Anant Ambani, Radhika Merchant married: అపర కుభేరుడు, రిలయన్స్ ఇండస్ట్రీస్ అధినేత ముకేశ్ అంబనీ చిన్న కుమారుడు అనంత్ అంబానీ, రాధిక మర్చంట్ పెళ్లి ముంబై బాంద్రాలోని జియో వరల్డ్ సెంటర్‌లో శుక్రవారం రాత్రి అంగరంగవైభవంగా జరిగింది. వీరిద్దరూ శుభముహూర్తంలో వధూవరులు ఒక్కటయ్యారు. శనివారం శుభ్ ఆశీర్వాద్, ఆదివారం రిసెప్షన్ తో వివాహ వేడుకలు ముగియనున్నాయి. రాత్రి జరిగిన శుభ్ వివాహ్‌కు సినీ, రాజకీయ, వ్యాపార, తదితర రంగాలకు చెందిన ప్రముఖులు హాజరై సందడి చేశారు. అయితే ఈ పెళ్లి కోసం ఏకంగా రూ.5వేల కోట్లు ఖర్చు చేశారని వార్తలు వినిపిస్తున్నాయి.
ప్రపంచంలోనే అత్యంత ఖరీదైన పెళ్లిగా అనంత్, రాధిక మర్చంట్ వివాహం చరిత్రలో నిలిచిపోనుంది. ఈ వివాహ వేడుక కోసం ముకేశ్ అంబానీ పెద్ద మొత్తంలో ఖర్చు చేసినట్లు తెలుస్తోంది. ఫ్రీ వెడ్డింగ్ నుంచి రిసెప్షన్ వరకు దాదాపు రూ. 4వేల కోట్ల నుంచి రూ.5 వేల కోట్లు వరకు ఖర్చు చేసి ఉంటారని అంచనా. కాగా, ఈ మొత్తం ఖర్చు ముకేశ్ అంబానీ నికర ఆదాయంలో కేవలం అర శాతమని ఓ మీడియాలో వెల్లడైంది.
మెరిసిన తారలు..
వివాహానికి వచ్చిన ప్రముఖులు సంప్రదాయ దుస్తుల్లో మెరిశారు. సినీ తారలు షారుక్, రణ్‌వీర్ సింగ్, సల్మాన్ ఖాన్, విక్కీ కౌశల్ చేసిన డ్యాన్స్‌లు ఆకట్టుకున్నాయి. తర్వాత రజనీకాంత్ కూడా స్టెప్పులు వేశారు. వీరంతా మాధురీదీక్షిత్ చోళీకే పీచే సాంగ్‌కు డ్యాన్స్ చేశారు. కాగా, శనివారం జరిగే శుభ్ ఆశీర్వాద్‌కు ప్రముఖులంతా ఫార్మల్ దుస్తుల్లో రానున్నారు.
Share
Elon Musk Donation To Trump : ట్రంప్‌ పార్టీకి ఇలాన్ మస్క్ మద్దతు.. ఎన్నికల ప్రచారం కోసం భారీ విరాళం!
Jagruthi Consultancy : జాగృతి కన్సల్టెన్సీ ఘరానా మోసం.. ఉద్యోగాల పేరుతో రూ.24 కోట్లు టోకరా
