Chevireddy: స్థానిక సంస్థల ఎన్నికల తర్వాత వైసీపీ పరిస్థితి ఏంటి? ఈ విషయంలో అధినేత జగన్ బాటలో వైసీపీ కీలక నేతలు నడుస్తున్నారా? తాజాగా చెవిరెడ్డి భాస్కర్‌రెడ్డి కీలక వ్యాఖ్యల వెనుక అసలు ఏం జరిగింది? ఆరునెలల్లో ఎన్నికలు వస్తాయని ఎందుకు అన్నారు? ఇవే ప్రశ్నలు చాలామందిని వెంటాడుతున్నాయి. ఇంతకీ ఏపీలో ప్రభుత్వం ముందస్తు ఎన్నికలు వెళ్తోందా? ఇవే ప్రశ్నలు చాలామందిని వెంటాడుతున్నాయి.
స్థానిక సంస్థల ఎన్నికల్లో ఫలితాలు వెల్లడి తర్వాత కీలక వ్యాఖ్యలు చేశారు వైసీపీ కీలక నేత చెవిరెడ్డి భాస్కర్‌రెడ్డి. ఆరు నెలల్లో మళ్లీ ఎన్నికలు వస్తాయని, అప్పుడు మా తడాఖా చూపిస్తామన్నారు. చంద్రబాబు సొంత నియోజకవర్గంలో వైసీపీ జెండా ఎగుర వేస్తామని తేల్చేశారు. చంద్రగిరి నియోజకవర్గం చెవిరెడ్డి అడ్డా. తిరుపతి రూరల్ జెడ్పీటీసీగా చెవిరెడ్డి మోహిత్‌రెడ్డి విజయం సాధించారు.
అనంతరం మీడియాతో మాట్లాడిన చెవిరెడ్డి, చంద్రగిరిలో మూడు జెడ్పీటీసీ స్థానాలు గెలిచామన్నారు. మిగిలిన మూడు మండలాల్లో రీపోలింగ్ కోసం న్యాయపోరాటం చేస్తామన్నారు. నామినేషన్ల నుంచే దాడులు, బెదిరింపులకు పాల్పడ్డారని ఆరోపించారు. గెలుపు ఖరారు అయినా డిక్లరేషన్ ఇవ్వడంలో జాప్యం జరిగిందన్నారు. కొడుకు మోహిత్‌రెడ్డిని గెలిపించినందుకు ప్రజలకు చెవిరెడ్డి కృతజ్ఞతలు చెప్పారు.
చెవిరెడ్డి కీలక వ్యాఖ్యల వెనుక ఏం జరుగుతోంది? ఇవే ప్రశ్నలు చాలామందిని వెంటాడుతున్నాయి. గతంలో జగన్ కూడా మరో ఆరు నెలల్లో ఎన్నికలు వచ్చేస్తున్నాయంటూ ఢంకా బజాయించేవారు. ఇప్పుడు ఆ పార్టీ నేతలు ఆ స్లోగన్ అందుకున్నారు. ఒకవేళ అదే జరిగితే జగన్ పాదయాత్ర ఎప్పుడు మొదలుపెడతారంటూ అభిమానులు ప్రశ్నలు రైజ్ చేస్తున్నారు.
కూటమి సర్కార్ ముందస్తు ఎన్నికలకు వెళ్తోందా? 2004లో కూడా ముందస్తు ఎన్నికలకు వెళ్లడంతో అప్పుడు టీడీపీ ఘోర ఓటమి పాలైంది. దాన్ని నుంచి తేరుకోవడానికి దాదాపు దశాబ్ద కాలం పట్టింది. ఏదో కార్యకర్తలు, అభిమానులను ఉత్సాహ పరచడానికి ఆ విధంగా చెవిరెడ్డి మాట్లాడి ఉంచవచ్చని అంటున్నారు.
Share
గచ్చిబౌలిలో తీవ్ర విషాదం.. ఒకే కుటుంబానికి చెందిన ముగ్గురు ఆత్మహత్య
మెగాఫోన్ పట్టనున్న రణబీర్ కపూర్!
