Amazon Forest Uncontacted Tribe: అమెజాన్ అడవుల్లో బాహ్య ప్రపంచంతో సంబంధం లేకుండా జీవిస్తున్న ఒక ఆదిమ తెగకు సంబంధించిన అరుదైన అత్యంత వీడియో ఇప్పుడు ప్రపంచవ్యాప్తంగా చర్చనీయాంశమైంది. ప్రముఖ పర్యావరణవేత్త, రచయిత పాల్ రోసోలీ, పాడ్కాస్టర్ లెక్స్ ఫ్రిడ్మాన్కు ఇచ్చిన ఇంటర్వ్యూలో ఈ అద్భుతమైన దృశ్యాలను మొదటిసారిగా బయటపెట్టారు.
అమెజాన్ అడవుల్లో గత రెండు దశాబ్దాలుగా పరిశోధనలు చేస్తున్న పాల్ రోసోలీ, ఈ వీడియోను ప్రపంచంలోనే మొట్టమొదటిది అని అభివర్ణించారు. సాధారణంగా బాహ్య ప్రపంచానికి తెలియని తెగల దృశ్యాలు వందల మీటర్ల దూరం నుండి తీయడం వల్ల చాలా అస్పష్టంగా ఉండేవి. కానీ, ఈ వీడియోలో ఆ తెగ మనుషుల హావభావాలు, వారి కదలికలు అత్యంత స్పష్టంగా కనిపిస్తున్నాయి.
అధునాతన 800mm లెన్స్, టెలికన్వర్టర్ల సాయంతో తీసిన ఈ వీడియో క్లిప్లో ఆ తెగ వారు అడవి నుంచి బీచ్లోకి వస్తుండగా, వారి చుట్టూ వేలాది సీతాకోకచిలుకలు కమ్ముకుని ఉండటం ఆకట్టుకుంటోంది. మొదట వారు చాలా అప్రమత్తంగా, చేతిలో విల్లులు, బాణాలతో కనిపిస్తారు. తమ ముందున్న వ్యక్తులు శత్రువులా లేక మిత్రులా అని వారు విశ్లేషించడం వీడియోలో స్పష్టంగా కనిపిస్తుంది.
తమపై దాడి జరుగుతుందేమోనని రోసోలీ బృందం భయపడుతున్న సమయంలోనే ఒక అద్భుతం జరిగింది. ఆ ఆదిమ తెగ వారు దగ్గరకు వస్తున్న కొద్దీ, తమ చేతుల్లోని ఆయుధాలను కింద పడేశారు. అపరిచితులను చూడగానే ఆ తెగ వారు ఆయుధాలను వదిలేయడం ఒక చారిత్రాత్మక మార్పుగా నిపుణులు భావిస్తున్నారు.
New footage of the uncontacted Amazonian tribes has been released for the first time on Lex Fridman's podcastpic.twitter.com/MGd3arKThe
— Massimo (@Rainmaker1973) January 16, 2026
Read Also: ఏకంగా 47 లక్షల సోషల్ మీడియా అకౌంట్లు క్లోజ్ చేసిన ప్రభుత్వం, ఇక కష్టమే!
Share
Biker OTT: శర్వానంద్ బైకర్ ఓటీటీ డీల్ క్లోజ్... ప్రముఖ ఓటీటీ సంస్థకు స్ట్రీమింగ్ రైట్స్!
Sharwanand: మళ్లీ సంక్రాంతి రేసులోకి వస్తున్న శర్వానంద్... కలిసొచ్చే సీజన్ను విడిచిపెట్టడా?
