Viral Video: సాధారణంగా ప్రతీ పాఠశాలలో నిత్యం ఏదోక సాంస్కృతిక కార్యక్రమాలను నిర్వహిస్తుంటారు. మన సంస్కృతి, సంప్రదాయాలపై విద్యార్థులకు అవగాహన కల్పించే లక్ష్యంతో ఈ ఈవెంట్లను స్కూల్ యాజమాన్యాలు నిర్వహిస్తుంటాయి. ఈ క్రమంలోనే బెంగాల్ లోని ఓ స్కూల్లోనూ కల్చరల్ ప్రోగ్రామ్ ను నిర్వహించారు. అయితే అక్కడ కొందరు విద్యార్థినులు చేసిన పని.. తీవ్ర వివాదస్పదంగా మారింది. అర్ధనగ్న దుస్తులతో వేదికపైకి వచ్చి.. ఓ పాటకు డ్యాన్స్ చేయడంపై నెట్టింట తీవ్ర ఆగ్రహం వ్యక్తమవుతోంది.
కోల్ కత్తాలోని జీబన్ జ్యోతి మోడల్ స్కూల్లో జరిగిన విద్యార్థినుల ‘టవల్ డ్యాన్స్’ (Towel Dance) వీడియో సోషల్ మీడియాలో విపరీతంగా వైరల్ అవుతోంది. కొందరు విద్యార్థినులు కేవలం తువ్వాళ్లు (Towels) కట్టుకుని వేదికపై వచ్చి.. అసభ్యకరమైన రీతిలో డ్యాన్స్ చేశారు. టవల్ ను ఓపెన్ చేస్తూ స్టెప్పులు వేశారు. ఇందుకు సంబంధించిన దృశ్యాలు బయటకు రావడంతో.. అది క్షణాల్లోనే వైరల్ గా మారింది.
An English medium CBSE board school organised this mujra event.
Look at how shamelessly these girls are doing vulgar mujra.
So many children are in the audience. What will they learn?
Organisers of this event should be arrested.
Why can't we have a mujra free society? pic.twitter.com/CgS1uku7zL
— ︎ ︎venom (@venom1s) March 14, 2026
విద్యార్థినుల అర్ధనగ్న డ్యాన్స్ వీడియోపై నెటిజన్లు తీవ్ర ఆగ్రహం వ్యక్తం చేస్తున్నారు. ఇది అసభ్యకరంగా (Obscene), అసహ్యంగా (Disgusting) ఉందని మండిపడుతున్నారు. విద్యాబుద్ధులు నేర్పాల్సిన పాఠశాలల్లో.. ఇటువంటి ప్రదర్శనలకు ఎలా అనుమతించారని విద్యాశాఖను, స్కూల్ యాజమాన్యాన్ని ప్రశ్నిస్తున్నారు. బెంగాల్ వంటి గొప్ప సాంస్కృతిక వారసత్వం ఉన్న రాష్ట్రంలో పాఠశాల వేదికపై ఇలాంటి ప్రదర్శనలు జరగడం దురదృష్టకరమని పలువురు వ్యాఖ్యానించారు.
Also Read: BRS Party: అరెరే పెద్ద సమస్యే వచ్చిందే.. పాపం బీఆర్ఎస్.. నైరాశ్యంలో కేడర్!
విద్యార్థినుల డ్యాన్స్ వీడియో వైరల్ కావడంతో.. స్థానిక విద్యాశాఖ అధికారులు సైతం ఈ ఘటనపై దృష్టిసారించారు. సంబంధిత పాఠశాల ఉపాధ్యాయుల నుండి వివరణ కోరే అవకాశమున్నట్లు తెలుస్తోంది. మరోవైపు విద్యార్థుల క్రమశిక్షణా రాహిత్యంతో పాటు ఇలాంటి కార్యక్రమాలను పర్యవేక్షించడంలో విఫలమైనందుకు సదరు పాఠశాలపై అధికారులు చర్యలు తీసుకోవాలని నెటిజన్లు డిమాండ్ చేస్తున్నారు.
టవల్ డ్యాన్స్ వీడియో పెద్ద ఎత్తున వివదాస్పదంగా మారినప్పటికీ.. జీబన్ జ్యోతి మోడల్ స్కూల్ (Jeeban Jyoti Model School) ఎలాంటి అధికారిక ప్రకటన విడుదల చేయలేదు. ఘటనపై పాఠశాలలో ఏదైనా విచారణకు ఆదేశించారా? లేదా? అన్న దానిపై స్పష్టత ఇవ్వలేదు. మరోవైపు ఈ ఘటన ఎప్పుడు, ఎక్కడ జరిగిందన్న దానిపై కూడా పాఠశాల యాజమాన్యం ఎలాంటి క్లారిటీ రాకపోవడం గమనార్హం.
Share
Road Accident: విశాఖలో ఘోర రోడ్డు ప్రమాదం.. వాహనాలపైకి దూసుకెళ్లిన లారీ.. స్పాట్లో ఇద్దరు మృతి
Sunflower Oil Benefits: వంటకు సన్ఫ్లవర్ ఆయిల్ ఎందుకు మంచిది? తెలిస్తే షాక్ అవడం గ్యారంటీ
