Putin Poop Suitcase: రష్యా అధ్యక్షుడు వ్లాదిమిర్ పుతిన్ తాజాగా అమెరికా అధ్యక్షుడు డొనాల్డ్ ట్రంప్ తో సమావేశం అయ్యారు. అలస్కాలో జరిగిన ఈ సమావేశంలో రష్యా-ఉక్రెయిన్ వార్ తో పాటు టారిఫ్ ల పైనా కీలక సమావేశం జరిగింది. సుమారు మూడు గంటల పాటు జరిగిన సమావేశంలోయుద్ధాన్ని ఆపడానికి సంబంధించి ఎలాంటి నిర్ణయం తీసుకోకుండానే వెళ్లపోయారు. అయితే, పుతిన్ అలస్కా భేటీ సమయంలో ఆయన బాడీ గార్డ్స్ ఓ సూట్ కేస్ తో కనిపించారు. ప్రస్తుతం ఈ సూట్ కేస్ వ్యవహారం హాట్ టాపిక్ గా మారింది.
ఇంతకీ ఏంటీ పూప్ సూట్ కేస్ ప్రత్యేకత?
సాధారణంగా తమ ఆరోగ్యానికి సంబంధించి విషయాలు బయటి దేశాలకు తెలియకుండా ప్రపంచ స్థాయి నాయకులు తగిన చర్యలు తీసుకుంటారు. ఈ నేపథ్యంలోనే పుతిన్ గురించి ఒక విచిత్రమైన వార్త బయటకు వచ్చింది. అలస్కాలో ట్రంప్ తో సమావేశం సందర్భంగా తన ఆరోగ్యం గురించి ఎలాంటి విషయాలు అమెరికాకు చిక్కకుండా తగిన జాగ్రత్తలు తీసుకున్నారట. అందులో భాగంగానే ఫుతిన్ మలమూత్రాలను తీసుకెళ్లడానికి ఆయన బాడీ గార్డ్స్ ప్రత్యేక సూట్ కేసును తీసుకొచ్చారు. పూప్ సూట్ కేస్ అని పిలిచి దీనిలో ఆయనకు సంబంధించిన వ్యర్థాలను సేకరిస్తారని వార్తలు వినిపిస్తున్నాయి. ఫుతిన్ ఎప్పుడు విదేశీ పర్యటనకు వెళ్లినా పూప్ సూట్ కేస్ ను తప్పకుండా తీసుకెళ్తారని తెలుస్తోంది.
వ్యర్థాల సేకరణ వెనుక ఉన్న కథ ఏంటి?
పుతిన్ విదేశాల్లో ఉన్న సమయంలో ఆయనకు రక్షణగా ఫెడరల్ ప్రొటెక్షన్ సర్వీస్ ఏజెంట్లు ఉంటారు. పుతిన్ తో పాటు ఉన్న ఇతర అధికారులకు ఈ ఏజెంట్లే రక్షణ కల్పిస్తారు. అందులో భాగంగానే పుతిన్ మల, మూత్ర విసర్జనకు వెళ్లిన ప్రతిసారి వారు వ్యర్థాలను కలెక్ట్ చేస్తారు. వాటిని ఓ ప్రత్యేకమైన ప్యాకెట్ లో ఉంచి, ఈ పీప్ సూట్ కేస్ లో భద్రపరుస్తారు. ఆ సూట్ కేసును రష్యాకు తీసుకెళ్లిన తర్వాత వ్యర్థాలను డిస్ట్రాయ్ చేస్తారు. పుతిన్ ఆరోగ్య రహస్యాలు విదేశీ వ్యక్తులకు తెలియకుండా ఉండేందుకు ఆయన ఈ నిర్ణయం తీసుకున్నట్లు తెలుస్తోంది. పుతిన్ ప్రెసిడెంట్ అయిన తర్వాత నుంచి ఈ పద్దతి కొనసాగుతున్నట్లు తెలుస్తోంది. “పుతిన్ అంగరక్షకులు ఆయన విదేశాలకు వెళ్ళినప్పుడు తన మల వ్యర్థాలను సేకరించి రష్యాకు తిరిగి తీసుకువస్తారు” అని ఇన్వెస్టిగేటివ్ జర్నలిస్టులు రెగిస్ జెంటే, మిఖాయిల్ రూబిన్‌ ను వెల్లడించారు.
ఫుతిన్ హెల్త్ గురించి అనేక వార్తలు
నిజానికి ఉక్రెయిన్ వార్ తర్వాత పుతిన్ ఆరోగ్యానికి సంబంధించి పలు వార్తలు వచ్చాయి. ఆయన ఆరోగ్యం సరిగా లేదని అంతర్జాతీయ పత్రికలు, చానెళ్లు వార్తలు ప్రసారం చేశాయి. ఆయనకు కంటి సంబంధ సమస్యలు ఉన్నాయని, త్వరలో చూపు మందగించే అవకాశం ఉన్నట్లు వెల్లడించాయి. అంతేకాదు, ఆయనకు గుండెపోటు వచ్చిందని, బ్లడ్ క్యాన్సర్ ఉందని, పార్కిన్సన్స్ వ్యాధి ఉందని కూడా వార్తలు రాశాయి. వాస్తవాలు ఏంటి? అనేది మాత్రం ఎవరికీ తెలియదు.
Read Also: సబ్బుతో కడిగితే పోతుంది.. రెబిస్ చాలా చిన్న వైరస్.. మేనకా గాంధీ సోదరి కామెంట్స్ పై దుమారం!
Share
AP Politics: సామినేని అంతర్మథనం..
Infinix Hot 60i vs Tecno Spark Go: ₹10,000 లోపు ధరలో కొత్త 5G ఫోన్లు.. ఏది బెటర్?
