Joint Home Loan: పెళ్లి తర్వాత మనకంటూ ఓ ఇల్లు ఉండాలనే ఆలోచన చేస్తుంటారు. ఇల్లు కొనడం అనేది లైఫ్ లో బిగ్ డెసిషన్. సొంతింటి కలను నెరవేర్చుకునేందుకు హోమ్ లోన్ అప్లై చేస్తుంటారు. హోమ్ లోన్ కోసం బ్యాంకుకు ఒక్కరే వెళ్తుంటారు. కానీ భార్యాభర్తలిద్దరూ కలిసి హోమ్ లోన్ అప్లై చేస్తే చాలా ప్రయోజనాలు ఉంటాయి. ఉదాహరణకు మీరొక్కరే బ్యాంకుకు వెళ్లి హోమ్ లోన్ కావాలని అడిగారనుకోండి. మీ శాలరీ రూ.60 వేలు అయితే బ్యాంకు రూల్స్ ప్రకారం గరిష్టంగా మీకు రూ.42 లక్షల వరకు లోన్ వస్తుంది. కానీ అదే టైమ్ లో మీ భార్యతో కలిసి బ్యాంకు వెళ్తే.. ఆమె కూడా నెలకు రూ.40 వేల సంపాదిస్తున్నారు అనుకోండి. భార్యాభర్తలిద్దరూ కలిసి జాయింట్ గా హోమ్ లోన్ కు అప్లై చేస్తే.. కంబైన్డ్ ఇన్ కమ్ రూ.లక్ష అవుతుంది. అదే బ్యాంక్, అదే ప్రాపర్టీపై రూ.70 లక్షల వరకూ లోన్ ఇస్తుంది.
ప్రాపర్టీ, బ్యాంకు రెండూ మారలేదు కానీ మరో సంపాదించే వ్యక్తి యాడ్ అవ్వడంతో లోన్ అమౌంట్ పెరిగింది. అలాగే భార్యతో కలిసి హోమ్ లోన్ కు అప్లై చేస్తే.. వుమెన్ కో అప్లికెంట్ ఉంటే చాలా బ్యాంకులు 0.05 శాతం వరకూ వడ్డీ రేటును తగ్గిస్తుంటాయి. ఇది చిన్న శాతంగా అనిపించినా.. లాంగ్ టర్మ్ లో కొంచెం అమౌంట్ అయినా సేవ్ అవుతుంది. ఒక్కరే హోమ్ లోన్ తీసుకుంటే సెక్షన్ 80C కింద ప్రిన్సిపల్ అమౌంట్ పై రూ.1.5 లక్షల వరకు, సెక్షన్ 24B కింద వడ్డీపై రూ.2 లక్షల వరకు పన్ను ప్రయోజనాలు పొందవచ్చు. అంటే మొత్తంగా రూ.3.5 లక్షల ట్యాక్స్ డిడక్షన్స్ పొందవచ్చు. దీనికంటే ఈఎంఐ అమౌంట్ తక్కువగా ఉంటే.. ఇద్దరూ వేరువేరుగా ట్యాక్స్ క్లెయిమ్ చేయవచ్చు. ఇలా చేస్తే మొత్తంగా రూ.7 లక్షల వరకు ట్యాక్స్ డిడక్షన్స్ పొందవచ్చు. కానీ ఇది పాత పన్ను విధానంలో మాత్రమే.
మీ క్రెడిట్ స్కోర్ కాస్త వీక్ గా ఉంటే.. స్ట్రాంగ్ ప్రొఫైల్ ఉన్న కో అప్లికెంట్ ను పెట్టుకోండి. దీంతో లోన్ రిజెక్ట్ అయ్యే ఛాన్స్ తక్కువ. కానీ ఈఎంఐ మిస్ అయితే ఇద్దరిపై ఎఫెక్ట్ పడుతుంది. ఇద్దరి సిబిల్ స్కోర్లు తగ్గిపోతాయి. ఒక పేమెంట్ లేట్ అయినా ఇద్దరి క్రెడిట్ స్కోర్స్ ఎఫెక్ట్ అవుతాయి. హోమ్ లోన్ తీసుకోవాలనుకుంటున్నప్పుడు ఒక్కరే వెళ్లకండి. మీ లైఫ్ పార్టనర్, పేరెంట్స్, ఇన్ కమ్ ఉన్న పిల్లలను కో అప్లికెంట్స్ గా చేర్చుకుంటే బెటర్.
Also Read: హోం లోన్ కు ఇన్సూరెన్స్.. తీసుకోవాలా? వద్దా?
Share
పవన్ తో ప్రేమాయణం.. తొలిసారి స్పందించిన అన్నా.. ఎవరు మొదట ప్రపోజ్ చేశారంటే?
లక్ష రూపాయల లోపే విదేశీ ప్రయాణం.. ఈ 5 దేశాల్లో మీరు 'రాజాలా' బ్రతికేయొచ్చు!
