Andhra News: నెల్లూరు జిల్లాలో సంచలనం సృష్టించిన లేడీ డాన్ అరుణపై పోలీసులు కఠిన చర్యలు చేపట్టారు. వరుస నేరాలకు పాల్పడుతూ ప్రజలను భయభ్రాంతులకు గురిచేస్తున్న ఆమెపై పీడీ యాక్ట్ నమోదు చేశారు పోలీసులు. శాంతిభద్రతల పరిరక్షణలో భాగంగా, నేరగాళ్ల పట్ల కఠినంగా వ్యవహరించాలన్న ఎస్పీ అజిత ఆదేశాల మేరకు ఈ నిర్ణయం తీసుకున్నారు.
పూర్తి వివరాల్లోకి వెళితే.. అరుణపై గతంలోనే కోవూరు, నవాబుపేట, వేదాయపాలెం వంటి పలు పోలీస్ స్టేషన్లలో అనేక కేసులు నమోదయ్యాయి. ఒక ప్రాంతానికే పరిమితం కాకుండా వివిధ పోలీస్ స్టేషన్ల పరిధిలో ఆమె సాగిస్తున్న అరాచకాలపై పోలీసులు నిఘా ఉంచారు. ముఖ్యంగా రౌడీషీటర్ల కదలికలపై నిశితంగా దృష్టి సారించిన జిల్లా యంత్రాంగం, అరుణను రిపీటెడ్ అఫెండర్‌గా గుర్తించి పీడీ యాక్ట్ అస్త్రాన్ని ప్రయోగించింది.
పీడీ యాక్ట్ ఎప్పుడు విధిస్తారు?
సాధారణంగా రెండేళ్ల కాల వ్యవధిలో ఐదు కంటే ఎక్కువ తీవ్రమైన నేరాలకు పాల్పడే వ్యక్తులపై పీడీ యాక్ట్ నమోదు చేసే అవకాశం ఉంటుంది. సమాజానికి ప్రమాదకరంగా మారిన వ్యక్తులు లేదా బెయిల్‌పై బయటకు వస్తే మళ్లీ నేరాలు చేసే అవకాశం ఉందని భావించినప్పుడు పోలీసులు ఈ చట్టాన్ని ఉపయోగిస్తారు. అరుణ విషయంలో కూడా ఆమె బయట ఉంటే శాంతిభద్రతలకు విఘాతం కలుగుతుందన్న బలమైన సాక్ష్యాధారాల ఆధారంగానే ఈ చర్య తీసుకున్నారు.
పీడీ యాక్ట్‌తో ఏడాదిపాటు నోబెయిల్..
ఒకసారి పీడీ యాక్ట్ అమలులోకి వస్తే, నిందితులకు బెయిల్ రావడం అత్యంత క్లిష్టంగా మారుతుంది. సాధారణ నేరాల్లో లాగా త్వరగా బయటకు రావడం సాధ్యపడదు. కనీసం ఏడాది పాటు జైలులోనే ఉండాల్సిన పరిస్థితి ఏర్పడుతుంది. ఒకవేళ బెయిల్ కావాలని భావిస్తే, నిందితులు నేరుగా హైకోర్టును ఆశ్రయించాల్సి ఉంటుంది. అక్కడ కూడా నేర తీవ్రతను బట్టి న్యాయస్థానం నిర్ణయం తీసుకుంటుంది తప్ప, సాధారణ బెయిల్ పిటిషన్లు ఇక్కడ పనిచేయవు.
Also Read: ఛత్తీస్‌గడ్‌లో భారీ ఎన్‌కౌంటర్.. ముగ్గురు మావోయిస్టులు హతం
భేటీ కోసం హోంశాఖ ప్రిన్స్‌పల్‌.. సెక్రటరీ అనుమతి తప్పనిసరి
అయితే ఈ చట్టం కింద అరెస్టయిన వారికి జైలులో సందర్శకుల భేటీ సౌకర్యం కూడా చాలా పరిమితంగా ఉంటుంది. సాధారణ ఖైదీల మాదిరిగా ఎవరిని పడితే వారిని కలిసే వీలుండదు. ఎవరైనా కలవాలనుకుంటే హోంశాఖ ప్రిన్సిపల్ సెక్రటరీ స్థాయి అధికారి నుంచి ముందస్తు అనుమతి పొందడం తప్పనిసరి. జిల్లా ఎస్పీ అజిత తీసుకున్న ఈ నిర్ణయం నేర ప్రవృత్తి గల వ్యక్తులకు గట్టి హెచ్చరికగా మారింది. లేడీ డాన్ అరుణపై పీడీ యాక్ట్ నమోదు చేయడం ద్వారా, జిల్లాలో రౌడీయిజానికి తావులేదని పోలీసులు స్పష్టమైన సంకేతాలిచ్చారు.
లేడీ డాన్ అరుణపై పీడీ యాక్ట్
నెల్లూరుకు చెందిన లేడీ డాన్ నిడిగుంట అరుణపై పీడీ యాక్ట్ నమోదు చేసిన ఏపీ ప్రభుత్వం
కలెక్టర్ ప్రతిపాదనలకు ఆమోదముద్ర వేస్తూ ఉత్తర్వులు జారీ చేసిన సీఎస్ విజయానంద్
దాడులు, నకిలీ పత్రాలు సృష్టించి డబ్బులు దోచుకుందన్న ఆరోపణలపై అరెస్టయిన నిడిగుంట అరుణ pic.twitter.com/y2h4od56OO
— BIG TV Breaking News (@bigtvtelugu) December 18, 2025
Share
Techie Suicide: ప్రియుడిపై కేసు.. ఓ మహిళా టెక్కీ ఆత్మహత్య, తీగలాగితే..
Telangana Police: మహబూబాబాద్ ఎస్పీకి పాలాభిషేకం.. బాధితురాలి కళ్లలో ఆనందం.. 'జయహో పోలీస్' అంటూ నినాదాలు
