సాధారణంగా క్యాబ్ ప్రయాణం ముగియగానే డబ్బులు చెల్లించి, త్వరగా దిగిపోవాలని ఎవరైనా కోరుకుంటారు. ముఖ్యంగా అత్యవసర పనుల మీద వెళ్లేవారికి ఒక్క నిమిషం ఆలస్యమైనా అసహనం కలుగుతుంది. అయితే, యూకేలో ఒక మహిళా ఉబెర్ డ్రైవర్ తన ప్రయాణికురాలికి చుక్కలు చూపించింది. టిప్ ఇస్తేనే కారు తలుపులు తీస్తానని, లేదంటే లోపలే పడుకోవాలంటూ ఆ ప్రయాణికురాలిని కారులో బంధించిన ఘటన ఇప్పుడు సోషల్ మీడియాలో వైరల్గా మారింది.
అసలేం జరిగిందంటే?
యూకేకు చెందిన ఓ మహిళ ఉబెర్ క్యాబ్లో ప్రయాణించి తన గమ్యస్థానాన్ని చేరుకుంది. ప్రయాణం ముగిసిన తర్వాత డ్రైవర్ తనకు టిప్ ఇవ్వాలని డిమాండ్ చేసింది. యూకేలో టిప్ ఇవ్వడం అనేది పూర్తిగా స్వచ్ఛందం, అది తప్పనిసరి కాదు. ఇదే విషయాన్ని ప్రయాణికురాలు గుర్తు చేస్తూ.. తనకు సమయం అవుతోందని, బయట తన కోసం కొందరు ఎదురుచూస్తున్నారని.. తలుపులు తీయాలని వేడుకుంది. కానీ, ఆ మహిళా డ్రైవర్ మాత్రం దీనికి నో చెప్పింది. ‘నీ దేశంలో టిప్ ఇవ్వడం నిబంధన.. నువ్వు టిప్ ఇచ్చే వరకు డోర్స్ ఓపెన్ చేయను. కావాలంటే కారులోనే పడుకో’ అంటూ నోటికి ఇష్టం వచ్చినట్టు మాట్లాడింది.
వైరల్ వీడియో – నెటిజన్ల ఫైర్..
ఈ ఘటనకు సంబంధించిన వీడియోను సోషల్ మీడియాలో పోస్ట్ చేయగా.. తెగ వైరల్ అవుతోంది. లక్షల్లో వ్యూస్ వస్తున్నాయి. ప్రస్తుతం అది సుమారు 10 లక్షల కంటే ఎక్కువ వ్యూస్ సాధించింది. ఈ వీడియోలో డ్రైవర్ ప్రవర్తనపై నెటిజన్లు తీవ్రస్థాయిలో మండిపడుతున్నారు. సదరు డ్రైవర్ భారతీయురాలు కావచ్చని కొందరు నెటిజన్లు కామెంట్ చేస్తున్నారు. ‘విదేశాలకు వెళ్లి ఇలాంటి పనులు చేస్తూ దేశం పేరు పాడుచేస్తున్నారు’ అని కొందరు, ‘ఆమెను వెంటనే దేశం నుంచి బహిష్కరించాలి’ అని మరికొందరు కామెంట్స్ చేస్తున్నారు.
A female Uber driver refused to open the car doors without getting a tip.
She locked the car doors and held the passengers hostage.
There’s no tipping culture in the UK, so the woman passenger was shocked.
Isn’t it wrong to lock someone like this? pic.twitter.com/sx8jfCfYDD
— ︎ ︎venom (@venom1s) January 20, 2026
కస్టమర్ నుంచి బలవంతంగా డబ్బులు డిమాండ్ చేయడమే కాకుండా, వారిని కారులో బంధించడం చట్టపరంగా నేరం. దీనిని బందీ చేయడం లాంటి తరహా చర్యగా పలువురు అభివర్ణిస్తున్నారు. ఇప్పటికే సేవలకు తగిన రుసుమును ఉబెర్ యాప్ ద్వారా చెల్లిస్తున్నప్పుడు.. అదనపు డబ్బుల కోసం ఇలా ప్రయాణికులను ఇబ్బంది పెట్టడంపై ఉబెర్ సంస్థ కఠిన చర్యలు తీసుకోవాలని నెటిజన్లు డిమాండ్ చేస్తున్నారు. అయితే ఈ ఘటనపై మరింత క్లారిటీ రావాల్సి ఉంది.
Share
Tollywood Sequels: కంగువా నుంచి రాజా సాబ్ వరకు.. ఆగిపోయిన స్టార్ హీరోల సీక్వెల్స్ ఇవే..!
Tharun Bhascker mother:భార్యకు భయపడకురా... ఈషా రెబ్బ విషయంలో తరుణ్ భాస్కర్కు తల్లి షాకింగ్ సజెషన్
