Undergarment Vending Machine Spotted At Metro Station: దేశంలోని పలు నగరాల్లో మెట్రో రైలు సేవలు అందుబాటులో ఉన్నాయి. మెట్రో స్టేషన్లలో రక రకాల వ్యాపారాలు చేసుకునేందుకు మెట్రో అధికారులు అనుమతిస్తారు. ముఖ్యంగా ఫుడ్ కోర్టులు, పలు రకాల యాక్సెసరీస్ షాపులు, గిఫ్ట్ షాపులు కనిపిస్తాయి. కానీ, తాజాగా ఓ మెట్రో స్టేషన్ లో ఏకంగా అండర్ వేర్ వెండింగ్ మిషన్ ను ఏర్పాటు చేశారు. ఇందులో అమ్మాయితో పాటు అబ్బాయిల అండర్ వేర్ లు ఉంచారు. తాజాగా ఓ నెటిజన్ ఈ మెషిన్ కు సంబంధించి వీడియో తీసి సోషల్ మీడియాలో షేర్ చేసింది. ప్రస్తుతం ఈ వీడియో నెట్టింట వైరల్ అవుతోంది. కొందరు ఫన్నీగా కామెంట్స్ చేస్తే, మరికొందరు ప్రయాణీకులకు ప్రత్యేకంగా షాపింగ్ చేయాల్సిన ఇబ్బందిని తప్పించారని ప్రశంసిస్తున్నారు.
ఈ అండర్ వేర్ వెండింగ్ మిషన్ ఢిల్లీలోని రోహిణి ఈస్ట్ మెట్రో స్టేషన్ లో ఉంది. తాజాగా ఓ మహిళ ఈ వీడియో తీసి సోషల్ మీడియాలో షేర్ చేసింది. “.. నేను మెట్రో స్టేషన్ లో ఓ ఆసక్తికర విషయాన్ని చూశాను. ఇక్కడ అండర్ వేర్ లను వెండింగ్ మిషన్ లో అమ్ముతున్నారు. కానీ, మెట్రోలో వెళ్లి “ఓహ్, నేను ఇన్నర్ వేర్ మర్చిపోయాను, ఇక్కడ కొనివ్వండి అని ఎవరు అంటారు?” అంటూ వీడియోలో నవ్వుతూ చెప్పింది.
ఈ వీడియో ఇన్ స్టాగ్రామ్ లో బాగా వైరల్ అయ్యింది. ఇప్పటి వరకు సుమారు లక్ష వ్యూస్ వచ్చాయి. కొంతమంది వినియోగదారులు ఈ మెషిన్ ఏర్పాటును మెచ్చుకున్నారు. మరింత పెద్ద వెండింగ్ మెషిన్ ను ఏర్పాటు చేయాలని సూచించారు. మరో యూజర్ దీని వల్ల మహిళలకు మంచి ఉపయోగడం ఉంటుందన్నారు. మరొక యూజర్ స్టేషనరీ, కుట్టు ఐటెమ్స్ కూడా ఇందులో ఉంచాలని సూచించాడు. జపాన్ లాంటి దేశాలలో అవసరమైన వస్తువులతో కూడిన వెండింగ్ మెషీన్లు చాలా సాధారణంగా ఉంటాయి.
Read Also: ఆహా.. మలం అమ్ముకొని లక్షలు గడిస్తున్న యువకుడు, ఇంతకీ ఎవరు కొంటున్నారు?
ఈ వీడియోపై నెటిజన్లు రకరకాలుగా స్పందిస్తున్నారు. “నా ఉద్దేశ్యం ప్రకారం ఈ నిర్ణయం చాలా బాగుంది. మహిళలు అప్పుడు పీరియడ్స్ గురించి, మరకలు, లీకేజీ గురించి ఆందోళన చెందాల్సిన అవసరం లేదు. ఇలాంటి మెషీన్స్ ద్వారా ఈజీగా అండర్ వేర్స్ కొనుగోలు చెయ్యొచ్చు” అని ఓ మహిళ కామెంట్ చేసింది. “లోదుస్తులు ధరించడం మర్చిపోయిన వ్యక్తుల కోసం కాదు. మీ ఆలోచన మార్చుకోవాలి. వేగంగా కదులుతున్న ప్రపంచంలో కొంతమందికి షాపింగ్ చేయడానికి సమయం దొరకకపోవచ్చు. వారి కోసం ఇలాంటి ఏర్పాటు ఉపయోగకరంగా ఉంటుంది” అని మరో నెటిజన్ రాసుకొచ్చాడు.
Read Also: రూ. 5 వేలతో ఉద్యోగం, ఇప్పుడు రూ. 3 కోట్ల ఇల్లు కొనేసింది.. హ్యాట్సాఫ్ హిమి!
Share
Viral Video: బైకులకు రాడ్లు కట్టుకుని తిరుగుతోన్న పాకిస్తానీలు.. అక్కడ కూడా అదే సమస్య?
Swetcha Effect: స్వేచ్ఛ కథనానికి లేబర్ ఆఫీస్లో హడల్.. దెబ్బకు తనిఖీలు నిర్వహించారు ఉన్నతాధికారులు
