Drunk Thief: సాధారణంగా దొంగలు చాలా అలర్ట్ గా ఉంటారు. ఏ ఇంటికి చోరికి వెళ్లినా ఒకటికి రెండుసార్లు రెక్కీ నిర్వహిస్తుంటారు. దోపిడి అనంతరం ఏ విధంగా బయటపడాలి? పోలీసులకు క్లూలు దొరక్కుండా ఎలాంటి జాగ్రత్తలు తీసుకోవాలి? వంటి వాటిపై ముందుగానే ఒక ప్రణాళికను సిద్ధం చేసుకుంటారు. అయితే కర్ణాటకలో ఓ దొంగ మాత్రం ఇవేమి పాటించలేదు. వ్యాపారి ఇంట్లోకి చొరబడి.. నేలపై గుర్రుపెట్టి పడుకుండిపోయాడు.
కర్ణాటక చిక్కబళ్లాపూర్ జిల్లా గౌరిబిదనూర్ (Gauribidanur)కు చెందిన స్థానిక వ్యాపారి ప్రేమ్ నాథ్ ఇంట్లో ఈ విచిత్ర ఘటన చోటుచేసుకుంది. ప్రేమ్ నాథ్ కుటుంబ సభ్యులతో కలిసి హైదరాబాద్ లోని ఓ కార్యక్రమానికి హాజరయ్యారు. దీనిని గమనించిన ఇద్దరు దొంగలు.. అతడి ఇంటిపై కన్నేశారు. చోరికి పథకం రచించారు. గ్యాస్ కట్టర్ ఉపయోగించి ఇంటి పైకప్పును తొలగించారు. దాని గుండా లోపలికి ప్రవేశించారు.
ప్రేమ్ నాథ్ ఇంట్లో భారీ మెుత్తంలో ఆశించిన దొంగలకు నిరాశే ఎదురైంది. కేవలం రూ.5000 నగదు, కొద్దిపాటి బంగారు ఆభరణాలు మాత్రమే వారికి లభించాయి. దీంతో ఆ వస్తువులను జేబులో వేసుకొని.. ముందుగా ఒక దొంగ ఇంటి పైకప్పు ఎక్కాడు. అయితే ఇంటి ముందు టార్చిలైట్లతో స్థానికులు ఉండటాన్ని గమనించి నెమ్మదిగా కిందకు దిగాడు.
అనంతరం లోపల ఉన్న మరో దొంగకు బయటి పరిస్థితుల గురించి తెలియజేశాడు. గుట్టుచప్పుడు కాకుండా రావాలని సిగ్నల్ ఇచ్చాడు. అయితే అప్పటికే ఫుల్లుగా మద్యం తాగి దొంగతనానికి వచ్చిన మరో దొంగ.. మత్తులో బయటకు రాలేకపోయాడు. అయితే ఇంటి చుట్టుపక్కల అనుమానస్పద కదలికలు, శబ్దాలను గమనించిన స్థానికులు అప్రమత్తమయ్యారు. ఇంటి పైకప్పు తెరిచి ఉండటం చూసి దానిని వెంటనే మూసివేశారు. దీంతో చేసేది లేక రెండో దొంగ రాత్రంతా ఇంట్లోనే ఉండిపోయాడు. మద్యం మత్తులో ఇంటి నేలపై గుర్రు పెట్టి నిద్రపోయాడు.
Also Read: AP Budget Session: పవన్తో నాగబాబు, బాలయ్య భేటి.. ఏపీ రాజకీయాల్లో ఆసక్తికర చర్చ!
మర్నాడు ఉదయం ప్రేమ్ నాథ్.. హైదరాబాద్ నుంచి ఇంటికి తిరిగివచ్చాడు. తలుపులు తెరిచి చూడగా.. దొంగ నేలపై నిద్రపోతూ కనిపించాడు. దీంతో స్థానికుల సాయంతో అతడ్ని నిర్భందించి పోలీసులకు సమాచారం ఇచ్చాడు. రంగంలోకి దిగిన పోలీసులు.. హుటాహుటీనా ప్రేమ్ నాథ్ ఇంటికి చేరుకొని దొంగను అదుపులోకి తీసుకున్నారు. దొంగను విచారించగా తనతోపాటు వచ్చిన మరో వ్యక్తి గురించి కూడా తెలియజేశాడు. పరారీలో ఉన్న మరో దొంగ కోసం గాలిస్తున్నట్లు పోలీసులు తెలిపారు.
Also Read: YS Sharmila: సూపర్ సిక్స్ సూపర్ ఫ్లాప్.. వైసీపీ వాకౌట్ సిగ్గుచేటు.. సూటి ప్రశ్నలతో ఏకిపారేసిన షర్మిల
Share
Telangana Gram Panchayat Funds: తెలంగాణ గ్రామ పంచాయతీలకు కేంద్రం నిధుల విడుదల.. మంత్రి సీతక్క విజ్ఞప్తి
Food poison: పెద్దపల్లి బాలసదనంలో కలకలం: కలుషిత ఆహారంతో 32 మంది విద్యార్థులకు ఫుడ్ పాయిజన్!
