా కన్నుమూత..
