Barrelakka Marraige: ప్రస్తుతం యువతలో సోషల్ మీడియా ప్రభావం ఏ విధంగా చెప్పాల్సిన అవసరం లేదు. ఏ పని చేసినా సోషల్ మీడియాలో పోస్ట్ చేస్తూ ఫేమస్ అయిపోతుంటారు. తాము చేసే పని ఎటువంటిది అనే మోహమాటం లేకుండా నెట్టింట పోస్టులు పెడుతూ ప్రపంచానికి తమను తాము పరిచయం చేసుకుంటుంటారు. అందులో చెప్పుకోవడానికి చాలా మంది ఉన్నా.. మనకు తెలిసిన ఫేమస్ వ్యక్తుల్లో బర్రెలక్క అలియాస్ శిరీష ఒకరు. బర్రెలను కాస్తూ తాను చేసే వీడియోలతో ఫేమస్ అయిన బర్రెలక్క.. ఇటీవల ఎన్నికల్లో కూడా పోటీ చేసి తెలుగు రాష్ట్రాల రాజకీయ నేతలతోను ప్రశంసలు అందుకుంది. పలువురు అగ్ర నాయకుల నోట కూడా బర్రెలక్క పేరు రావడంతో మరింత ఫేమస్ అయింది. కానీ ఎన్నికల్లో పోటీ చేసినా ఓడిపోయిన విషయం తెలిసిందే.
సోషల్ మీడియా ఫేమ్ బర్రెలక్క తాజాగా వివాహబందంలోకి అడుగుపెట్టింది. ఇప్పటికే తన పెళ్లికి సంబంధించిన ఎంగేజ్మెంట్ ఫోటోలు, ప్రీ వెడ్డింగ్ వీడియోలను కూడా సోషల్ మీడియాలోని తన ఫాలోవర్లతో పంచుకున్న విషయం తెలిసిందే. తాజాగా నేడు ఆమె పెళ్లి చేసుకుంది. ఈ మేరకు బర్రెలక్క పెళ్లికి సంబంధించిన ఫోటోలు ప్రస్తుతం నెట్టింట వైరల్ అవుతున్నాయి.
Also Read: మా పిల్లి ఎక్కడో తప్పి పోయింది.. కనిపిస్తే చెప్పండి ప్లీజ్.. ఊరంతా పోస్టర్లు
బర్రెలక్క నేడు రెండో పెళ్లి చేసుకుంది. ఇప్పటికే గతంలో తాను ఒకరిని వివాహం చేసుకున్నా సఖ్యత లేక విడిపోయినట్లు తానే స్వయంగా చెప్పిన విషయం తెలిసిందే. తాజాగా ఆమె మరో వ్యక్తిని వివాహం చేసుకుంది. తన బంధువు వెంకటేష్ తో కలిసి ఏడడుగులు వేసింది. నాగర్ కర్నూల్ లోని పెద్దకొత్తపల్లిలోని పీఎంఆర్ గార్డెన్ లో వీరి వివాహం ఘనంగా జరిగింది. తన స్నేహితులు, బంధువుల మధ్య ఈ పెళ్లి తంతువు పూర్తి చేసుకుంది.
సంప్రదాయ పద్ధతిలో జరిగిన బర్రెలక్క పెళ్లికి సంబంధించిన ఫోటోలు ప్రస్తుతం వైరల్ అవుతున్నాయి. కాగా, నిన్న జరిగిన హల్దీ వేడుకలకు సంబంధించిన ఓ వీడియోను కూడా బర్రెలక్క సోషల్ మీడియాలో పోస్ట్ చేసింది. ప్రస్తుతం ఈ ఫోటోలు, వీడియోలు వైరల్ అవుతున్నాయి.
Share
Kia K4 Sedan : కియా నుంచి మరో సూపర్ స్టైలిష్ కారు
Vladimir Putin: ఎఫ్-16 విమానాలను కూల్చేస్తాం.. నాటో దేశాలకు పుతిన్ హెచ్చరిక..
