Suryapet District: దారుణం.. ప్రేమించిన యువతి దూరం పెడుతోందని సుత్తితో యువకుడి దాడి, చివ‌రికి..

Suryapet District: దారుణం.. ప్రేమించిన పాపానికి అనంత‌లోకాల‌కు పంపించాడు.. సూర్యాపేట జిల్లా కేంద్రంలోని స్నేహనగర్‌లో ప్రేమ పేరుతో ఓ యువకుడు దారుణానికి ఒడిగట్టాడు. తాను ప్రేమించిన యువతి తనను దూరం పెడుతోందన్న కక్షతో, ఆమె నివసిస్తున్న ఇంట్లోకి అకస్మాత్తుగా చొరబడ్డాడు. వెంట తెచ్చుకున్న సుత్తితో ఆమె తలపై బలంగా బాదాడు. ఈ ఊహించని దాడితో ఆ యువతి తీవ్ర రక్తస్రావమై అక్కడికక్కడే కుప్పకూలిపోయింది.

యువతి ఆర్తనాదాలు విన్న స్థానికులు వెంటనే అక్కడికి చేరుకుని పరిస్థితిని గమనించారు. దాడి చేసి పారిపోవడానికి ప్రయత్నిస్తున్న నిందితుడిని స్థానికులు చాకచక్యంగా పట్టుకున్నారు. ఆగ్రహంతో ఊగిపోయిన జనం, అతడిని సమీపంలోని విద్యుత్ స్తంభానికి కట్టేసి దేహశుద్ధి చేశారు. అనంతరం పోలీసులకు సమాచారం అందించి నిందితుడిని వారికి అప్పగించారు.

తీవ్రంగా గాయపడిన యువతిని వెంటనే స్థానిక ఆసుపత్రికి తరలించారు. తలకు బలమైన గాయాలు కావడంతో ఆమె పరిస్థితి ప్రస్తుతం విషమంగా ఉన్నట్లు సమాచారం. మెరుగైన వైద్యం కోసం ఆమెను హైదరాబాద్‌కు తరలించే అవకాశం ఉన్నట్లు తెలుస్తోంది. ప్రస్తుతం ఆమె ప్రాణాలతో పోరాడుతోంది.

Also Read: డీమార్ట్ దారిలో డేంజర్.. గంజాయి మత్తులో రెచ్చిపోతున్న మైనర్లు.. సీన్ క‌ట్ చేస్తే!

ఈ ఘటనపై కేసు నమోదు చేసిన పోలీసులు దర్యాప్తు ప్రారంభించారు. నిందితుడు గత కొంతకాలంగా యువతిని వేధిస్తున్నాడా? లేదా ఇతర కారణాలు ఏమైనా ఉన్నాయా? అనే కోణంలో విచారణ జరుపుతున్నారు. పట్టపగలు జనసంచారం ఉన్న ప్రాంతంలో ఇలాంటి ఘటన జరగడంతో స్థానికులు భయాందోళనకు గురయ్యారు.

ప్రేమించిన యువతి దూరం పెడుతోందని సుత్తితో యువకుడి దాడి

సూర్యాపేట జిల్లా స్నేహనగర్‌లో ఘటన

యువతి ఇంట్లోకి దూరి సుత్తితో తలపై దాడి చేసిన యువకుడు

తీవ్రంగా గాయపడిన యువతి.. పరిస్థితి విషమం

నిందితుడిని స్థంభానికి కట్టి దేహశుద్ధి చేసిన స్థానికులు

A young man attacked his… pic.twitter.com/1zeQ1juH3I

— BIG TV Breaking News (@bigtvtelugu) February 19, 2026