Nissan X-Trail SUV Lunching on July 17th: ఇండియా ఆటోమొబైల్ మార్కెట్లో నిస్సాన్ ఎస్యూవీకి ప్రత్యేక క్రేజ్ ఉంది. పలు ఎస్యూవీలను లాంచ్ చేస్తూ వాహన ప్రియులను ఆకట్టుకుంటోంది. అయితే ఎస్యూవీలో తనదైన శైలిలో దూసుకుపోతున్న నిస్సాన్ ఈ సారి 2024 Nissan X-Trail SUVని లాంచ్ చేసేందుకు సిద్ధమైంది. ఈ కొత్త మోడల్ ఎస్యూవీకి సంబంధించిన ఈవెంట్ను వచ్చే నెల అంటే జూలై 17 న కంపెనీ నిర్వహిస్తోంది.
ఆ ఈవెంట్ నిర్వహించిన కొన్ని వారాల తర్వాత కంపెనీ భారత్లో ఈ మోడల్ను లాంచ్ చేస్తుందని తెలుస్తోంది. ఈ క్రమంలో తాజాగా ఈ ఎస్యూవీకి సంబంధించిన కొన్ని వివరాలు బయటకొచ్చాయి. 2024 Nissan X-Trail SUV ని కంపెనీ రెండేళ్ల క్రితమే పపంచ మార్కెట్కి పరిచయం చేసింది. ఇప్పుడు ఎట్టకేలకు ఇది లాంచ్కు సిద్ధమైంది. అయితే 2024 Nissan X-Trail SUV ఇండియాలో టయోటా ఫార్చ్యునర్, ఎంజీ గ్లాస్టర్కి గట్టి పోటీని ఇస్తుందని భావిస్తున్నారు.
కాగా Nissan X-Trail SUV ఒకప్పుడు భారత మార్కెట్లో లభించేది. కానీ కంపెనీ ఈ మోడల్ను డిస్కంటిన్యూ చేసింది. అప్పట్లో దీనికి మార్కెట్లో సూపర్ డూపర్ క్రేజ్ ఉండేది. ఇక దీనిని డిస్కంటిన్యూ చేసిన ఇన్నేళ్లకు కంపెనీ ఇప్పుడు కొత్త 2024 Nissan X-Trail SUVని మార్కెట్లో లాంచ్ చేసేందుకు సిద్ధం అయింది. ఇందులో భాగంగానే టెస్ట్ డ్రైవ్ కూడా కంప్లీట్ చేసుకుంది.
Also Read: ఆల్ట్రోజ్ రేసర్ కొంటున్నారా..? అయితే ఈ విషయాలు తెలుసుకోండి!
ఈ 2024 Nissan X-Trail SUV మోడల్ అంతర్జాతీయ మార్కెట్లో 5 అండ్ 7 సీటర్ ఆప్షన్లలో అందుబాటులోకి రానుంది. అయితే ఇదే సిటింగ్తో ఇండియాలో లాంచ్ అవుతుందా? లేదా అనేది చూడాలి. ఈ మోడల్ను CMF-C ప్లాట్ ఫార్మ్పై కంపెనీ రూపొందిస్తుంది. అందువల్ల ఇందులో కంపెనీకి చెందిన ఈ-పవర్ డ్రైవ్ సిస్టమ్ ఉండనుంది. ఇందులో ఉండే ఈ-పవర్ స్ట్రాంగ్ హైబ్రీడ్ ఇంజన్ 201hp పవర్ని ఉత్పత్తి చేస్తుంది.
అలాగే ఆల్వీల్ డ్రైవ్ ఈ-పవర్ వేరియంట్ 211hp పవర్ని జనరేట్ చేస్తుంది. ఇక మైల్డ్ హైబ్రీడ్ వేరియంట్ 12v మైల్డ్ హైబ్రీడ్ టెక్నాలజీని కలిగి ఉంటుంది. ఈ వేరియంట్ 160hp పవర్, 300nm టార్క్ను ఉత్పత్తి చేస్తుంది. 2024 Nissan X-Trail SUV మోడల్ని కంపెనీ కంప్లీట్లీ బిల్ట్ యూనిట్ (CBU)గా తీసుకువచ్చే ఛాన్స్ ఉందని తెలుస్తోంది. అయితే దీని ధరకు సంబంధించిన వివరాలు మాత్రం ఎక్కడా తెలియలేదు. త్వరలో ఈ 2024 Nissan X-Trail SUV మోడల్ ధర, ఇతర ఫీచర్లకు సంబంధించి మరిన్ని వివరాలపై క్లారిటీ రావాల్సి ఉంది.
Share
ICC Men's T20I Rankings: టీ 20 ర్యాంకులో వెనుకపడ్డ సూర్యకుమార్ యాదవ్.. ట్రావిస్ హెడ్ నంబర్ .1
SA Vs AFG Highlights: తొలిసారి ఫైనల్ కి వెళ్లిన సౌతాఫ్రికా.. కీలక మ్యాచ్ లో ఓడిన ఆఫ్గాన్!
