Pawan Kalyan: భారత ప్రధాని నరేంద్ర మోదీ, ఆంధ్రప్రదేశ్ ఉపముఖ్యమంత్రి పవన్ కళ్యాణ్ మధ్య ఉన్న అనుబంధం మరోసారి అందరినీ ఆకట్టుకుంది. పవన్ కళ్యాణ్ ఇటీవల అనారోగ్యానికి గురైన నేపథ్యంలో, ప్రధాని స్వయంగా హైదరాబాద్లోని ఆయన నివాసానికి వెళ్లి పరామర్శించడం రాజకీయ ప్రాధాన్యతను సంతరించుకుంది. కేవలం ఒక రాజకీయ మిత్రుడిగానే కాకుండా, ఒక పెద్దన్నలా మోదీ చూపిన చొరవపై సర్వత్రా ప్రశంసలు వ్యూక్తమవుతున్నాయి.
జీవితాంతం గుర్తుండిపోయే గౌరవం
ప్రధాని రాకపై పవన్ కళ్యాణ్ తన ఎక్స్ (ట్విట్టర్) వేదికగా భావోద్వేగంగా స్పందించారు. “దేశ ప్రధాని నా నివాసానికి రావడం నా జీవితంలోనే గొప్ప అనుభూతి” అని ఆయన పేర్కొన్నారు. తమ కుటుంబం కోసం ప్రధాని కేటాయించిన సమయం, చూపిన ఆప్యాయత తనను ఎంతగానో కదిలించాయని పవన్ తెలిపారు. ప్రధానిని తన ఇంటికి సాదరంగా ఆహ్వానించే అవకాశం దక్కడం ఒక గొప్ప గౌరవంగా భావిస్తున్నట్లు ఆయన తన పోస్ట్లో రాసుకొచ్చారు.
కుటుంబ సభ్యులతో మోదీ ముచ్చట్లు
ప్రధాని మోదీ కేవలం పవన్ను పరామర్శించడానికే పరిమితం కాకుండా, ఆయన కుటుంబ సభ్యులతో కూడా సరదాగా గడిపారు. ఈ సందర్భంగా పవన్ ఆరోగ్యంపై ఆరా తీయడంతో పాటు, త్వరగా కోలుకోవాలని ఆకాంక్షించారు. ప్రధాని వంటి అత్యున్నత పదవిలో ఉన్న వ్యక్తి, ప్రోటోకాల్స్ పక్కన పెట్టి తన ఇంటికి రావడం పవన్తో పాటు ఆయన కుటుంబ సభ్యులకు మర్చిపోలేని జ్ఞాపకంగా నిలిచిపోయింది. దీనికి సంబంధించిన ఫోటోలు ఇప్పుడు సోషల్ మీడియాలో వైరల్ అవుతున్నాయి.
ప్రధాని స్పందన.. “ఆరోగ్యంగా ఉండాలని ఆకాంక్షిస్తున్నా”
ఈ భేటీ అనంతరం ప్రధాని మోదీ కూడా సోషల్ మీడియా వేదికగా స్పందించారు. “హైదరాబాద్లో ఏపీ ఉపముఖ్యమంత్రి పవన్ కళ్యాణ్ గారి నివాసానికి వెళ్లాను. ఆయనతో పాటు వారి కుటుంబ సభ్యులను కలవడం సంతోషంగా ఉంది. పవన్ గారి ఆరోగ్యం గురించి అడిగి తెలుసుకున్నాను, ఆయన పరిపూర్ణ ఆరోగ్యంతో ఉండాలని మనస్ఫూర్తిగా ఆకాంక్షిస్తున్నాను” అని మోదీ ట్వీట్ చేశారు. ప్రధాని స్వయంగా ఇలాంటి సందేశం ఇవ్వడం పట్ల జనసేన కార్యకర్తలు ఖుషీ అవుతున్నారు.
Also Read: రైల్వే ట్రాక్పై ఎగిసిపడ్డ మంటలు.. భద్రాచలం వెళ్లే ప్రయాణికులకు చుక్కెదురు.. అసలేం జరిగిందంటే?
రాజకీయాలకు అతీతంగా ఆత్మీయ బంధం
సాధారణంగా ప్రధాని పర్యటనలు ఎంతో కట్టుదిట్టమైన భద్రత, అధికారిక కార్యక్రమాలతో నిండి ఉంటాయి. కానీ, పవన్ కళ్యాణ్ ఇంటికి వెళ్లి పలకరించడం ద్వారా వారి మధ్య ఉన్న వ్యక్తిగత సాన్నిహిత్యం స్పష్టమైంది. ఇది కేవలం పొత్తులో ఉన్న పార్టీల నేతల భేటీ మాత్రమే కాకుండా, ఒక మానవీయ సంబంధానికి నిదర్శనమని విశ్లేషకులు భావిస్తున్నారు. ఈ భేటీ అటు ఏపీ ప్రభుత్వానికి, ఇటు జనసేన శ్రేణులకు సరికొత్త ఉత్సాహాన్ని ఇచ్చింది.
డిప్యూటీ సీఎంపవన్ ఇంటికి వెళ్లా: ప్రధాని మోదీ ట్వీట్
నిన్న హైదరాబాద్లో ఏపీ ఉపముఖ్యమంత్రి పవన్ నివాసానికి వెళ్లాను: ప్రధాని
ఆయనతో పాటు వారి కుటుంబసభ్యులను కలిశాను: ప్రధాని
పవన్ ఆరోగ్యం గురించి అడిగి తెలుసుకున్నా: మోదీ
ఆయన ఆరోగ్యంగా ఉండాలని ఆకాంక్షించా’ అని ప్రధాని మోదీ… pic.twitter.com/ub1B3Acscn
— BIG TV Breaking News (@bigtvtelugu) May 11, 2026
Share
రేపు బీఆర్ఎస్ కీలక సమావేశం.. ఆ అంశాలపైనే స్పెషల్ ఫోకస్!
మదర్స్ డే రోజున రోజా కూతురు ఏం చేసిందో తెలిస్తే షాక్ అవుతారు.. అది గిఫ్ట్ కాదు!
