Telangana: పైలట్ కావాలని చాలామంది ఎన్నో కలలు కంటారు. భారీ ఖర్చుతో కూడినది కావడంతో చాలామంది ఆ ఊసు ఎత్తరు. ఆ పేరు ఎత్తడానికి ఇష్టపడరు. తాజాగా తెలంగాణ అమ్మాయిలకు గోల్డెన్ ఛాన్స్. ఆర్థికంగా వెనుకబడిన వర్గాల విద్యార్థినులకు ఉచితంగా పైలట్ ట్రైనింగ్ ఇచ్చేందుకు ఇంటర్ విద్యాశాఖ-ఇండిగోరీచ్-భారత్ కేర్ ట్రస్ట్ మధ్య ఒప్పందం కుదిరింది.
ఈ మధ్యకాలంలో అమ్మాయిలు లేని రంగం లేదు. అన్నిరంగాల్లో దూసుకుపోతున్నారు. ఏవియేషన్ సెక్టార్‌లో మహిళల సంఖ్య క్రమంగా పెరుగుతోంది. తాజాగా తెలంగాణ అమ్మాయిలకు సువర్ణ అవకాశం. ఆర్థికంగా వెనుకబడిన వర్గాల విద్యార్థినులకు ఉచితంగా పైలట్ ట్రైనింగ్ ఇచ్చేందుకు సిద్ధమైంది. ఈ మేరకు ఇంటర్ విద్యాశాఖ-ఇండిగోరీచ్-భారత్ కేర్ ట్రస్ట్ మధ్య ఒప్పందం కుదిరింది.
గివింగ్ వింగ్స్ టూ ఫ్లై కార్యక్రమం కింద 20 నెలల ట్రైనింగ్ ఇస్తారు. కమర్షియల్ పైలట్ లైసెన్స్, ఏటీఆర్ టైప్ రేటింగ్‌తోపాటు వసతి, భోజనం, బీమా, మెంటార్ షిప్, కెరీర్ మార్గదర్శకత్వం ఫ్రీగా లభించనున్నాయి. అందుకు విద్యార్థులు చేయాల్సింది ఒక్కటే. అర్హులైన విద్యార్థినులు పైలట్ ట్రైనింగ్‌కు సంబంధించిన అధికారిక పోర్టల్ ద్వారా దరఖాస్తు చేయాలి.
విమాన రంగంలో మహిళల భాగస్వామ్యాన్ని పెంచడం, ఆర్థికంగా వెనుకబడిన విద్యార్థినులకు ఉన్నతస్థాయి అవకాశాలు కల్పించడం ఈ కార్యక్రమం ప్రధాన ఉద్దేశంగా చెప్పుకొచ్చారు నిర్వాహకులు. ట్రైనింగ్ సమయంలో విద్యార్థినులపై ఆర్థిక భారం పడకుండా అన్ని ఖర్చులు ఇండిగోరీచ్-భారత్ కేర్ సంస్థలు భరించనున్నాయి. సాధారణ కుటుంబాలకు చెందిన టాలెంట్ విద్యార్థినులు పైలట్ విభాగంలో తమ కలను సాకారం చేసుకునే గొప్ప అవకాశం.
ALSO READ: హైడ్రా బాస్ సంతకానికి ఎసరు.. రంగనాథ్ పేరుతో నకిలీ ఎన్ఓసీలు, కాలేజీలపై కేసులు
తెలంగాణలో ప్రభుత్వ-ప్రైవేట్ ఇంటర్మీడియట్ కాలేజీలకు వీటికి సంబంధించిన వివరాలను ఇంటర్మీడియట్ విద్యాశాఖ అందించనుంది. దీనిపై భారత్‌కేర్స్ అవగాహన కార్యక్రమాలు, కౌన్సెలింగ్ సెషన్లు నిర్వహించనుంది. దీనివల్ల విద్యార్థినులకు పూర్తి సమాచారం ఇవ్వనుంది. అర్హులైన విద్యార్థినులు సదరు సంస్థకు చెందిన అధికారిక పోర్టల్ ద్వారా దరఖాస్తు చేసుకోవచ్చని సూచించారు. ఎంపికైన అభ్యర్థులకు దశల వారీగా ట్రైనింగ్ ఇవ్వనుంది.
Share
హైడ్రా బాస్ సంతకానికే ఎసరు.. ఏకంగా రంగనాథ్ పేరుతో నకిలీ NOCలు, 8 కాలేజీలపై కేసు!
సింపుల్, డౌన్ టు అర్త్.. ఈ తేదీల్లో పుట్టినవారు సాదాసీదా జీవనం ఇష్టపడతారు
