Bigg Boss Telugu: బిగ్ బాస్ హోస్ట్ గా ఉండటం అసలు ఇష్టం లేదు.. సీజన్ 10 కి నాగార్జున ఉండరా?

Bigg Boss Telugu: బిగ్ బాస్ ఈ కార్యక్రమానికి ఎంతో మంచి ఆదరణ ఉన్న సంగతి తెలిసిందే. ఒకప్పుడు హిందీలో మాత్రమే ప్రసారమవుతున్న ఈ కార్యక్రమం అనంతరం తెలుగు తమిళ కన్నడ భాషలలో కూడా ప్రసారమవుతూ ఎంతో మంచి ఆదరణ సొంతం చేసుకుంది. ఇక తెలుగులో ఈ కార్యక్రమం విషయానికి వస్తే ప్రస్తుతం 9వ సీజన్ జరుగుతున్న సంగతి తెలిసిందే. మరొక రెండు వారాలలో ఈ తొమ్మిదవ సీజన్ కూడా పూర్తి కానుంది. ఇక ఈ సీజన్ లో విన్నర్ ఎవరు అనే విషయంపై ఎంతో ఆసక్తి నెలకొంది. ఇదిలా ఉండగా తాజాగా ఈ కార్యక్రమానికి హోస్టుగా వ్యవహరిస్తున్న నాగార్జున(Nagarjuna) ఆసక్తికరమైన విషయాలను వెల్లడించారు.

బిగ్ బాగ్ ఇష్టం లేదు..కానీ..

ఇటీవల ఓ కార్యక్రమంలో పాల్గొన్న నాగార్జున బిగ్ బాస్ (Bigg Boss Host)కార్యక్రమం గురించి మాట్లాడుతూ చేసిన వ్యాఖ్యలు వైరల్ అవుతున్నాయి. నిజానికి తాను బిగ్ బాస్ కార్యక్రమానికి హోస్టుగా వ్యవహరించడానికి ఏమాత్రం ఇష్టపడలేదని తెలిపారు. అయితే సీజన్ 3 కార్యక్రమానికి హోస్టుగా వ్యవహరించిన తర్వాత బిగ్ బాస్ ఒక వ్యసనంలా మారిపోయింది అంటూ నాగార్జున చేసిన ఈ వ్యాఖ్యలు ప్రస్తుతం వైరల్ అవుతున్నాయి. ఈ కార్యక్రమం మొదటి సీజన్ కు ఎన్టీఆర్ హోస్టుగా వ్యవహరించగా రెండవ సీజన్ నాచురల్ స్టార్ నాని హోస్ట్ గా వ్యవహరించారు. ఇక మూడవ సీజన్ నుంచి నాగార్జున హోస్ట్ గా వ్యవహరిస్తున్నారు.

వ్యసనంలా మారిన బిగ్ బాస్…

ప్రతి సీజన్ ప్రారంభానికి ముందు నాగార్జున హోస్ట్ గా తప్పుకుంటున్నారు అంటూ ఎంతో మంది హీరోల పేర్లు తెరపైకి వస్తున్నాయి కానీ నాగార్జున మాత్రం ఈ కార్యక్రమానికి హోస్ట్ గా కొనసాగుతున్నారు. ఇక తాజాగా ఈయన బిగ్ బాస్ తనకు వ్యసనంలా మారిపోయిందని చెప్పడంతో ఇకపై రాబోయే సీజన్లకు కూడా నాగార్జున హోస్ట్ గా వ్యవహరిస్తారని స్పష్టం అయింది. ఇక నాగార్జున ఈ కార్యక్రమానికి హోస్టుగా వ్యవహరిస్తూ ఒక సినిమా చేసిన దానికంటే కూడా అధికంగా రెమ్యూనరేషన్ తీసుకుంటున్నారని తెలుస్తోంది.

కింగ్ 100 వ సినిమా..

బిగ్ బాస్ హోస్ట్ గా, మరోవైపు నటుడిగా నాగార్జున కెరియర్ పరంగా బిజీగా ఉన్నారు. ఈయన త్వరలోనే తన 100వ సినిమా పనులలో బిజీ కాబోతున్నారు. ఇక ఈయన ఇటీవల ధనుష్ హీరోగా నటించిన కుబేర సినిమాతో పాటు రజనీకాంత్ లోకేష్ కనగరాజ్ డైరెక్షన్లో ప్రేక్షకుల ముందుకు వచ్చిన కూలి సినిమాలో నటించి ప్రేక్షకులను సందడి చేశారు. ఇలా ఒకవైపు సినిమాలలో క్యామియో రోల్స్ చేస్తూనే మరోవైపు హీరోగా కూడా కొనసాగుతున్నారు. నాగార్జున త్వరలోనే తన 100వ సినిమాను ప్రారంభించబోతున్న నేపథ్యంలో ఈ సినిమా పట్ల ఎన్నో అంచనాలు ఉన్నాయి. ఇక ఈ సినిమా నాగార్జున కెరియర్ లోనే ఎంతో కీలకమైనది కావడంతో ఈ సినిమా విషయంలో ఎన్నో జాగ్రత్తలు తీసుకుంటున్నారని తెలుస్తోంది.

Also Read: Psych siddhartha release: అఖండ 2 ఎఫెక్ట్.. కొత్త విడుదల తేదీని ప్రకటించిన నందు సైక్ సిద్ధార్థ్..