LPG Cylinder Expiry Date: గ్యాస్ సిలిండర్ పై బరువుతో పాటు కొన్ని ఇంగ్లీష్ అక్షరాలు, నెంబర్లు ఉంటాయి. వాటిని ఎప్పుడైనా గమనించారా?. A 26, B 26 అనే కోడ్ ను చూసే ఉంటారు కదా. వాటి వెనుక ఉన్న అర్థం ఏంటో తెలుసుకుందాం. లిక్విడ్ పెట్రోలియం గ్యాస్ (LPG) సిలిండర్లను BIS 3196 ప్రమాణానికి అనుగుణంగా తయారు చేస్తారు. కార్బన్ తో తయారు చేసిన ఈ సిలిండర్లు పెట్రోలియం, పేలుడు పదార్థాల భద్రతా సంస్థ (PESO) నుంచి ఆమోదం పొందాల్సి ఉంటుంది. సిలిండర్ల తయారీ, అమ్మకానికి BIS లైసెన్స్ కూడా పొందాలి. అయితే వాతావరణ పరిస్థితులు, వినియోగం, అరుగుదల, తుప్పు పట్టడం ఇలాంటి కారణాలతో..సిలిండర్ల వినియోగం పరిమితి ఉంటుంది. ఎల్పీజీ సిలిండర్లకు ఎక్స్ ఫైరీ ఉండదు, కానీ ప్రతి 5 సంవత్సరాలకు ఒకసారి పరీక్ష నిర్వహిస్తారు. ఈ టెస్ట్ లో సిలిండర్ల వినియోగాన్ని పరీక్షించి కొత్త పరీక్ష గడువు తేదీని ప్రింట్ చేస్తారు.
తదుపరి టెస్టింగ్ డేట్ ను ఒక ఆల్ఫాన్యూమరిక్ కోడ్ రూపంలో సిలిండర్ పై ప్రింట్ చేస్తారు. సిలిండర్ సైడ్ కాలర్లలో ఒకదానిపై A, B, C, D అనే అక్షరాలు 2 అంకెలతో ఈ కోడ్ ను ప్రింట్ చేస్తారు.
ఇంగ్లీషు అక్షరం తర్వాత చెల్లుబాటు అయ్యే సంవత్సరాన్ని ప్రింట్ చేస్తారు. ఉదాహరణకు A-26 అంటే ఆ సిలిండర్ను 2026 జనవరి-మార్చి మధ్యలో పరీక్షించాల్సి ఉందని అర్థం. అయితే కొన్నిసార్లు గడువు ముగిసినా.. కస్టమర్ల వద్ద ఉండిపోతాయి. నెక్ట్స్ ఫిల్లింగ్ సమయంలో పాత సిలిండర్లను మరోసారి పరీక్ష నిర్వహిస్తుంటారు. సిలిండర్ సైడ్ కాలర్ పై టెస్టింగ్ డేట్ ను ముద్రిస్తారు. అందుకే సిలిండర్ తీసుకునే ముందు వీటిని గమనించి తీసుకుంటే బెటర్.
Also Read: పెట్రోల్ కోసం ఏకంగా బైకు ట్యాంకే పీక్కొని వచ్చేశాడు.. ఈ వీడియో చూస్తే నవ్వు ఆగదు!
Share
రూపాయి ఖర్చు లేకుండా ఫ్లోర్ క్లీనర్ తయారీ.. దీంతో మీ ఇల్లు మెరిసిపోవడం గ్యారెంటీ!
తెలంగాణ టీమ్కు దేశ బాధ్యతలు.. ఏఐసీసీ సంచలన నిర్ణయం..?
