Viral Video: ముంబయిలో షాకింగ్ ఘటన చోటుచేసుకుంది. ఓ భవనంలోని లిఫ్ట్ లో బెలూన్స్ పేలి ఒక్కసారిగా మంటలు చెలరేగాయి. ఈ ఘటనలో ఇద్దరు గాయపడ్డారు. ఘటనకు సంబంధించిన దృశ్యాలు లిఫ్ట్ లోని సీసీటీవీలో రికార్డు కాగా.. ప్రస్తుతం అవి నెట్టింట వైరల్ అవుతున్నాయి. ఆ దృశ్యాలను చూసి నెటిజన్లు షాకవుతున్నారు.
లిఫ్ట్ లో బెలూన్స్ పేలిన ఘటన ఎప్పుడు, ఎక్కడ, ఏ ప్రాంతంలో జరిగిందన్న దానిపై స్పష్టత లేదు. అయితే వైరల్ అవుతున్న వీడియోను గమనిస్తే.. ముగ్గురు వ్యక్తులు లిఫ్ట్ లోనికి వచ్చారు. తొలుత మహిళ లోనికి రాగా.. ఆమెతో పాటు తెల్ల చొక్క ధరించిన వ్యక్తి బెలూన్లు నిండిన సంచితో అడుగుపెట్టాడు. ఆ తర్వాత బ్యాగ్ తగిలించుకున్న యువకుడు సైతం లిఫ్ట్ లోనికి ప్రవేశించాడు.
అయితే ముగ్గురూ లోనికి వచ్చిన కొన్ని సెకన్లకే ఓ వ్యక్తి చేతులోని బెలూన్స్ ఒక్కసారిగా పేలిపోయాయి. అందులోని గ్యాస్ మండిపోతూ అగ్నిగోళాన్ని తలిపించింది. దీంతో లిఫ్ట్ లోని ముగ్గురు వ్యక్తులు ప్రాణ భయంతో బయటకు పరుగులు పెట్టారు. అయితే ఈ ఘటనలో ఎలాంటి ప్రాణాపాయం జరగలేదు. ఇద్దరు వ్యక్తులు గాయపడినట్లు తెలుస్తోంది. బెలూన్స్ తెచ్చిన వ్యక్తితో పాటు లిఫ్ట్ లోని మహిళకు కాలిన గాయాలు అయినట్లు సమాచారం.
A routine elevator ride in a Goregaon building, Mumbai, turned into a terrifying ordeal when a man’s balloons suddenly exploded, leaving two people injured.
CCTV footage showed a woman entering the lift first, followed by a man carrying over a dozen balloons in a polythene… pic.twitter.com/PYJvHym7UF
— The Siasat Daily (@TheSiasatDaily) February 4, 2026
సాధారణంగా బెలూన్లలో హీలియం గ్యాస్ నింపుతుంటారు. అయితే వాటికి మండే గుణం ఉండదు. హైడ్రోజన్ వంటి గ్యాస్ కు మాత్రమే ఈ స్థాయిలో మండే గుణం ఉంటుందని నిపుణులు చెబుతున్నారు. మరి సదరు వ్యక్తి.. బెలూన్లలో ఏ గ్యాస్ ను నింపుకొని వచ్చాడో తెలియాల్సి ఉంది. అదే సమయంలో బెలూన్స్ ఒక్కసారిగా పేలిపోవడానికి గల కారణాలపై కూడా స్పష్టత రావాల్సి ఉంది.
Also Read: Viral Video: మెట్రో స్టేషన్లలో అండర్వేర్ వెండింగ్ మెషిన్స్.. ఇదెప్పుడు నుంచి మామ?
Share
Ishan Kishan vs Sanju Samson: సంజు వర్సెస్ ఇషాన్..టీ20 ప్రపంచ కప్ లో ఓపెనర్ గా ఎవరు బెస్ట్ ? ఇదిగో రికార్డులు
Mahashivratri Jatara: ఎడుపాయల జాతర ఘనంగా జరిగేందుకు పకడ్బందీ ఏర్పాట్లు: కలెక్టర్ రాహుల్ రాజ్
