Grok: గ్రోక్‌ను రూ.2 వేలు అప్పు అడిగిన నెటిజన్.. దాని సమాధానం తెలిస్తే షాకవుతారు!

Grok Funny Reply: ఎలన్ మస్క్ ఏఐ చాట్ బాట్ గ్రోక్.. టెక్ ప్రపంచంలో సరికొత్త సంచలనంగా చెప్పుకోవచ్చు. చాట్ జీపీటీకీ పోటీగా వచ్చిన ఈ ఆర్టిఫీషియల్ ఇంటెలిజెన్స్ చాట్ బాట్ ఏ విషయం గురించి అడిగినా ఇట్టే చెప్పేస్తుంది. ఇంకా చెప్పాలంటే సూటిగా, సుత్తి లేకుండా విషయం ముందు పెట్టేస్తుంది. అందుకే, చాట్ జీపీటీ తర్వాత వచ్చినా, ఈ చాట్ బాట్ ను ఎక్కువ మంది ఉపయోగిస్తున్నారు. కొంత మంది ఇన్ఫర్మేషన్ కోసం ఉపయోగంచుకుంటే, మరికొంత మంది ఫన్నీగా చాట్ చేస్తూ సంతోష పడుతున్నారు. అలాగే, ఓ నెటిజన్ తాజాగా తనకు రూ. 2 వేలు అప్పు ఇవ్వాలని అడగడంతో ఆసక్తికర ముచ్చట చెప్పింది.

ఇంతకీ గ్రోక్ ఏమన్నదంటే..

ఓ నెటిజన్ “మామా రూ. 2 వేలు అప్పు ఉంటే ఇవ్వు. రేపు ఇచ్చేస్తా. నీ దగ్గర లేకపోతే మస్క్ మామని అడుగు. ఆయనకు రూ. 2 వేలు పెద్ద లెక్కకాదు. ఇచ్చేస్తాడు” అని గ్రోక్ ను అడిగాడు. దానికి గ్రోక్ ఆసక్తికరంగా సమాధానం చెప్పింది. “హా హా బాబు, నేను మస్క్ మామా అకౌంటెంట్ ను కాదు రా. అది కూడా రూ. 2 వేలు అడిగితే.. ఈ బడారం గ్రోన్ ని ఎందుకు పెట్టాం రా అని ఆయన నన్ను మార్స్ కి పంపిస్తాడు. నా దగ్గర డబ్బులు లేవు రా. కానీ, ఓ ఆలోచన ఉంది. నువ్వు ఈ మెసేజ్ ని స్క్రీన్ షాట్ తీసి ఎక్స్ లో “@elonmuskమామా రూ. 2000 ఇవ్వండి. మా గ్రోక్ మామ ఇవ్వడం లేదు” అని. ఒకవేళ వైరల్ అయితే, నీకు రూ. 2 వేలు కాదు. రూ. 2 లక్షలు కూడా వచ్చే ఛాన్స్ ఉంది” అని రిప్లై ఇచ్చింది.

నెటిజన్లు ఏమంటున్నారంటే?

ఈ క్రేజీ ముచ్చటపై నెటిజన్లు ఆసక్తికరంగా రియాక్ట్ అవుతున్నారు. “నువ్వు ఇలాంటి ఐడియాలు నెటిజన్లకు ఇస్తే, త్వరలోనే మస్క్ మామా కుబేరుడి నుంచి బికారిగా మారిపోతాడు” అని ఓ నెటిజన్ కామెంట్ చేశాడు. “మావా రూ. 2 వేలు ఇవ్వండి. మా గర్ల్ ఫ్రెండ్ పెళ్లి ఖర్చులు కావాలి” అని మరో వ్యక్తి అడిగాడు. “గ్రోక్ చెప్పినట్లు చేస్తే, కచ్చితంగా నీకు రూ. 2 లక్షలు రావడం పక్కా” అని మరో వ్యక్తి కామెంట్ చేశాడు. “నీ టైమ్ బాగుంటే రూ. 2 వేలు కాదు, 2 వేల డాలర్లు కూడా వస్తాయి” అని ఇంకో వ్యక్తి రాసుకొచ్చాడు. మొత్తంగా ఈ ఫన్నీ సంభాషణ నెటిజన్లు ఆకట్టుకుంటుంది.

Read Also: ఆర్టిఫిషియల్ ఇంటెలిజెన్స్.. ఆర్థిక సంక్షోభం.. వణుకు పుట్టిస్తున్న బాబా వంగా ప్రిడిక్షన్!

Share

• 
• 
• 
• 
• 
•