Mallareddy: మంత్రి మల్లారెడ్డి. ధూంధాంగా డైలాగులు చెప్పడంలో ఎక్స్ పర్ట్. ఎప్పటికప్పుడు కాంట్రవర్సీలకు కేరాఫ్ గా నిలుస్తుంటారు. ఆయన ఏం మాట్లాడినా అటెన్షన్. రేవంత్ రెడ్డి వర్సెస్ మల్లారెడ్డి ఎపిసోడ్ అప్పట్లో హాట్ టాపిక్. ఇక మంత్రి గారికి నిరసనలు, ఆందోళనలూ తక్కువేం కాదు. నియోజకవర్గంలో పలుమార్లు మల్లారెడ్డి పర్యటనలను అడ్డుకున్నారు. లేటెస్ట్ గా మరోసారి మల్లారెడ్డిని హామీలపై నిలదీశారు కాంగ్రెస్ నేతలు.
ప్రజా సమస్యల పరిష్కారం కోసం జవహర్ నగర్ కార్పొరేషన్ పరిధిలో పాదయాత్ర చేస్తున్నారు కార్మికశాఖ మంత్రి మల్లారెడ్డి. గబ్బిలాలపేటలో పాదయాత్ర చేస్తుండగా.. కాంగ్రెస్ నాయకులు మంత్రిని అడ్డుకునే ప్రయత్నం చేశారు. 50 పడకల ఆసుపత్రి, కమ్యూనిటీ హాల్ నిర్మాణం చేపడతామని హామీ ఇచ్చి ఇప్పటివరకూ అది నెరవేర్చలేదంటూ నిలదీశారు.
మంత్రి మల్లారెడ్డిని కాంగ్రెస్ నాయకులు అడ్డుకునే ప్రయత్నం చేస్తే టీఆర్ఎస్ శ్రేణులు తిరగబడ్డాయి. ఇరువర్గాల మధ్య వాగ్వాదం జరిగింది. ఒకరినొకరు తోసుకోవడంతో ఉద్రిక్త పరిస్థితి నెలకొంది. స్పందించిన పోలీసులు నిరసనకారులను అదుపులోకి తీసుకుని అక్కడి నుంచి తరలించారు.
Share
Twitter : నీ దానికన్నా నాదే బెటర్!
Income Tax : వ్యక్తిగత ఆదాయ పన్ను తగ్గించండి: కేంద్రాన్ని కోరిన సీఐఐ
