Minister Lokesh In US: ఏపీకి పెట్టుబడులు రప్పించే లక్ష్యంతో అమెరికాలో పర్యటిస్తున్నారు మంత్రి నారా లోకేష్. వివిధ కంపెనీల సీఈఓలతో భేటీ అవుతున్నారు. తాజాగా శాన్ ఫ్రాన్సిస్కోలో గూగుల్ సీఈఓ సుందర్ పిచాయ్తో ఆయన భేటీ అయ్యారు. వివిధ అంశాలపై ఇరువురు చర్చించారు. అలాగే విశాఖలో గూగుల్ డేటా సెంటర్ పనులపై చర్చించారు కూడా.
అమెరికాలో బిజీగా మంత్రి లోకేష్
అమెరికాలో బిజీబిజీగా ఉన్నారు మంత్రి లోకేష్. కేవలం ఐటీ కంపెనీలే కాకుండా ఫార్మా, వివిధ సంస్థల కంపెనీల ప్రతినిధులతో సమావేశమవుతున్నారు. తాజాగా శాన్ ఫ్రాన్సిస్కోలో గూగుల్ సంస్థ సీఈవో సుందర్ పిచాయ్తో మంత్రి నారా లోకేష్ సమావేశమయ్యారు. ఆయనతోపాటు గూగుల్ క్లౌడ్ సీఈవో థామస్ కురియన్, వైస్ ప్రెసిడెంట్ బికాష్ కోలే ఈ భేటీలో పాల్గొన్నారు.
విశాఖలో 15 బిలియన్ డాలర్ల పెట్టుబడి పెట్టినందుకు గూగుల్ ఉన్నతస్థాయి బృందానికి మంత్రి లోకేష్ కృతజ్ఞతలు తెలిపారు. విశాఖలో AI డేటా సెంటర్ ప్రాజెక్ట్ పనులు ఎప్పుడు ప్రారంభించాలనే దానిపై వీరి మధ్య చర్చ జరిగింది. ఆ సంస్థకు ఇప్పటికే ఏపీ ప్రభుత్వం భూములు కేటాయించింది. ఎప్పటి నుంచి అమలు చేయాలని అనేదానిపైనా చర్చించారు.
గూగుల్ సీఈఓ, అడోబ్ సీఈవో లోకేష్ సమావేశాలు
విస్ట్రాన్ న్యూ వెబ్ కార్పోరేషన్ ద్వారా డేటా సెంటర్–సర్వర్ తయారీ ఎకోసిస్టమ్ను ప్రోత్సహించాలని ఈ సందర్భంగా వారిని మంత్రి కోరారు. ఏపీలో డ్రోన్ సిటీ ప్రాజెక్టులో డ్రోన్ అసెంబ్లీ, కేలిబ్రేషన్, టెస్టింగ్ యూనిట్ను ఏర్పాటు చేయాలని కోరారు.
భారత్లో క్లౌడ్ రీజియన్ల విస్తరణ, గూగుల్ ఫర్ స్టార్టప్స్ యాక్సిలరేటర్ ద్వారా స్టార్టప్లకు మద్దతు ఇస్తున్నట్లు ఈ సందర్భంగా సీఈవో సుందర్ పిచాయ్ వివరించారు. అమెరికా వెలుపల ఏర్పాటు చేస్తున్న గూగుల్ AI డేటా సెంటర్ అతిపెద్ద ఎఫ్డీఐగా పేర్కొన్నారు.
చెన్నైలో ఫాక్స్కాన్ సంస్థతో కాంట్రాక్ట్ మాన్యుఫాక్చరింగ్ ద్వారా గూగుల్ డ్రోన్లు వింగ్స్ తయారవుతున్నాయని వివరించారు. తమ కంపెనీ ఉత్పత్తులను ప్రతి నెలా 500 మిలియన్లకు పైగా ఇంటర్నెట్ యూజర్స్ ఉపయోగిస్తున్నారని ఈ సందర్భంగా ప్రస్తావించారు. ప్రస్తుతం ఏపీ ప్రభుత్వం తీసుకొచ్చిన ప్రతిపాదనలపై సంస్థలో చర్చించి నిర్ణయం తీసుకుంటామని తెలిపారు.
#GoogleChoosesAP
It was a pleasure to meet Sundar Pichai, CEO @Google, along with Thomas Kurian & Bikash Koley in San Francisco. I thanked Google for their landmark $15B investment in the Visakhapatnam AI Data Center – set to be one of the largest FDI projects outside the US. We… pic.twitter.com/55wgy7mBDM— Lokesh Nara (@naralokesh) December 10, 2025
అంతకు ముందు అడోబ్ సీఈవో శంతన్ నారాయణన్తో మంత్రి నారా లోకేష్ భేటీ అయ్యారు. విశాఖలో అడోబ్ జీసీసీ (గ్లోబల్ కేపబిలిటీ సెంటర్) లేదా డెవలప్ మెంట్ సెంటర్ ఏర్పాటు చేయాలని కోరారు. అమెరికా టెక్ సంస్థలు ఇంటెల్, ఏఎండీ, అప్లైడ్ మెటీరియల్స్ వంటి వాటితో అనుసంధానించి ఫ్యాబ్లెస్ డిజైన్, పరిశోధన, తయారీ కేంద్రాల అభివృద్ధిని ప్రోత్సహించేలా చొరవ చూపాలని వివరించారు.
ALSO READ: బీఎస్ఎన్ఎల్ కార్యాలయంలో అగ్నిప్రమాదం.. అసలు ప్రమాదం ఎలా జరిగింది?
నారాయణన్ డైరెక్టర్గా ఉన్న ఫైజర్ సంస్థ.. ఏపీలో ఔషధ పరిశ్రమ జోన్లలో (విశాఖపట్నం ఏఎంటీజడ్) వ్యాక్సిన్లు, చిన్న మాలిక్యూల్స్ లేదా బయోలాజిక్స్ తయారీ ప్లాంట్ ఏర్పాటు చేసే అంశాన్ని పరిశీలించాలని సూచన చేశారు. ఆంధ్రప్రదేశ్ పరిశోధనా సంస్థలతో కలిసి క్లినికల్ ట్రయల్స్, వ్యాధి వ్యాప్తి అధ్యయనాలు, డిజిటల్ హెల్త్ పైలట్ ప్రాజెక్టులలో భాగస్వామ్యం వహించేలా ప్రోత్సహించాలని తెలిపారు.
ఫార్మా జోన్లు, AMTZ-ఆంధ్రా మెడ్ టెక్ జోన్ సామర్థ్యాలను వినియోగించుకునేలా చొరవ చూపాలని, మీరు డైరెక్టర్గా ఉన్న మరో సంస్థ కెకెఆర్ ప్రధానంగా ఆరోగ్యం, ఔషధ పరిశోధన, బయో-ఫార్మాస్యూటికల్స్, ఎనర్జీ పైప్ లైన్లు మొదలైన రంగాల్లో ఉందన్నారు. కేకేఆర్ సంస్థ ఏపీలోని ఆరోగ్య రంగంలో పెట్టుబడులు పెట్టేలా సహకారం అందించాల్సిందిగా విజ్ఞప్తి చేశారు. ఆంధ్రప్రదేశ్ ప్రభుత్వ ప్రతిపాదనలపై సహచరులతో చర్చించి నిర్ణయం తీసుకుంటామని అడోబ్ సీఈవో శంతను నారాయణన్ అన్నారు.
#InvestInAP#ChooseSpeedChooseAP
It was great meeting up again with Shantanu Narayen, CEO @Adobe, in San Francisco. I invited Adobe to set up a Global Capability / Development Center in Visakhapatnam – strengthening AP’s position in digital innovation. I also discussed deeper… pic.twitter.com/f07tDNMVmz— Lokesh Nara (@naralokesh) December 10, 2025
#GoogleChoosesAP
It was a pleasure to meet Sundar Pichai, CEO @Google, along with Thomas Kurian & Bikash Koley in San Francisco. I thanked Google for their landmark $15B investment in the Visakhapatnam AI Data Center – set to be one of the largest FDI projects outside the US. We… pic.twitter.com/55wgy7mBDM— Lokesh Nara (@naralokesh) December 10, 2025
Share
Illu Illalu Pillalu Today Episode: అయ్యో.. రైమ్ చెప్పి దొరికిపోయిందే.. పార్క్ లో విశ్వం, అమూల్య.. ఒక్క లెటర్ వల్ల ఎపిసోడ్ మొత్తం నవ్వులే..
OTT Movie : ఈ ఫ్రైడే ఓటీటీలో దుమ్ములేపడానికి వస్తున్న సినిమాలు ఇవే... ఎందులో చూడచ్చో తెలుసా ?
