Supreme Court: తిరుమల లడ్డూ కల్తీ కేసులో సుప్రీంకోర్టు మరొక తీర్పు ఇచ్చింది. ఈ కేసు విచారణను ఏపీ వెలుపలకు బదిలీ చేసేందుకు నో చెప్పింది. దీంతో ఆ పిటిషన్‌ను తిరస్కరించింది. అలాంటి వ్యాఖ్యలు ఎవరైనా చేస్తే తమ దృష్టికి తీసుకురావాలని తేల్చిచెప్పింది. అసలు ఏం జరిగింది?
తిరుమల లడ్డూ కల్తీ కేసు విచారణ వేగంగా జరుగుతోంది. దీనిపై అధికార-విపక్షాల మధ్య మాటల యుద్ధం అప్పుడప్పుడు చోటు చేసుకుంటూనే ఉంటుంది. ఈ క్రమంలో కేసును ఏపీ వెలుపలకు బదిలీ చేయాలని ఓ పిటిషన్ సుప్రంకోర్టులో దాఖలైంది. ఈ పిటిషన్‌ను మహారాష్ట్రకు చెందిన ఓ ప్రైవేటు డెయిరీ పరిశ్రమ ఎండీ మశ్చీంద్ర శాంతారామ్ వేశారు. పిటిషన్‌లో సదరు వ్యక్తి అనేక అంశాలను ప్రస్తావించారు. ప్రస్తుతం కేసుకు సంబంధించి తిరుపతిలో ట్రయిల్ జరుగుతోందని, ఆ మొత్తానికి వేరే రాష్ట్రానికి బదిలీ చేయాలని పేర్కొన్నారు.
అందులో రాజకీయ కోణాలు ఎక్కువగా ఉన్నాయని, సున్నితమైన అంశమని, తనను పావుగా వాడుకుంటున్నారని పేర్కొన్నారు. రాజకీయ పరమైన వ్యాఖ్యలు చోటు చేసుకుంటున్నాయని, దీనిపై సీఎం, డిప్యూటీ సీఎం నిరంతరం ప్రకటన చేస్తున్నారని వెల్లడించారు. విచారణ న్యాయంగా ఉండాలని భావిస్తూ పిటిషనర్ తరపు న్యాయవాది సుప్రీంకోర్టుకు దృష్టికి తీసుకెళ్లారు. ఈ కేసులో పిటిషనర్ నిందితుడి ఉన్నారు. రాజకీయాలకు ఈ కేసు వాడుకుంటున్నారని, ఇందులో తాము నష్టపోతున్నామని వెల్లడించారు.
ఈ కేసులో నిందితులు ఉత్తరాదికి చెందినవారు కావడంతో భాషా పరమైన సమస్య ఉత్పన్నం అవుతుందన్నారు. దీనిపై సుప్రీంకోర్టు ధర్మాసనం కీలక వ్యాఖ్యలు చేసింది. ఈ పిటిషన్‌ను తాము ఎంటర్ టైన్ చేయడం లేదని తెలిపింది. దీన్ని విచారణకు తీసుకోలేమని స్పష్టం చేసింది. ఈ కేసులో రాజకీయ నేతలు ఎలాంటి వ్యాఖ్యలు చేయవద్దని గతంలో సుప్రీంకోర్టు ఆదేశాలు ఇచ్చిన విషయాన్ని గుర్తు చేసింది.
ALSO READ: పులివెందులలో సేమ్ సీన్ రిపీట్.. టీడీపీ-వైసీపీ వర్గాల మధ్య ఘర్షణ.. టపాకాయలు, రాళ్లతో దాడులు
అలాంటి వ్యాఖ్యలు ఎవరైనా చేస్తే.. తమ దృష్టికి తీసుకురావాలని పేర్కొంది. ట్రయిల్‌ను మరో రాష్ట్రానికి బదిలీ చేయాలని విషయాన్ని తాము పరిగణనలోకి తీసుకోలేదని క్లారిటీ ఇచ్చింది. ఈ కేసు అంతా ఏపీతో ముడిపడి ఉందని.. సాక్షులు, సాక్షాధారాలు అన్నీ అక్కడే ఉన్నాయన్నాయని తెలిపింది. ఇలాంటి సమయంలో ట్రయిల్‌ను మరో రాష్ట్రానికి బదిలీ చేయాల్సిన అవసరం లేదని తేల్చేసింది సుప్రీంకోర్టు.
Share
BBL తొలి మ్యాచ్..ఇండియాను అవ‌మానించిన ముస్తాఫిజుర్...సెఫ్టీ లేదంటూ కామెంట్స్‌!
నితీష్ తివారీ రామాయణ పార్ట్ -1 మూవీ రివ్యూ..ఈ దృశ్యకావ్యం మెప్పించిందా?
