E-Paper
Advertisement

దర్వేశిపురం ఎల్లమ్మ ఆలయానికి మహర్దశ.. రూ.15 కోట్లతో భారీ అభివృద్ధి!

దర్వేశిపురం ఎల్లమ్మ ఆలయానికి మహర్దశ.. రూ.15 కోట్లతో భారీ అభివృద్ధి!
Advertisement

Dharveshipuram Yellamma Temple: నల్లగొండ జిల్లాలో ప్రసిద్ధి చెందిన దర్వేశిపురం శ్రీ రేణుక ఎల్లమ్మ ఆలయానికి మహర్దశ పట్టనుంది. ఎంతోకాలంగా భక్తుల ఆదరణ పొందుతున్న ఈ ఆలయాన్ని మరింత అభివృద్ధి చేసి, ప్రముఖ ఆధ్యాత్మిక, పర్యాటక కేంద్రంగా తీర్చిదిద్దేందుకు తెలంగాణ ప్రభుత్వం కీలక నిర్ణయం తీసుకుంది. ఆలయ అభివృద్ధి కోసం రూ.15 కోట్ల నిధులకు పరిపాలనా అనుమతులు మంజూరు చేసింది.

రూ.15 కోట్లతో ఆలయ అభివృద్ధి

నల్లగొండ జిల్లా కనగల్ మండలం దర్వేశిపురం (పర్వతగిరి)లో ఉన్న శ్రీ రేణుక ఎల్లమ్మ దేవస్థానం అభివృద్ధికి ప్రభుత్వం గ్రీన్ సిగ్నల్ ఇచ్చింది. ఈ మేరకు యువజనాభివృద్ధి, పర్యాటక, సాంస్కృతిక శాఖ గురువారం జీవో ఆర్టీ నంబర్ 349ను విడుదల చేసింది. తెలంగాణ పర్యాటక అభివృద్ధి సంస్థ (TGTDC) ద్వారా ఈ అభివృద్ధి పనులు చేపట్టనున్నారు.

Advertisement

మంత్రి కోమటిరెడ్డి వెంకటరెడ్డి చేసిన ప్రతిపాదనల మేరకు ఆలయ అభివృద్ధికి సంబంధించిన ప్రణాళికలు సిద్ధమయ్యాయి. టీజీటీడీసీ ఇంజినీరింగ్ బృందం ఇప్పటికే ఆలయ పరిసరాలను క్షేత్రస్థాయిలో పరిశీలించింది. అక్కడ చేపట్టాల్సిన పనులను గుర్తించి, రూ.15 కోట్లతో అంచనాలు రూపొందించి ప్రభుత్వానికి నివేదించింది. ఈ ప్రతిపాదనలను పరిశీలించిన ప్రభుత్వం తాజాగా పరిపాలనా అనుమతులు మంజూరు చేసింది.

భక్తులకు మెరుగైన సౌకర్యాలు

ఈ నిధులతో ఆలయ సమగ్ర అభివృద్ధి, పరిసరాల సుందరీకరణకు ప్రాధాన్యం ఇవ్వనున్నారు. ముఖ్యంగా ఆలయానికి వచ్చే భక్తులకు మెరుగైన సౌకర్యాలు కల్పించేలా పనులు చేపట్టనున్నారు. ఆలయ పరిసరాలను ఆహ్లాదకరంగా తీర్చిదిద్దడంతో పాటు పర్యాటకులను ఆకర్షించే విధంగా అభివృద్ధి ప్రణాళికలు రూపొందించనున్నారు. రోడ్లు, ఇతర మౌలిక సదుపాయాలు, ఆలయ పరిసరాల అభివృద్ధి వంటి పనులతో భక్తులకు ప్రయాణం మరింత సౌకర్యవంతంగా మారే అవకాశం ఉంది. అభివృద్ధి పనులు పూర్తయితే ఆలయానికి వచ్చే భక్తుల సంఖ్య కూడా పెరిగే అవకాశం ఉంది.

ఎంతో విశిష్టత కలిగిన రేణుక ఎల్లమ్మ ఆలయం

Advertisement

దర్వేశిపురం శ్రీ రేణుక ఎల్లమ్మ ఆలయం నల్లగొండ జిల్లాలో ప్రసిద్ధి చెందిన ఆధ్యాత్మిక క్షేత్రాల్లో ఒకటి. స్థానికంగా ఎంతోమంది భక్తులు అమ్మవారిని ఆరాధిస్తారు. ముఖ్యంగా అమ్మవారి దర్శనం కోసం పరిసర ప్రాంతాల నుంచి భక్తులు తరలివస్తుంటారు. భక్తుల విశ్వాసంతో పాటు ఈ ప్రాంతానికి ఉన్న ఆధ్యాత్మిక ప్రాధాన్యం ఆలయానికి ప్రత్యేక గుర్తింపును తీసుకొచ్చాయి. ఈ నేపథ్యంలో ఆలయాన్ని పర్యాటక కేంద్రంగా అభివృద్ధి చేయాలనే ప్రభుత్వ నిర్ణయం ప్రాధాన్యం సంతరించుకుంది. ఆలయ అభివృద్ధికి నిధులు మంజూరు కావడంపై చైర్మన్ చీదేటి వెంకటరెడ్డి, ఈవో అంబటి నాగిరెడ్డి హర్షం వ్యక్తం చేశారు. ప్రభుత్వానికి, మంత్రి కోమటిరెడ్డి వెంకటరెడ్డితో పాటు సహకరించిన ప్రజాప్రతినిధులకు కృతజ్ఞతలు తెలిపారు.

రూ.15 కోట్లతో చేపట్టనున్న అభివృద్ధి పనులు పూర్తయితే ధర్వేశిపురం ఎల్లమ్మ ఆలయం మరింత సుందరంగా మారడమే కాకుండా నల్లగొండ జిల్లాలో మరో ముఖ్యమైన పర్యాటక ప్రాంతంగా నిలిచే అవకాశం ఉంది.

Read Also: స్వామివారి శ్వాసకు దీపం కదలికే సంకేతమా? వాడపల్లి ఆలయంలో అంతుచిక్కని రహస్యం!

Tags

Related News

ఇప్పుడంటే టెక్నాలజీ ఉంది.. పూర్వం ఎల్ నినోను ఎలా ఎదుర్కొనేవారు? ఎలా బతికి బట్టకట్టేవారో తెలుసా?

వందే భారత్ జర్నీ సోషల్ మీడియా స్టేటస్‌గా ఎందుకు మారుతోంది? సైకాలజీ చెప్పే క్రేజీ సంగతి ఇదే!

స్వామివారి శ్వాసకు దీపం కదలికే సంకేతమా? వాడపల్లి ఆలయంలో అంతుచిక్కని రహస్యం!

మెట్రోకు పోటీగా PRTS.. హైదరాబాద్‌లో మరో కొత్త ట్రాన్స్‌ పోర్ట్ సిస్టమ్!

అక్వాన్ తుఫాను ఎఫెక్ట్.. ఈస్ట్ కోస్ట్, ఫలక్‌నుమా రైళ్ల కొత్త టైమింగ్స్ ఇవే!

దూసుకొస్తున్న అక్వాన్ తుఫాన్.. రైళ్లు రద్దు, విమాన సర్వీసులకు బ్రేక్!

ఆకాశంలో ఇక విమానాల సందడే.. మరో 1,000 విమానాలు వచ్చేస్తున్నాయ్!

Big Stories

Advertisement
×