GSLV-F14/INSAT-3DS Mission: ప్రతిష్టాత్మక జిఎస్ఎల్వి-ఎఫ్ 14 ప్రయోగానికి రంగం సిద్ధమైంది. శుక్రవారం మధ్యాహ్నం 2.05 గంటలకు ప్రారంభమైన కౌంట్‌ డౌన్‌ ప్రక్రియ ఇవాళ సాయంత్రం 5గంటల 35 నిమిషాలకు జిఎస్ఎల్వి-ఎఫ్ 14ను నింగిలోకి పంపడం ద్వారా ముగియనుంది. సరిగ్గా 27 గంటల 30 నిమిషాల పాటు కౌంట్‌డౌన్‌ ప్రక్రియ కొనసాగనుంది. షార్ లోని రెండో ప్రయోగ వేదిక నుంచి ఈ రాకెట్ ద్వారా ఇన్‌శాట్‌-3డిఎస్‌ను ఇస్రో పంపనుంది.
ఇస్రో కీర్తి కిరీటంలో ఈ ఉపగ్రహం మరో కీలకమైన ప్రయోగంగా భావిస్తున్నారు. ఇప్పటికే పలు ఇన్సాట్‌ తరహా ఉపగ్రహాలను ఇస్రో ప్రయోగించింది. ఎప్పటికప్పుడు వాతావరణంలో జరిగే మార్పులు గమనించి భూ కేంద్రాలకు కచ్చితమైన సమాచారం అందించడానికి కేంద్రం ప్రభుత్వ ఎర్త్‌ సైన్సెస్‌ శాఖ కోసం ఈ ప్రయోగాన్ని జరుపుతున్నారు.
వాతావరణ సంబంధమైన అంశాలను అధ్యయనం చేసేందుకు ప్రయోగిస్తున్న ఈ ఉపగ్రహం బరువు 2275 కేజీలుగా ఉంది. పీఎస్‌ఎల్ వీ రాకెట్ ను నాలుగు దశల్లో ప్రయోగిస్తే జిఎస్‌ఎల్వీని మూడు దశలోనే ప్రయోగించనున్నారు. 51.7 మీటర్ల పొడవైన జిఎస్ఎల్వి-ఎఫ్ 14 రాకెట్ ప్రయోగ సమయంలో 420 టన్నుల బరువుతో భూమి నుంచి నింగికి బయలుదేరనుంది.
Read More: ఫైబర్‌నెట్ కేసులో కేసులో సీఐడీ దూకుడు.. ఏ1గా చంద్రబాబు
వాతావరణ అంచనాలు, విపత్తులను ముందుగా హెచ్చరించడానికి ఇది ఉపయోగపడుతుంది. జీఎస్ఎల్వి మార్కు2 సిరీస్‌లో ఇది 16వ ప్రయోగం కావడం విశేషం. జీఎస్ఎల్వి -ఎఫ్ 14 ప్రయోగ నేపథ్యంలో షార్ లో భారీ భద్రతను ఏర్పాటు చేశారు. ఈ నేపథ్యంలో ఇస్రో ప్రధాన శాస్త్రవేత్తలు ఇప్పటికే శ్రీహరికోట రాకెట్ ప్రయోగ కేంద్రానికి చేరుకున్నారు.
Share
AP Fibernet Case: ఫైబర్‌నెట్ కేసులో కేసులో సీఐడీ దూకుడు.. ఏ1గా చంద్రబాబు!
YSRCP 7th List: వైసీపీ ఏడో జాబితా విడుదల.. ఆమంచికి షాక్!
