Viral Video: నిజంగానే జాతీయ జెండాను ఆ పక్షి ఆవిష్కరించిందా? నిజం ఇదే

Bird Unfurl Flag: ఆగస్టు 15వ తేదీన దేశమంతటా స్వాతంత్ర్య దినోత్సవ ఉత్సవాలను జరుపుకున్నట్టే కేరళలో కూడా జాతీయ జెండా ఎగురవేసి వేడుక చేసుకున్నారు. కేరళలోని ఓ ప్రాంతంలో జాతీయ జెండా ఆవిష్కరిస్తున్న సమయంలో పవిత్ర ఘటన జరిగిందని, దైవం నేరుగా ఈ పతాకావిష్కరణలో ప్రమేయం చేసుకుందని వాదనలు వచ్చాయి. ఇందుకు ఓ వీడియో కారణంగా ఉన్నది.

కేరళలో ఓ చోట జాతీయ జెండాను ఎగురవేస్తుండగా జెండా పోల్ చివరి దాకా వెళ్లాక విచ్చుకోవడంలో సమస్య ఏర్పడింది. అప్పుడు ఓ పక్షి ఎక్కడి నుంచో వచ్చి.. అందులో ప్రమేయం కల్పించుకున్నట్టుగా ఆ వీడియో వివరిస్తు్న్నది. ఆ పక్షి జెండా విచ్చుకుని పూర్తిగా ఆవిష్కరించుకోవడానికి సహకరించిందని వీడియో చూసి చాలా మంది నెటిజన్లు కామెంట్లు చేశారు.

Kerala – National Flag got stuck at the top while hoisting. A bird came from nowhere and unfurled it!! ✨ pic.twitter.com/lRFR2TeShK

— Shilpa (@shilpa_cn) August 16, 2024

ఇది దైవ జోక్యమేనని పలువురు నెటిజన్లు కామెంట్లు పెట్టారు. స్వాతంత్ర్య దినోత్సవ వేడుకలను ఇలాంటి ఘటనలు మరింత మెమోరబుల్‌గా చేస్తాయని అభిప్రాయపడ్డారు. మన దేశ స్వాతంత్ర్య వేడుకలకు దేవుడు అండగా ఉన్నాడని మరొకరు పేర్కొన్నారు.

Also Read: Chandrababu meets PM Modi: ప్రధాని మోదీతో ఏపీ సీఎం కీలక భేటీ.. సమావేశం అనంతరం చంద్రబాబు..

కాగా, ఈ వాదనను వ్యతిరేకిస్తున్నవారూ ఉన్నారు. ఆ పక్షి ఎక్కడో శూన్యంలో నుంచి ఏమీ రాలేదని, వెనుక ఉన్న చెట్ల నుంచి పక్షి వస్తున్నట్టుగా స్పష్టంగా వీడియోలో కనిపిస్తున్నదని కామెంట్ చేశారు. అక్కడి నుంచి ఆ పక్షి వచ్చి జెండా పోల్‌కు సమీపంలో కొబ్బరి చెట్టు కొమ్మపై వాలిందని వివరించారు. ఆ తర్వాత అక్కడి నుంచి ఎగిరి వెళ్లిపోయిందని పేర్కొన్నారు. అయితే, కెమెరా యాంగిల్ వల్ల ఆ పక్షి జెండా వద్దకు వచ్చి అది విచ్చుకోవడంలో సహకరించినట్టుగా కనిపిస్తున్నదని తెలిపారు. అంతే తప్పితే పక్షి నిజంగానే జెండాను ఆవిష్కరించలేదని వాదించారు. వీడియోను శ్రద్ధగా పరిశీలించి చూస్తే ఇది అర్థమవుతుందని వివరించారు. చాలా మందికి ఈ వీడియో పై ఉన్న అనుమానాలు పై కామెంట్లతో తొలగిపోయాయి.

Share

• 
• 
• 
• 
• 
•