Viral Video: ఉత్తర్ ప్రదేశ్ లోని లక్నోలో షాకింగ్ ఘటన చోటుచేసుకుంది. ఓ మహిళ ఇంట్లో చెత్తను పారేయడానికి పోర్టర్ సర్వీసును ఉపయోగించుకోవడం ఆందరినీ ఆశ్చర్యానికి గురిచేస్తోంది. డెలివరీ ఫ్లాట్ ఫామ్ లను ఈ స్థాయిలో దుర్వినియోగం చేస్తారా? అన్న విమర్శలు పెద్ద ఎత్తున వ్యక్తమవుతున్నాయి. ప్రస్తుతం ఇందుకు సంబంధించిన వీడియో వైరల్ కాగా.. నెటిజన్లు తీవ్ర ఆగ్రహం వ్యక్తం చేస్తున్నారు.
లక్నోకు చెందిన పోర్టర్ రైడర్ కరణ్ నిషాద్.. తనకు ఎదురైన విచిత్ర అనుభవాన్ని సోషల్ మీడియాలో పంచుకున్నారు. రోజువారీగానే కరణ్ నిషాద్ కు పోర్టర్ యాప్ నుంచి ఒక బుకింగ్ వచ్చింది. ఎప్పటిలాగే పికప్ పాయింట్ వద్దకు వెళ్లగా.. ఓ మహిళ వచ్చి పార్సిల్ ఇచ్చింది. డ్రాపింగ్ లొకేషన్ లో దానిని ఇచ్చేయమని ఆమె చెప్పడంతో.. మ్యాప్ ఆధారంగా కరణ్ బయలుదేరాడు. అయితే డ్రాపింగ్ లోకేషన్ కు చేరుకున్న తర్వాత అతడు ఒక్కసారిగా విస్మయానికి గురయ్యాడు. ఆ ప్రదేశం నిర్జనంగా ఉండటంతో పాటు.. అదొక డంపింగ్ యార్డ్ ను తలపిస్తోంది.
దీంతో కన్ఫ్యూజన్ అయిన రైడర్ కరణ్.. పార్సిల్ ఇచ్చిన మహిళకు వెంటనే ఫోన్ చేశాడు. అప్పుడు ఆమె చెప్పిన సమాధానం విని.. రైడర్ ఒక్కసారిగా ఖంగు తిన్నాడు. ‘మీరు దానిని ఎవరికీ డెలివరీ చేయాల్సిన పనిలేదు. పార్సిల్ ను అక్కడే పడేయండి’ అని లేడీ కస్టమర్ చెప్పడాన్ని రైడర్ కరణ్ షేర్ చేసిన వీడియోలో చూడవచ్చు. ఇంతకీ లోపల ఏముందా అని కరణ్ తెరిచి చూడగా.. అందులో చెత్త తప్ప మరేమి కనిపించలేదు. డెలివరీ బాయ్స్ ను ఆఖరికి చెత్తపారేయడానికి కూడా వినియోగిస్తున్నారా? అంటూ కరణ్ వీడియోలో అసహనం వ్యక్తం చేశాడు.
WATCH | Woman hires porter to dispose of garbage, leaves delivery partner shocked. pic.twitter.com/OWT6xbnz64
— The Tatva (@thetatvaindia) February 5, 2026
Also Read: Telangana Municipal Elections: జనసేన మద్దతుపై బీజేపీ పునరాలోచన? ఈనెల ఆ తేదీల్లో పవన్ ప్రచారం!
చెత్త కోసం రైడ్ బుక్ చేసిన వీడియో నెట్టింట విపరీతంగా వైరల్ అయ్యింది. 24 గంటల్లోనే 8.1 మిలియన్ వ్యూస్, 2.5 లక్షల లైక్స్, 2,200 కామెంట్స్ వచ్చాయి. కస్టమర్ సర్వీసులను ఈ విధంగా దుర్వినియోగం చేయడంపై నెటిజన్లు తీవ్ర ఆగ్రహం వ్యక్తం చేస్తున్నారు. డెలివరీ బాయ్స్ స్థాయిని దిగజార్చి.. ఇలా వ్యవహరించడం సరైంది కాదని మహిళకు సూచిస్తున్నారు. మరోవైపు మహిళ ఇచ్చిన చెత్తను రోడ్డు పక్కనే పడేయడం తప్పని రైడర్ కు సూచిస్తున్నారు.
Share
Allu Arjun 22: నెగిటివ్ రోల్ లో శ్రీవల్లి.. నిజమైతే ఆ రికార్డ్ గ్యారెంటీ!
Hyderabad Crime: జూబ్లీహిల్స్లో రెచ్చిపోయిన దొంగలు.. తాళ్లతో కట్టేసి.. కత్తితో బెదిరించి.. ఆ గ్యాంగ్ పనేనా?
