Bengaluru Incident: విద్యాబుద్ధులు నేర్పాల్సిన గురువే లవ్ పాఠాలు చెబితే.. విద్యార్థిని చెప్పుతో దెబ్బ.. వీడియో వైరల్!

Bengaluru Incident: సమాజంలో అత్యంత గౌరవప్రదమైన వృత్తి ఏదంటే అది బోధనా వృత్తి. విద్యార్థులను భావి భారత పౌరులుగా తీర్చిదిద్దాల్సిన గురువులు.. అప్పుడప్పుడు చేస్తున్న కొన్ని పనులు ఆ వృత్తికే కళంకం తెస్తున్నాయి. తాజాగా కర్ణాటక రాష్ట్రంలోని బెంగళూరు సమీపంలో ఉన్న నేలమంగళలో ఇటువంటి ఘటనే వెలుగుచూసింది. ఓ ప్రైవేట్ మెడికల్ కాలేజీలో ప్రొఫెసర్‌గా పనిచేస్తున్న వ్యక్తి, తన హోదాను మర్చిపోయి విద్యార్థిని పట్ల అసభ్యంగా ప్రవర్తించడం కలకలం రేపింది.

అబ్దుల్ మహమ్మద్ అనే సదరు ప్రొఫెసర్, అదే కళాశాలలో చదువుతున్న ఒక విద్యార్థినిపై కన్నేశాడు. తరగతి గదిలో పాఠాలు చెప్పాల్సి ఉండగా, ఆమెపై తనకున్న ‘ప్రేమ’ను వ్యక్తపరిచే పనిలో పడ్డాడు. విద్యార్థులందరూ చూస్తుండగానే, ఏమాత్రం సంకోచం లేకుండా నేరుగా క్లాస్‌రూమ్‌లోనే ఆ విద్యార్థినికి ప్రపోజ్ చేశాడు. ఈ అనుకోని పరిణామంతో సదరు విద్యార్థిని ఒక్కసారిగా నిర్ఘాంతపోయింది.

అయితే, ఆ ప్రొఫెసర్ చర్యను విద్యార్థిని మౌనంగా భరించలేదు. అతని ప్రవర్తనతో తీవ్ర ఆగ్రహానికి గురైన ఆమె, వెంటనే తన చెప్పు తీసి అందరి ముందే అతనికి బుద్ధి చెప్పింది. విద్యార్థిని ధైర్యం చూసిన తోటి విద్యార్థులు కూడా ఆమెకు మద్దతుగా నిలిచారు. క్లాస్‌రూమ్‌ను ఒక రణరంగంగా మార్చి, సదరు ప్రొఫెసర్‌పై విరుచుకుపడ్డారు. తప్పు చేసిన వ్యక్తిని నిలదీస్తూ అతనికి దేహశుద్ధి చేశారు.

ఈ విషయం బయటకు రావడంతో కాలేజీ యాజమాన్యం, పోలీసులు రంగంలోకి దిగారు. విద్యా సంస్థల్లో విద్యార్థినులకు రక్షణ కల్పించాల్సిన వారే ఇలా వేధింపులకు పాల్పడితే సహించేది లేదని పోలీసులు స్పష్టం చేశారు. బాధితురాలి ఫిర్యాదు మేరకు నిందితుడిపై కఠిన చర్యలు తీసుకునేందుకు సిద్ధమయ్యారు. ఈ ఘటన స్థానికంగా, విద్యా వర్గాల్లో పెద్ద చర్చకు దారితీసింది.

Also Read: అమ్మో, రోజుకు లక్షల టన్నులా.. ఈ దేశం మొత్తం చేపలు తిని బతికేస్తున్నారు బ్రో

గురువు అనే పదానికి ఉన్న పవిత్రతను కాపాడాల్సిన బాధ్యత అధ్యాపకులందరిపై ఉంది. ఇలాంటి ఘటనలు పునరావృతం కాకుండా ఉండాలంటే యాజమాన్యాలు కఠినమైన నిబంధనలు అమలు చేయాలని విద్యార్థుల తల్లిదండ్రులు కోరుతున్నారు. ఏది ఏమైనా, తనపై జరుగుతున్న అన్యాయాన్ని ఎదిరించి, ధైర్యంగా స్పందించిన ఆ విద్యార్థినిని పలువురు నెటిజన్లు అభినందిస్తున్నారు.

Share

• 
• 
• 
• 
• 
•