Chhattisgarh: మహిళా కానిస్టేబుల్‌ను వేధించాడని.. చెప్పుల దండ వేసి ఊరేగింపు..

Chhattisgarh: తప్పుకు తగిన శిక్ష అంటే దీన్నే అంటారేమో.. ఛత్తీస్‌గఢ్‌లోని రాయ్‌గఢ్ జిల్లాలోని ఒక పోలీస్ స్టేషన్ పరిధిలో విధులు నిర్వహిస్తున్న మహిళా కానిస్టేబుల్‌పై చిత్రసేన్ సావో అనే వ్యక్తి తన అనుచరులతో కలిసి అత్యంత క్రూరంగా ప్రవర్తించాడు. బాధితురాలిపై భౌతిక దాడికి పాల్పడటమే కాకుండా, ఆమెను వివస్త్రను చేసి అవమానించాడనే తీవ్రమైన ఆరోపణలు వెలుగులోకి వచ్చాయి.

ఈ అరాచకానికి పాల్పడిన నిందితుడిని పోలీసులు అదుపులోకి తీసుకున్నారు. సమాజంలో ఇటువంటి దుశ్చర్యలకు పాల్పడితే పర్యవసానాలు ఎంత తీవ్రంగా ఉంటాయనే హెచ్చరికను పంపేలా, పోలీసులు అతనికి చెప్పుల దండ వేసి బహిరంగంగా వీధుల్లో ఊరేగించారు.

మహిళల పట్ల అసభ్యంగా ప్రవర్తించే వారికి గుణపాఠం చెప్పాలనే ఉద్దేశంతో, పోలీసులు నిందితుడు చిత్రసేన్ సావోను ప్రజల సమక్షంలో కట్టుదిట్టమైన భద్రతల మధ్య కోర్టుకు తరలించారు. ఈ ఊరేగింపు సాగుతున్న సమయంలో స్థానిక ప్రజలు నిందితుడికి వ్యతిరేకంగా నినాదాలు చేశారు.

మహిళా రక్షణకు కట్టుబడి ఉన్నామని చాటిచెప్పే క్రమంలో, నిందితుడిని అవమానకర రీతిలో ఊరేగించి అనంతరం న్యాయమూర్తి ముందు హాజరుపరిచారు. నిందితుడి ప్రవర్తన వల్ల పోలీసు శాఖా ప్రతిష్ట దెబ్బతినడమే కాకుండా, మహిళా సిబ్బంది రక్షణపై కూడా ఆందోళనలు వ్యక్తమయ్యాయి.

Also Read: దూసుకొస్తున్న అల్పపీడనం.. మూడు రోజులు ఆ జిల్లాల్లో భారీ వర్షాలు

ఈ దారుణ ఘటనకు సంబంధించి పోలీసులు లోతైన దర్యాప్తు జరిపి, ప్రధాన నిందితుడితో పాటు అతనికి సహకరించిన మరో నలుగురిని కూడా గుర్తించి అరెస్ట్ చేశారు. దీంతో ఈ కేసులో మొత్తం ఐదుగురు నిందితులు ప్రస్తుతం పోలీసు కస్టడీలో ఉన్నారు. బాధితురాలికి న్యాయం చేసే దిశగా ప్రభుత్వం, పోలీసు యంత్రాంగం వేగంగా అడుగులు వేస్తోంది. నిందితులపై వివిధ సెక్షన్ల కింద కేసులు నమోదు చేసి, కఠిన శిక్ష పడేలా చర్యలు తీసుకుంటామని ఉన్నతాధికారులు స్పష్టం చేశారు.

మహిళా కానిస్టేబుల్‌ను వేధించాడని.. చెప్పుల దండ వేసి ఊరేగింపు

ఛత్తీస్‌గఢ్‌లోని రాయ్‌గఢ్ జిల్లాలో ఘటన

ఓ మహిళా కానిస్టేబుల్‌పై దాడి చేసి, ఆమెను వివస్త్రను చేశాడని ఆరోపణలు

ప్రధాన నిందితుడు చిత్రసేన్ సావోకు చెప్పుల దండ వేసి బహిరంగంగా ఊరేగించిన పోలీసులు

ప్రజల ముందు ఊరేగింపుగా… pic.twitter.com/RImQPXPBwv

— BIG TV Breaking News (@bigtvtelugu) January 7, 2026

Share

• 
• 
• 
• 
• 
•