Food Discrimination: వ్యాపారంలో ఎవరైనా తక్కువ ధరకే నాణ్యమైన ఆహారాన్ని అందిస్తుంటే దానిని ప్రోత్సహించాల్సింది పోయి.. కొందరు స్వార్థ ప్రయోజనాల కోసం మతం రంగు పులిమి విమర్శించడం విచారకరం. అసలు కేవలం రూ. 10కే కోవా బన్ ఎలా ఇస్తావు? ఇందులో ఏదో కలిపావు! అంటూ చేసిన వ్యాఖ్యలు కేవలం ఒక వ్యక్తిని కాకుండా.. కష్టపడి పని చేసే శ్రమజీవులందరినీ అవమానించడమే. అయితే.. సోషల్ మీడియా నెటిజన్లు ఈ వివక్షను తిప్పికొట్టారు. కులమతాలకు అతీతంగా సదరు వ్యక్తికి అండగా నిలబడి.. మానవత్వాన్ని చాటుకున్నారు.
సాధారణంగా పెద్ద పెద్ద రెస్టారెంట్లు లేదా కార్పొరేట్ సంస్థలు ‘బై వన్ గెట్ వన్’ ఆఫర్లు లేదా భారీ డిస్కౌంట్లు ఇచ్చినప్పుడు ఎవరూ వెళ్లి ‘ఎందుకు ఇంత తక్కువకు ఇస్తున్నారు?’ అని నిలదీయరు. కానీ.. ఒక సామాన్యుడు తక్కువ ధరకే కడుపు నింపుతుంటే మాత్రం కుట్రలు ఆపాదించడం సమాజంలోని ద్వంద్వ ప్రమాణాలను సూచిస్తుంది. వ్యాపార వ్యూహంలో భాగంగా ఎవరైనా తమ లాభాన్ని తగ్గించుకుని వస్తువులను అమ్మే హక్కు వారికి ఉంటుంది.
ఆహార నాణ్యతను పరీక్షించడానికి ప్రభుత్వం తరపున FSSAI వంటి సంస్థలు ఉన్నాయి. వారు హోటళ్లపై దాడులు చేసి.. లోపాలు ఉంటే చట్టపరమైన చర్యలు తీసుకుంటారు తప్ప.. ఎవరినీ బహిరంగంగా అవమానించరు. ఒక వ్యక్తిని వ్యక్తిగతంగా లక్ష్యంగా చేసుకుని.. కెమెరాల ముందు వేధించడం ఏ రకమైన జర్నలిజం లేదా సామాజిక బాధ్యత అనిపించుకోదు.
ఒకరి ఎదుగుదలని చూసి ఓర్వలేక చేసే విమర్శలు ఎప్పుడూ నిలవవు. నిజాయితీగా పని చేసే వారికి ప్రజల మద్దతు ఎప్పుడూ ఉంటుందని ఈ ఘటన నిరూపించింది.
Also Read: విశాఖ ప్యాలెస్ కోసం గీతంపై కుట్రలు.. గత పాలనపై ఎంపీ సంచలన ఆరోపణలు
కోవా బన్ వ్యాపారికి మద్దతు.. మానవత్వం బతికుందన్న పరిటాల శ్రీరామ్
కోవా బన్ వ్యాపారిని రోడ్డుపైకి లాగడం దారుణం అని టీడీపీ నేత పరిటాల శ్రీరామ్ అన్నారు. ‘యూట్యూబ్లో వ్యూస్, లైక్స్ కోసం కొందరు ఇలాంటి పనులు చేస్తున్నారు. ఆకలికి కులం, ఆత్మగౌరవానికి మతం ఉండదు. కష్టపడి… pic.twitter.com/zH4pWn0KGF
— ChotaNews App (@ChotaNewsApp) February 13, 2026
Share
Sai Pallavi: లెజెండ్రీ సింగర్ బయోపిక్ లో సాయి పల్లవి.. పాత్ర కోసం కఠిన శిక్షణ!
Suriya - Jyothika: సూర్య - జ్యోతిక పెళ్లి వెనక ఎన్నో అడ్డంకులు.. చివరికి కథ ఎలా సుఖాంతం అయిందంటే..!
