Mini London: ట్రావెలింగ్ ఇష్టపడేవారు హాలీడేస్ సమయంలో ప్రశాంతంగా గడపడానికి అవకాశం ఉండే ప్రదేశానికి వెళ్లాలని కోరుకుంటారు. ప్రయాణం విషయానికి వస్తే.. చాలా మంది మనస్సులోకి వచ్చే మొదటి ఆలోచన మంచి టూరిస్ట్ ప్లేస్ వెళ్లడమే. అయితే.. విదేశాలకు వెళ్లడం అంత సులభం కాదు లేదా చాలా మందికి అది సాధ్యం కాదు. ఇలాంటి పరిస్థితిలో.. మీరు భారతదేశంలోనే విదేశాలకు వెళ్లాలనే మీ కలను నెరవేర్చుకోవచ్చు.
లండన్ చాలా మందికి ఇష్టమైన పర్యాటక ప్రదేశం.vచాలా మంది అక్కడికి వెళ్లాలని కోరుకుంటారు. కానీ భారతదేశంలో కూడా లండన్‌ను చూడొచ్చని మీకు తెలుసా. అవును, ఇండియాలో కూడా ఒక నగరం ఉంది. అక్కడ మీరు లండన్ అనుభూతిని పొందవచ్చు. అది కూడా పూర్తిగా ఉచితంగానే. భారతదేశంలో మినీ లండన్ ఎక్కడ ఉందో, దాని ప్రత్యేకత ఏంటో ఇప్పుడు తెలుసుకుందాం.
మినీ లండన్ ఎక్కడ ఉంది ?
ఇప్పుడు ఈ ప్రదేశం ఎక్కడ ఉందనేది మీ మనసులో ఒకే ఒక ప్రశ్న రావచ్చు. మెక్‌క్లస్కీగంజ్‌ను మినీ లండన్ ఆఫ్ ఇండియా అని పిలుస్తారు. ఈ అందమైన ప్రదేశం జార్ఖండ్ రాజధాని రాంచీకి సమీపంలో ఉంది. ఈ నగరం రాంచీ నుంచి దాదాపు 64 కిలోమీటర్ల దూరంలో ఉంది. ఈ ప్రదేశం చాలా అందంగా ఉంది.
ఇక్కడి వాతావరణం, నిర్మాణ శైలి, జీవనశైలి బ్రిటీష్ సంస్కృతిని ప్రతిబింబించేవిగా ఉండటంతో దీనికి “మినీ లండన్” అనే పేరు వచ్చింది. పచ్చని కొండలు, సెలయేళ్లు, టీ ఎస్టేట్లు, పాత బ్రిటిష్ కాలం నాటి బంగ్లాలు లండన్‌ను గుర్తుకు తెస్తాయి.
ఇక్కడ క్రిస్మస్ పండుగను ఘనంగా జరుపుకుంటారు. ఇది కూడా ఈ పేరు రావడానికి ఒక కారణం.
పర్యాటక ప్రదేశాలు , ఆకర్షణలు:
పాత బంగ్లాలు: బ్రిటిష్ కాలం నాటి అనేక పాత బంగ్లాలు ఇక్కడ ఉన్నాయి. ఇవి వాటి ప్రత్యేకమైన నిర్మాణ శైలితో పర్యాటకులను ఆకర్షిస్తాయి.
సుందరమైన ప్రకృతి: చుట్టూ పచ్చని కొండలు, దట్టమైన అడవులు, సెలయేళ్లు, ప్రశాంతమైన వాతావరణం ప్రకృతి ప్రేమికులకు నచ్చుతుంది.
కథల ప్రపంచం: రచయిత్రి రుస్కిన్ బాండ్ యొక్క “ఎ హాట్ హాట్ బన్” అనే ప్రసిద్ధ నవలలో ఈ ప్రాంతం గురించి ప్రస్తావించబడింది.
Also Read: విశాఖ మెట్రోపై లేటెస్ట్ అప్ డేట్.. ఎన్ని ఫ్లై ఓవర్లు వస్తున్నాయంటే?
ఈ నగరం ఎందుకు ప్రత్యేకమైంది?
మెక్‌క్లస్కీగంజ్ నగర అందం దీనిని మరింత ప్రత్యేకంగా చేస్తుంది. దట్టమైన అడవుల మధ్య ఉన్న ఈ నగరం ప్రతి సంవత్సరం వేలాది మంది పర్యాటకులను ఆకర్షిస్తోంది. ఇక్కడ ఉన్న ఎత్తైన పర్వతాలు, పచ్చని చెట్లు , అందమైన జలపాతాలు చూడటానికి అద్భుతంగా ఉంటాయి. ముఖ్యంగా వర్షాకాలంలో మీరు ఇక్కడకు వెళ్లడానినికి ప్లాన్ చేసుకోవచ్చు. ఈ సీజన్‌లో ఈ ప్రదేశం మరింత అందంగా కనిపిస్తుంది.
ఈ ప్రదేశాలను సందర్శించండి:
మీరు ప్రకృతి ప్రేమికులైతే.. ఈ నగరం మీకు సరైనది. ఇక్కడ మీరు పర్వతాల పై నుంచి అందమైన , కనువిందైన దృశ్యాలను చూడొచ్చు. అందుకే దీనిని మినీ లండన్ అని పిలుస్తారు. మీరు ఇక్కడ పత్రతు లోయ , నట్కా కొండలను కూడా అన్వేషించవచ్చు. మీరు ట్రెక్కింగ్, హైకింగ్, క్యాంపింగ్ కూడా చేయొచ్చు. ఈ టూర్ మీకు అద్భుతమైన అనుభూతిని అందిస్తుంది.
Share
Bihar News: బీహార్‌లో దారుణం.. ఒకే కుటుంబాన్ని సజీవదహనం చేసిన గ్రామస్థులు
Vande Bharat Train: నిన్న వైజాగ్.. ఈ రోజు బెంగళూరు.. వందేభారత్ రైళ్లలో కీలక మార్పులు!
