సమోసా అంటే భారతీయులకు కేవలం ఒక స్నాక్ కాదు, ఒక ఎమోషన్! సాయంత్రం వేళ టీతో పాటు వేడి వేడి సమోసా తింటే, అలసట మాయమై ముఖంలో చిరునవ్వు వస్తుంది. ఆ క్రిస్పీ బయటి పొర, లోపల మసాలా ఫిల్లింగ్, పక్కన రుచికరమైన చట్నీ, ఇవన్నీ సమోసాను అపురూపమైన అనుభవంగా మార్చేస్తాయి. సాంప్రదాయ ఆలూ మటర్ సమోసా అందరికీ ఫేవరెట్ అయినప్పటికీ, కాలం మారుతున్న కొద్దీ సమోసా రకాలు కూడా మారుతున్నాయి. నూడుల్స్ సమోసా, పనీర్ సమోసా, చికెన్ సమోసా, మటన్ సమోసా లాంటివి ఇప్పుడు మార్కెట్లో దర్శనమిస్తున్నాయి. ఫుడ్ లవర్స్ కొత్త రుచుల కోసం ఎప్పుడూ ఆసక్తిగా ఉంటారు కాబట్టి, ఈ కొత్త వేరియంట్ల డిమాండ్ రోజురోజుకూ పెరుగుతోంది.
ఇటీవల సోషల్ మీడియాలో ఒక కొత్త రకం సమోసా వైరల్గా మారింది. అదే డ్రై ఫ్రూట్ సమోసా. ఈ సమోసా గురించి వినగానే చాలామందికి ఆశ్చర్యం కలిగింది. ఫుడ్ వ్లాగర్ అభిషేక్ అష్రా సూరత్లోని విధి సమోసా షాప్లో తీసిన ఒక వీడియోను ఇన్స్టాగ్రామ్లో షేర్ చేశారు. అది ఇప్పుడు ట్రెండింగ్లో ఉంది. ఈ వీడియోలో డ్రై ఫ్రూట్ సమోసా తయారీ ప్రక్రియను సాంప్రదాయ శైలిలో చూపించారు.
ఇక ఈ సమోసా తయారీ కూడా సింపుల్ గానే ఉంది. తొలుత పెద్ద పెనంలో నూనె వేడి చేస్తారు. అందులో జీలకర్ర, ధనియాల గింజలు వేసి వేగించి, అల్లం, పచ్చిమిర్చి, కొద్దిగా ఉప్పు కలిపిన పేస్ట్ను జోడిస్తారు. తర్వాత పెద్ద డ్రమ్లో పప్పు మిశ్రమం, పోహా, వాసన వచ్చే మసాలాలు, ఎండిన కొబ్బరి పొడి కలుపుతారు. ఇక అసలు ట్విస్ట్ – జీడిపప్పు, కిస్మిస్, బాదం లాంటి డ్రై ఫ్రూట్స్ ను ఈ మిశ్రమంలో వేసి బాగా కలుపుతారు. ఈ ఫిల్లింగ్ ఘుమఘుమలాడే వాసనతో సిద్ధమవుతుంది. ఈ మిశ్రమాన్ని మైదా పిండితో తయారుచేసిన త్రిభుజాకార రొట్టెలో నింపి, వేడి నూనెలో గోల్డెన్ బ్రౌన్ రంగు వచ్చే వరకు వేయిస్తారు. రెడ్ చట్నీతో సర్వ్ చేస్తే, ఈ డ్రై ఫ్రూట్ సమోసా రుచి మరింత రెట్టింపవుతుంది.
ఈ వీడియో సోషల్ మీడియాలో వైరల్ కావడంతో నెటిజన్లు రకరకాల కామెంట్లు చేశారు. కొందరు, “ఇది కొత్తగా, ఆసక్తికరంగా ఉంది, తప్పక ట్రై చేయాలి” అని అనగా, మరికొందరు, “సమోసా అంటే స్పైసీ రుచే బెస్ట్, డ్రై ఫ్రూట్స్తో రుచి వింతగా ఉంటుందేమో” అని సందేహం వ్యక్తం చేశారు.
సమోసాతో ఎక్స్పెరిమెంట్స్ కొత్తవి కాదు. గతంలో ఒక వ్లాగర్ సమోసా సలాడ్ తయారు చేసి వైరల్ అయ్యారు. ఇందులో సమోసా ముక్కలతో పాటు ఉల్లిపాయలు, దోసకాయ, లెట్ట్యూస్, పుదీనా చట్నీ, ఇమ్లీ చట్నీ, పెరుగు, అనార దాణాలు, జలపెనోస్ కలిపి సలాడ్గా సర్వ్ చేశారు. అది కూడా ఫుడ్ లవర్స్ ను ఆకట్టుకుంది. ఇప్పుడు డ్రై ఫ్రూట్ సమోసా కొత్త ట్రెండ్ గా మారింది. సాంప్రదాయ మసాలా రుచికి బదులు తీపి రుచిని జోడించే ఈ సమోసా ఖచ్చితంగా ఒక ప్రత్యేక అనుభవాన్ని అందిస్తుంది. సమోసా ప్రియులు ఈ కొత్త రుచిని ట్రై చేయడానికి ఆసక్తి చూపిస్తున్నారు.
Read Also: వందేభారత్ లో ఎక్స్ పైరీ ఫుడ్, నిప్పులు చెరిగిన ప్రయాణీకులు, పోలీసుల ఎంట్రీ..
Share
Nindu Noorella Saavasam Serial Today September 29th: ‘నిండు నూరేళ్ల సావాసం’ సీరియల్: రణవీర్కు ఫోన్ చేసి నిజం చెప్పిన మనోహరి
Salman Ali Agha cheque: పాక్ కెప్టెన్ సల్మాన్ బలుపు చూడండి...రన్నరప్ చెక్ నేలకేసికొట్టాడు
