Telangana DSC Exam Dates(Today’s state news): తెలంగాణలో డీఎస్సీ పరీక్ష తేదీలను అధికారులు వెల్లడించారు. జులై 17 నుంచి 31 వరకు ఆన్‌లైన్ పరీక్షలు నిర్వహించనున్నట్లు తెలిపారు. 11,062 టీచర్ పోస్టుల భర్తీకి తెలంగాణ ప్రభుత్వం నోటిఫికేషన్ జారీ చేసింది.
ముందుగా ప్రకటించిన షెడ్యూల్ ప్రకారం నేటితో ఆన్‌లైన్ అప్లికేషన్లకు గడువు ముగియనుంది. తాజాగా దరఖాస్తు గడువును పొడిగిస్తూ అధికారులు నిర్ణయం తీసుకున్నారు. కాగా జూన్ 20 వరకు దరఖాస్తు చేసుకోవచ్చని అధికారులు స్పష్టం చేశారు. రూ. 1000 చెల్లించి జూన్ 20 రాత్రి 11.50 గంటల వరకు ఆన్‌లైన్లో దరఖాస్తు చేసుకోవచ్చు.
మొత్తం 11,062 టీచర్ పోస్టుల భర్తీకి నోటిఫికేషన్ జారీ చేయగా ఇందులో 2,629 స్కూల్ అసిస్టెంట్ పోస్టులు, 6,508 SGT, 727 లాంగ్వేజ్ పండిట్స్, 182 పీఈటీ పోస్టులు ఉన్నాయి. ఇక ఇందులోనే స్పెషల్ ఎడ్యుకేషన్‌కు సంబంధించిన పోస్టులు కూడా ఉన్నాయి. 796 SGT, 220 స్కూల్ అసిస్టెంట్ పోస్టులు ఉన్నాయి.
ఇక జిల్లాల వారిగా హైదరాబాద్‌లో అత్యధికంగా 878 ఖాళీలు ఉన్నాయి. ఆ తర్వాత ఖమ్మంలో 757, నల్గొండ‌లో 605, సంగారెడ్డిలో 551, కామారెడ్డిలో 506 ఖాళీలు ఉన్నాయి.
Share
Benefits Of Lemon : ఓరినీ.. ఎండిన నిమ్మకాయతో ఇన్ని లాభాలా..?
YS Sharmila: బాబాయ్ వివేకానందరెడ్డి చివరి కోరిక.. అందుకే కడప నుంచి పోటీ..
