Cheapest International Destinations: విదేశీ ప్రయాణం అనగానే చాలా మంది ఖర్చుతో కూడుకున్న వ్యవహారంగా భావిస్తారు. కానీ, అందులో ఏమాత్రం నిజం లేదు. జస్ట్ రూ. 30 వేల లోపే విదేశాలను చుట్టి రావచ్చు. నమ్మడం లేదా? అయితే, ముంబై నుంచి రౌండ్ ట్రిప్ విమాన టికెట్లు రూ.18,697 నుంచి అందుబాటులోనే ఉన్నాయి. తక్కువ ఖర్చులో ఏ దేశాలకు వెళ్లొచ్చు అనేది ఇప్పుడు తెలుసుకుందాం..
అక్టోబర్ లో థాయ్ లాండ్ లో వర్షాకాలం క్రమంగా తగ్గుముఖం పడుతుంది. ఉష్ణోగ్రతలు కూడా కొద్దిగా తగ్గుతాయి. అదే సమయంలో నవంబర్ నుంచి మొదలయ్యే పర్యాటక రద్దీ ఇంకా పూర్తిగా మొదలుకాదు. చియాంగ్ మాయి, పాయ్ ప్రాంతాల్లో పచ్చని ప్రకృతి అందాలను ఆస్వాదించవచ్చు. బ్యాంకాక్లోని ప్రముఖ ప్రదేశాలను కూడా పెద్దగా రద్దీ లేకుండా చూడొచ్చు. ఫూకెట్ లో ఈ సమయంలో ‘థెట్సకన్ కిన్ జే’ పండుగ ప్రత్యేక ఆకర్షణగా ఉంటుంది. ముంబై–బ్యాంకాక్ రౌండ్ ట్రిప్ విమాన టికెట్ ధరలు సుమారు రూ.18,697 నుంచి ఉంటాయి. భారతీయులకు వీసా ఫ్రీ ఎంట్రీ కూడా ఉంటుంది.
అక్టోబర్ లో శ్రీలంక వాతావరణం బాగుంటుంది. రుతుపవనాల ప్రభావం ఉండటంతో కొన్ని ప్రాంతాల్లో వర్షాలు పడే అవకాశం ఉంటుంది. అయితే ఇదే సమయంలో పర్యాటకుల సంఖ్య తక్కువగా ఉండటంతో ఖర్చులు కూడా కొంత తగ్గే అవకాశం ఉంటుంది. సిగిరియా, దంబుల్లా వంటి ప్రాంతాలను సందర్శించేందుకు అక్టోబర్ మంచి సమయంగా చెప్పొచ్చు. టీ తోటలు ఉన్న కొండ ప్రాంతాలు చల్లని వాతావరణంతో పచ్చగా కనిపిస్తాయి. ముంబై–కొలంబో రౌండ్ ట్రిప్ టికెట్ ధరలు సుమారు రూ.23,108 ఉంటాయి. 30 రోజులు, అంతకంటే తక్కువ కాలం ఉండే భారతీయులకు ఉచిత ఎంట్రీ ఉంటుంది.
అక్టోబర్లో వియత్నాం వెళ్లాలనుకునేవారు ఉత్తర ప్రాంతాలకు వెళ్లడం మంచిది. వేసవి వేడి, వర్షాలు తగ్గడంతో హనోయ్, సాపా ప్రాంతాల్లో ప్రయాణం సౌకర్యంగా ఉంటుంది. హనోయ్ ఓల్డ్ క్వార్టర్ లో వీధుల్లో తిరగడం, స్థానిక ఆహారాన్ని రుచి చూడటం, హోన్ కీమ్ సరస్సును సందర్శించడం మంచి అనుభూతిని ఇస్తాయి. సాపాలో పర్వతాలు, గ్రామీణ ప్రాంతాలు, హైకింగ్ ట్రైల్స్ తో పాటు ఫాన్సిపాన్ పర్వతానికి కేబుల్ కార్ ప్రయాణం చేయొచ్చు. అయితే అక్టోబర్ లో మధ్య వియత్నాంలోని హోయ్ ఆన్, డా నాంగ్, హ్యూ ప్రాంతాల్లో భారీ వర్షాలు, తుఫానుల ప్రభావం ఉండే అవకాశం ఉంది. అందుకే ట్రిప్ ప్లాన్ చేసుకునే ముందు వాతావరణ పరిస్థితులను పరిశీలించడం మంచిది. ముంబై–హో చి మిన్ సిటీ రౌండ్ ట్రిప్ విమాన టికెట్ ధరలు సుమారు రూ.23,973 ఉంటాయి. భారతీయులకు వియత్నాం ఈ-వీసా సౌకర్యం అందుబాటులో ఉంది.
అక్టోబర్లో విదేశీ ట్రిప్ ప్లాన్ చేసేవారికి థాయ్లాండ్, శ్రీలంక, వియత్నాం తక్కువ బడ్జెట్ లో బెస్ట్ ఆప్షన్స్ గా చెప్పుకోవచ్చు. అయితే విమాన టికెట్ ధరలు, వీసా నిబంధనలు ఎప్పటికప్పుడు మారే అవకాశం ఉన్నందున బుకింగ్కు ముందు అధికారిక సమాచారం చెక్ చేసుకోవాలి.
Read Also: ప్రకృతి అందాల నడుమ రైలు ప్రయాణం.. జీవితంలో ఒక్కసారైనా చేయాల్సిన జర్నీస్ ఇవే!
Share
మార్కెట్లో దుమ్ము రేపుతున్న స్మార్ట్ వాచ్..యూత్కు పర్ఫెక్ట్
పాకిస్తాన్ ఘోర ఓటమి...హుటా హుటిన దుబాయ్ వెళ్లిన నఖ్వీ..!
