Medico Suicide : తెలుగు రాష్ట్రాల్లో వైద్య విద్యార్థుల సూసైడ్ లు ఆగడంలేదు. తాజాగా మరో మెడికో ప్రాణాలు తీసుకుంది. నెల్లూరులో వైద్య విద్యార్థిని ఆత్మహత్యకు పాల్పడింది. శ్రీకాకుళం జిల్లా పలాసకు చెందిన చైతన్య నెల్లూరు పరిధిలోని చింతారెడ్డిపాలెం వద్ద ఉన్న నారాయణ మెడికల్‌ కళాశాల హాస్టల్‌లో ఉంటోంది. ఆమె హౌస్‌ సర్జన్‌ చేస్తోంది.
ఆదివారం ఉదయం కళాశాల హాస్టల్‌ గదిలో చైతన్య సూసైడ్ చేసుకుంది.సమాచారం తెలియగానే పోలీసులు ఘటనాస్థలికి వెళ్లి పరిశీలించారు. కేసు నమోదు చేసి దర్యాప్తు చేపట్టారు. చైతన్యకు రెండు నెలల క్రితమే వివాహం జరిగింది. ఆమె ఎందుకు ఆత్మహత్య చేసుకుందో స్పష్టమైన కారణాలు ఇంకా వెల్లడికాలేదు. అయితే ఆమె మృతికి కుటుంబ కలహాలే కారణమని పోలీసులు భావిస్తున్నారు. ఇలా వరుసగా మెడికోలు ఆత్మహత్యలు చేసుకోవడంపై ఆందోళన వ్యక్తమవుతోంది.
Share
Etela Rajender : ఈటలకు కీలక పదవి..? ఆ ట్వీట్ తో జోరుగా ప్రచారం..
Revanth Reddy : ఖమ్మం సభపై ఆంక్షలు.. డీజీపీకి రేవంత్ ఫోన్..
