Nagarjuna’s N Convention demolish(Hyderabad latest news): హీరో నాగార్జునకు జీహెచ్ఎంసీ అధికారులు షాక్ ఇచ్చారు. మాదాపూర్లోని ఎన్ కన్వెన్షన్ కూల్చివేశారు. తమ్మిడికుంట చెరువును ఆక్రమించి ఎన్ కన్వెన్షన్ నిర్మించారని ఆరోపణలు తీవ్రమయ్యాయి. గడిచిన వారంరోజులుగా హైడ్రాకు ఫిర్యాదులు వెల్లువెత్తాయి. ఈ క్రమంలో అధికారులు చర్యలు చేపట్టారు.
తొలుత నోటీసులు ఇచ్చారు అధికారులు. అనంతరం శనివారం ఉదయం కూల్చివేత మొదలుపెట్టారు. దాదాపు మూడున్నర ఎకరాల స్థలాన్ని ఆక్రమించి ఎన్ కన్వెన్షన్ నిర్మించారని ఫిర్యాదులు జోరందుకున్నాయి. కన్వెన్షన్ కూల్చివేత నేపథ్యంలో పోలీసులు భారీగా మోహరించారు.
హైదరాబాద్ సిటీలో అక్రమ నిర్మాణాలపై కొరడా ఝులిపిస్తోంది హైడ్రా. ఈ క్రమంలో చెరువులు కబ్జా చేసి నిర్మించిన కట్టడాలపై దృష్టి సారించింది. చాలాప్రాంతాల్లో పలు భవనాలను కూల్చివేసింది హైడ్రా. మాదాపూర్లోని తమ్మిడికుంట చెరువు సమీపంలో ఎన్ కన్వెన్షన్ సెంటర్ నిర్మించారు.
ALSO READ: టీపీసీసీ పోస్టు.. హైకమాండ్ గ్రీన్సిగ్నల్.. రేపో మాపో ప్రకటన..
చెరువుకు సంబంధించి దాదాపు మూడున్నర ఎకరాలు కబ్జా చేశారని గతంలో ఫిర్యాదులు అధికారులకు వెళ్లాయి. సీఎం కేసీఆర్ ఉన్న సమయంలో ఎన్ కన్వెన్షన్ సెంటర్ను కూల్చివేయాలని అధికారులు భావించారు. తెల్లవారితే దాన్ని కూల్చివేయాలని బుల్డోజర్లను మొహరించారు అధికారులు. ఆ తర్వాత ఏం జరిగిందో తెలీదుగానీ సైలెంట్ అయ్యింది.
తాజాగా ఎన్ కన్వెన్షన్ సెంటర్పై చర్యలు తీసుకోవాలంటూ హైడ్రాకు ఫిర్యాదులు వెల్లువెత్తాయి. గతంలో మాదిరిగానే పరిస్థితులు పునరావృతమవుతాయని వార్తలు వచ్చాయి. ఇవేమీ హైడ్రా అధికారులు పట్టించుకోలేదు. ఈ నేపథ్యంలో శనివారం ఉదయం పోలీసుల బందోబస్తు మధ్య ఎన్ కన్వెన్షన్ సెంటర్ను కూల్చివేశారు.
HYD: హీరో నాగార్జునకు GHMC అధికారులు షాక్ ఇచ్చారు. మాధాపూర్లోని ఎన్ కన్వెన్షన్ కూల్చివేతను ప్రారంభించారు. తమ్మిడికుంట చెరువును ఆక్రమించి భవనాన్ని నిర్మించారని ఆరోపణలు ఉన్న నేపథ్యంలో అధికారులు చర్యలు చేపట్టారు. మూడున్నర ఎకరాల స్థలాన్ని ఆక్రమించి ఎన్ కన్వెన్షన్ నిర్మించారని… pic.twitter.com/rOiLLM47zu
— ChotaNews (@ChotaNewsTelugu) August 24, 2024
Share
Vinesh Phogat Brand Value: అమాంతం పెరిగిపోయిన వినేశ్ ఫోగట్ బ్రాండ్ విలువ.. పారిస్ లో ఓడినా పాపులారిటీ పైపైకి!
IRCTC: మీ దగ్గర టికెట్ ఉన్నా ట్రైన్లో నుంచి టీటీ దింపేయొచ్చు.. ఎందుకో తెలుసా?
