Annamayya Tragedy: అన్నమయ్య జిల్లాలో గుండెలను పిండేసే అత్యంత విషాదకర ఘటన వెలుగు చూసింది. కంటికి రెప్పలా కాపాడాల్సిన తండ్రే కాలయముడై తల్లిని పొట్టనబెట్టుకోవడంతో, ఆ భారాన్ని మోయలేక ఒక నిండు ప్రాణం గాలిలో కలిసిపోయింది. నిన్నటివరకు ఎన్నో ఆశలతో చదువుకున్న ఒక ఉన్నత విద్యార్థి, కంటిముందు కదలాడుతున్న కుటుంబ నాశనాన్ని తట్టుకోలేక బలవన్మరణానికి ఒరిగాడు.
భార్యను హత్య చేసిన భర్త..
గాలివీడు మండలం నూలి వీడు గ్రామానికి చెందిన గొంగటి రుద్రదీప్ అనే యువకుడు చిత్తూరులోని ఒక ప్రైవేట్ కళాశాలలో బీటెక్ చదువుతున్నాడు. గత సెప్టెంబర్ నెలలో ఇతని తండ్రి నాగార్జున, భార్య రాధను దారుణంగా హత్య చేశాడు. దీంతో పోలీసులు నాగార్జునను అరెస్ట్ చేసి జైలుకు పంపారు.
మానసిక నరకం.. హాస్టల్లో విషాదాంతం
కన్నుల ముందే తల్లి నూరేళ్ల జీవితం ముగిసిపోవడం, కన్న తండ్రి జైలుపాలు కావడంతో రుద్రదీప్ తీవ్ర మనస్తాపానికి గురయ్యాడు. అప్పటివరకు సంతోషంగా ఉన్న కుటుంబం ఒక్కసారిగా కూలిపోవడంతో తీవ్ర దిగ్భ్రాంతి చెందాడు. ఈ క్రమంలో శనివారం రాత్రి తను ఉంటున్న కాలేజీ హాస్టల్ గదిలోనే ఉరేసుకుని ఆత్మహత్యకు పాల్పడ్డాడు.
విద్యార్థుల గుర్తింపు.. పోలీసుల విచారణ
ఆదివారం ఉదయం ఎంతకీ తలుపులు తీయకపోవడంతో అనుమానం వచ్చిన తోటి విద్యార్థులు లోపలికి తొంగిచూసి షాక్‌కు గురయ్యారు. వెంటనే కళాశాల యాజమాన్యానికి, పోలీసులకు సమాచారం అందించారు. ఘటనా స్థలానికి చేరుకున్న పోలీసులు కేసు నమోదు చేసుకుని, మృతదేహాన్ని పోస్టుమార్టం నిమిత్తం తరలించారు. క్షణికావేశంలో తండ్రి చేసిన తప్పు, ఒక పచ్చని కుటుంబాన్ని బలితీసుకోవడంతో స్థానికంగా తీవ్ర సంచలనం కలిగించింది.
Also Read: ఉరికొయ్యకు వేలాడిన తల్లి.. ఆ పాదాల చెంతే కన్నీటి పర్యంతమైన పసిగుండె!
Share
రూ.2వేల బడ్జెట్‌లో సూపర్ ఇయర్‌బడ్స్..ప్రియమైన వారికి పర్ఫెక్ట్ దీపావళి గిఫ్ట్
చాణక్య నీతి.. భర్తలు చేసే ఈ 5 తప్పులు వల్లే వైవాహిక జీవితం నాశనం
