Amaravati Tourism: ఏపీలో పర్వతం లాంటి పర్వతం ఉందని మీకు తెలుసా.. ఇది నిజం. ఔను ఏపీ రాజధాని అమరావతి సమీపంలో ఈ అద్భుతం మీరు చూడవచ్చు. ఇక్కడికి మీరు కొనసాగించే ప్రయాణం కూడా మీకొక గొప్ప వరం. ఎందుకంటే ఇక్కడికి చేరే రహదారి కూడా అలాంటి మలుపులతో నిండి ఉంటుంది. మలుపులు మొదటి ఆశ్చర్యం అయితే, ఇక మిగిలిన అద్భుతాలు మీ లైఫ్ లాంగ్ గుర్తుండి పోతాయి. ఇంతకు ఈ పర్వతం ఎక్కడ ఉంది? దాని విశేషాలేమిటో తెలుసుకుందాం.
అమరావతి చుట్టుపక్కల పర్యాటకంగా చూడదగ్గ చోటు ఏదైనా ఉందా? అంటే ముందు చెప్పాల్సింది కొండవీడు కోట గురించే.. గుంటూరు సమీపంలో ఉన్న ఈ చారిత్రక కోట ప్రకృతి అందాలు, పురాతన శిల్పకళ, గొప్ప చరిత్రను ఒకే చోట కలగలిపిన అద్భుతం. పర్వతాల మధ్య ఒదిగిపోయిన ఈ కోట ఎన్నో శతాబ్దాలుగా మన చరిత్రకు జీవం పోస్తూ ఉంది. ట్రెక్కింగ్ చేయాలనుకునే వారి కోసం మార్గాలు సిద్ధంగా ఉన్నాయి, ఫోటోలు తీయాలనుకునే వారికి అద్భుత దృశ్యాలు ఎదురుగా నిలుస్తాయి. కుటుంబంతో ఒక రోజు బాగా గడిపేందుకు ఇది సరైన గమ్యం!
ఈ కోట మీరు చూశారా?
గుంటూరు జిల్లా అని చెప్పగానే చాలా మందికి పాములు, పత్తి, పచ్చటి పొలాలు గుర్తుకొస్తాయి. కానీ ఈ జిల్లాలోనే ఒక గొప్ప చారిత్రక కోట కూడా ఉందని కొందరికి మాత్రమే తెలుసు. అదే కొండవీడు కోట. అమరావతి దగ్గర ఉన్న ఈ కోట మన తెలుగు నేల గర్వించదగిన ప్రాచీన సంపదలలో ఒకటి. పచ్చని కొండలు, పురాతన గోడలు, మందిరాలు, చెరువులతో కళకళలాడే ఈ కోట ఇప్పుడు పర్యాటక ప్రేమికులకు నిజమైన ఆహ్లాదకరమైన అనుభూతిని ఇస్తోంది.
కొండవీడు అనేది గుంటూరు నుండి దాదాపు 30 కిలోమీటర్లు, అమరావతి నుండి 55 కిలోమీటర్ల దూరంలో ఉంది. ఇది సముద్ర మట్టానికి సుమారు 1700 అడుగుల ఎత్తులో ఉండటంతో పర్వతాల మధ్య అద్భుతంగా వెలుగుతూ ఉంటుంది. ఈ కోట చుట్టూ పర్వతాలు, అడవులు కలిసిన ప్రదేశం కావడం వలన ఇది ప్రకృతి ప్రేమికులకు సరైన గమ్యం.
ఈ కోటను 14వ శతాబ్దంలో రెడ్డి రాజవంశానికి చెందిన ప్రొలయ వేమారెడ్డి నిర్మించాడని చరిత్రకారులు చెబుతారు. ఆయన తరువాత కొండవీడు కొన్ని దశాబ్దాలపాటు రెడ్డి రాజుల రాజధానిగా నిలిచింది. తరువాత ఈ ప్రాంతం విజయనగర సామ్రాజ్యం అధీనంలోకి వెళ్లింది. కృష్ణదేవరాయల పాలనలో కూడా ఈ కోటకు ప్రత్యేక ప్రాధాన్యం ఉండేది. ఇంకా గోల్కొండ సుల్తానులు, మొఘలులు, బ్రిటిష్ వారు ఈ కోటను పట్టుకొని పాలించిన చరిత్ర ఉంది.
ఇక్కడి విశేషాలు ఎన్నెన్నో..
ఈ కోటలో చూస్తే ఎన్నో విశేషాలు కనిపిస్తాయి. బలమైన గోడలు, కొండలపైకి ఎక్కే మార్గాలు, గోపురాలు, గుహలు, చెరువులు వంటి ఎన్నో నిర్మాణాలు మన ముందు నిలుస్తాయి. ముత్యాలమ్మ చెరువు, పుట్టలమ్మ చెరువు, వేదుల చెరువు అనే మూడు పురాతన నీటి నిల్వలు ఇప్పటికీ ఈ కోటలో కనిపిస్తాయి. అలాగే త్రికూటేశ్వరాలయం, గోపినాథ ఆలయం వంటి దేవాలయాలు అక్కడి శిల్పకళను చాటిచెప్పే విధంగా ఉన్నాయి. కత్తుల బావి అనే పేరుతో ఉన్న ఒక బావి కూడా ఇక్కడి ప్రత్యేక ఆకర్షణగా నిలుస్తుంది.
ప్రస్తుతం ప్రభుత్వం కొండవీడు కోటను పర్యాటక కేంద్రంగా అభివృద్ధి చేస్తోంది. ఇక్కడికి వెళ్లే మార్గంగా ఘాట్ రోడ్ తయారుచేయడం వల్ల కార్లలో వెళ్లడమూ సులభం అయింది. అంతేకాక ట్రెక్కింగ్ కోసం అడవి మార్గాలనూ సిద్ధం చేశారు. కొండపైకి నడుచుకుంటూ వెళ్లడం ద్వారా ప్రయాణికులకు కొత్త అనుభవం లభిస్తుంది. కొండల మధ్య నుంచి పచ్చని ప్రకృతి, హాయిగా వీస్తున్న గాలి, పాత చరిత్రను తాకే కోట గోడలు.. ఇవన్నీ కలిపి నిజంగా ఒక అద్భుతమైన ఫీలింగ్‌ను ఇస్తాయి.
Also Read: Visakha Tourism: విశాఖకు వెళ్లారా? ఇక్కడికి వెళ్లకుంటే ఇంకెందుకు?
ఇటీవల కొండవీడు కోటలో యోగా క్యాంపులు, అడ్వెంచర్ యాక్టివిటీలను నిర్వహిస్తున్నారు. రాక్లైంబింగ్, పెడల్ బోటింగ్, క్యాంపింగ్ వంటి అనేక కార్యక్రమాలు ఇక్కడి పర్యాటకులకు మరింత ఆకర్షణగా నిలుస్తున్నాయి. పిల్లలతో కుటుంబంగా వెళ్లి ఒక రోజంతా హాయిగా గడిపేందుకు ఇది పర్ఫెక్ట్ ప్లేస్ అని చెప్పొచ్చు.
పర్వత అందాలు ఇక్కడే చూడవచ్చు
ఫోటోగ్రఫీ చేయాలనుకునే వాళ్లకు ఇక్కడి విజువల్స్ నిజంగా అద్భుత ప్రదేశమే. పర్వతాల మధ్య నుండి ఉదయ సూర్యుడు వచ్చి తాకే కాంతి, పాతకాలపు గోడలపై పడే నీడలు, కొండల చివర నుండి కనపడే దూరపు దృశ్యాలు అన్నీ కెమెరాలో బంధించదగినవే. అందుకే కొండవీడు కోట ఇప్పుడు చాలా మంది ట్రావెల్ బ్లాగర్లు, నేచర్ ఫోటోగ్రాఫర్లకు ప్రాధాన్యంగా మారింది.
ఇక్కడికి చేరడానికి గుంటూరు నుండి బస్సులు, క్యాబ్‌లు అందుబాటులో ఉన్నాయి. కారులో వెళ్లాలన్నా ఘాట్ రోడ్ బాగా అభివృద్ధి చేయబడింది. విజయవాడ నుండి కూడా ఈ ప్రదేశానికి సులభంగా రవాణా సౌకర్యం ఉంది.
కొండవీడు కోటను చూడటానికి ఉత్తమ సమయం నవంబర్ నుంచి ఫిబ్రవరి మధ్యకాలం. ఈ సమయంలో వాతావరణం చల్లగా, ప్రయాణానికి అనుకూలంగా ఉంటుంది. వేసవి నెలల్లో కూడా ఉదయం పూట వెళ్లడం వల్ల పెద్దగా ఇబ్బంది ఉండదు. మొత్తంగా చెప్పాలంటే, కొండవీడు కోట మన గల గర్వకారణం. చరిత్ర, సంస్కృతి, ప్రకృతి అందాలు ఒకేచోట మిళితమైన అద్భుత ప్రదేశం ఇది. ఒకసారి తప్పకుండా వెళ్లి చూడదగిన ప్రదేశం. మీరు చరిత్ర ప్రేమికుడైనా, ప్రకృతి ప్రియుడైనా, ఫోటోగ్రాఫర్‌ అయినా ఇది మీ లిస్ట్‌లో ఉండాల్సిన స్పాట్ మిస్ కావద్దు!
Share
Talliki Vandanam Scheme 2025: ఏపీలో తల్లికి వందనం స్కీమ్.. ఏ ఒక్కటి తగ్గినా నో మనీ, చెక్ చేసుకోండి
OTT Movie : ఓటీటీలోకి ఆర్నాల్డ్ నటించిన యాక్షన్ థ్రిల్లర్ ... CIA ఏజెంట్‌ గా అవతారం ... యాక్షన్ ప్రియులకి పండగే
