ICICI Bank New Rules: కస్టమర్లకు ICICI బిక్ షాక్.. కనీస బ్యాలెన్స్ రూ.10 వేలు కాదు.. అంతకుమించి.. పేదోళ్ల సంగతి ఏంటో?

ICICI Bank New Rules: మన దేశంలో బ్యాంక్ ఖాతా అంటే… కేవలం డబ్బు పెట్టుకునే స్థలం కాదు, మన ఆర్థిక భద్రతకు పునాది. కానీ ఇప్పుడు, ముఖ్యంగా కొత్త కస్టమర్లకు, ఒక పెద్ద మార్పు వచ్చిందంటే? అదీ మన దేశంలోని రెండో అతిపెద్ద ప్రైవేట్ బ్యాంక్ ICICI తీసుకున్న నిర్ణయం. ఆగస్టు 1 నుంచి అమల్లోకి వచ్చిన ఈ కొత్త నిబంధన ప్రకారం, మెట్రో మరియు అర్బన్ ప్రాంతాల్లో ఆగస్టు 1 లేదా ఆ తర్వాత సేవింగ్స్ ఖాతా తెరవబోయే కస్టమర్లు నెలకు కనీసం ₹50,000 సగటు బ్యాలెన్స్ ఉంచాలి. ముందుగా ఈ పరిమితి ₹10,000 మాత్రమే ఉండేది. పాత కస్టమర్లకు మాత్రం ఇదే ₹10,000 పరిమితి కొనసాగుతుంది.

ఇది ఎందుకు చేస్తున్నారని అడిగితే… ఒక సీనియర్ బ్యాంకర్ చెప్పిన ప్రకారం, ప్రీమియం కస్టమర్ల సంఖ్య పెంచుకోవడం కోసం ఈ నిర్ణయం తీసుకున్నారని చెబుతున్నారు. అంటే, కొన్ని పెద్ద విదేశీ బ్యాంకుల మాదిరిగా అధిక బ్యాలెన్స్ ఉంచే కస్టమర్ బేస్‌ను ICICI నిర్మించుకోవాలని చూస్తోంది. మెట్రో, అర్బన్ ప్రాంతాల కంటే, సెమీ అర్బన్ ప్రాంతాల్లో కొత్తగా ఖాతా తెరవబోయే వారికి నెలకు ₹25,000 సగటు బ్యాలెన్స్ తప్పనిసరి. గ్రామీణ ప్రాంతాల కొత్త కస్టమర్లకు ₹10,000 బ్యాలెన్స్ ఉంచాలి. పాత కస్టమర్ల విషయంలో మాత్రం సెమీ అర్బన్, గ్రామీణ ప్రాంతాలిద్దరికీ కూడా ₹5,000 కనీస సగటు బ్యాలెన్స్ సరిపోతుంది.

కనీస సగటు బ్యాలెన్స్ ఉంచకపోతే? అప్పుడు జరిమానా తప్పదు. బ్యాలెన్స్ లోపం 6% లేదా ₹500 – ఏది తక్కువైతే అది కస్టమర్ ఖాతా నుండి కట్ అవుతుంది. ఉదాహరణకి, మీ ఖాతాలో ₹10,000 లోపం ఉంటే, దాని 6% అంటే ₹600 అవుతుంది, కానీ గరిష్ఠం ₹500 మాత్రమే కట్ చేస్తారు. ఈ నిర్ణయం ఒక పెద్ద ప్రైవేట్ బ్యాంక్ నుండి రావడం ప్రత్యేకం. ఎందుకంటే ఈ సమయంలో, మరికొన్ని బ్యాంకులు మాత్రం జరిమానాలను తగ్గించే ప్రయత్నం చేస్తున్నాయి. ఉదాహరణకి, దేశంలోనే అతిపెద్ద బ్యాంక్ అయిన SBI… కనీస బ్యాలెన్స్ ఉంచని కస్టమర్లపై విధించే అన్ని ఛార్జీలను పూర్తిగా తొలగించింది. ఇక, ఈ కొత్త మార్పులు వల్ల కొత్త కస్టమర్లు, ముఖ్యంగా మధ్యతరగతి, తక్కువ ఆదాయ వర్గాల వారు కొంత ఇబ్బంది పడే అవకాశం ఉందని ఫైనాన్షియల్ నిపుణులు చెబుతున్నారు. కానీ మరోవైపు, ప్రీమియం సర్వీసులు పొందే కస్టమర్లకు ఇది బ్యాంకింగ్ అనుభవాన్ని మరింత హై-ఎండ్‌గా మార్చే అవకాశం ఉంది.

Share

• 
• 
• 
• 
• 
•