Rithu Chowdary Elimination: టాప్ 5లో ఉంటుందనుకున్న రీతూ చౌదరి అనూహ్యంగా ఎలిమినేట్ అయ్యింది. రీతూ ఎలిమినేషన్ అందరికి షాకిచ్చింది. హౌజ్ లో వచ్చిన ఆమె కళ్యాణ్, డిమోన్ పవన్ తో సన్నిహితంగా ఉంటూ నెగిటివిటీ తెచ్చుకుంది. లవ్ ట్రాక్స్ కోసం హౌజ్ లోకి వచ్చిందా అని నెటిజన్స్ ట్రోల్ చేశారు. ఆ తర్వాత ధర్మ మహేష్ భార్య గౌతమి చౌదరి ఆరోపణలు ఆమెకు మరింత వ్యతిరేకత తెచ్చిపెట్టింది. ఆ తర్వాత తనదైన ఆట తీరుతో నెగిటివిటీ నుంచి బయటపడింది.
జన్యున్ ఫ్రెండ్ షిప్, తనూజతో క్లోజ్ నెస్, డిమోన్ తో సన్నిహితం.. మరోవైపు టాస్క్ ల్లో గట్టి పోటీ ఇస్తూ తన ఆటను మెరుగుపరుచుకుంది. ఈ జర్నీలో రీతూపై ఉన్న ఫుల్ నెగిటివిటీ పోయి పాజిటివిటీ పెరిగింది. ప్రతి వీక్ నామినేషన్ లో ఉంటూ వచ్చిన రీతూకి ఓట్స్ కూడా బాగానే పడ్డాయి. అలా ఆడియన్స్ ఆదరణ పొందిన రీతూ టాప్ 5లో ఉంటుందని అంత అనుకున్నారు. సోషల్ మీడియా ప్రచారంలో కూడా అలాగే అనిపించింది. కానీ, ఊహించని విధంగా 13వ వారం రీతూ ఎలిమినేట్ అయ్యి హౌజ్ నుంచి బయటకు వచ్చింది. హౌజ్ నుంచి బయటకు రాగానే రీతూ ఇంటర్య్వూతో ఫుల్ బిజీ అయ్యింది. వరుస ఇంటర్య్వూలు ఇస్తూ విలేకరుల ప్రశ్నలకు తనదైన స్టైల్లో సమాధానం ఇచ్చింది.
డిమోన్ తో రిలేషన్ పై ఆమె ఎన్నో ప్రశ్నలు ఎదురయ్యాయి. ఎవరూ ఎన్ని అనుకున్నా డిమోన్ తనకు మంచి స్నేహితుడు మాత్రమే అంటూ అందరికి గట్టి కౌంటర్ ఇచ్చింది. అంతేకాదు హౌజ్ లో తనూజ కూడా తనకు క్లోజ్ ఫ్రెండ్ అని చెప్పుకొచ్చింది. అలాంటి స్నేహితురాలు వాష్ రూంలో ఉన్నప్పుడు బయట పవన్ కళ్యాణ్ తో కలిసి ఆమెను ఏడిపించడం మీకు కరెక్ట్ అనిపించిందా? ఓ విలేకరి ప్రశ్నించారు. తను స్నానం చేస్తుండగా బయట ఉండి పుల్లలు పెట్టడం కరెక్టేనా? అని ప్రశ్నించగా.. తాను ఆ కామెంట్స్ పాస్ చేసింది కానీ, తానే ఎప్పుడు హౌజ్ లో ఎవరి గురించి అనలేదు అంటూ రిప్లై ఇచ్చింది. అక్కడ సరదాగా జరిగిందని, దాన్ని నేను అంత సీరియస్ గా చూడలేదని వివరణ ఇచ్చింది. నాకేప్పుడు ఎవరూ అలా అనిపించలేదు. అంతేకాదు హౌజ్ లో ఎవరూ ఎలా ఉన్నారు? ఎలా కూర్చుకున్నారు? ఏం డ్రెస్ వేసుకున్నారు? అని చెప్పుకొచ్చింది.
మ్యాన్ హ్యాండ్లింగ్ చేశాడంటూ డిమోన్ విషయంలో అంత ఇష్యూ చేసిన తనూజ.. కళ్యాణ్ విషయంలో ఎందుకు అలా చేస్తుందని అడగ్గా.. అతి నన్ను కాదు.. తనూజని అడగాలని తనదైన స్టైల్లో రిప్లై ఇచ్చింది. తనకు హౌజ్ లో ఎవరితో ఏ ప్రాబ్లమ్ లేదని, కళ్యాణ్ చేసిన దానికి నేనేం చేస్తా.. నేనే ఏదో పక్కన ఉన్నానంతే అని చెప్పుకొచ్చింది. కాగా రీసెంట్ ఎపిసోడ్ లో తనూజ బాత్రూంలో ఉండగా.. కళ్యాణ్ డోర్ నుంచి పుల్లలు పెడుతూ ఆమె ఏడిపించాలని చూశాడు. రీతూ కూడా లైట్ ఆఫ్ చేస్తూ కళ్యాణ్ కి సపోర్టు చేసినట్టు అనిపించింది. ఇప్పుడిదే విషయంలో రీతూకు ప్రశ్న ఎదురైంది. అయితే ఇక్కడ కళ్యాణ్ తీరు నెటిజన్స్ నుంచి తీవ్ర వ్యతిరేక వస్తుంది. ఒక ఆడపిల్ల బాత్రూంలో ఉండగా కళ్యాణ్ అలా చేయడం కరెక్ట్ కాదంటూ పలు రకాలు స్పందిస్తున్నారు. ఈ విషయంలో నాగార్జున సర్ కళ్యాణ్ కి క్లాస్ పీకాల్సిందే అంటూ అభిప్రాయపడుతున్నారు.
Share
RBI Coins: 50 పైసలు, వేర్వేరు డిజైన్ల నాణాలు చెల్లుతాయా?.. ఆర్బీఐ ఏం చెబుతోంది?
Rashmika: ఆ దివంగత నటి బయోపిక్ లో నేషనల్ క్రష్.. రష్మిక రిస్క్ చేస్తుందా?
