Basara IIIT: బాసర ట్రిపుల్ ఐటీలో విషాదం.. ప్రియుడి మరణం తట్టుకోలేక.. యువతి సూసైడ్

నిర్మల్ జిల్లాలోని ప్రతిష్టాత్మక బాసర ట్రిపుల్ ఐటీ క్యాంపస్ మరోసారి వార్తల్లోకెక్కింది. ఇంజనీరింగ్ రెండో సంవత్సరం చదువుతున్న వసంత అనే విద్యార్థిని హాస్టల్ గదిలో ఉరి వేసుకుని ప్రాణాలు విడిచింది. బుధవారం మధ్యాహ్నం తోటి విద్యార్థులు ఈ విషయాన్ని గుర్తించి యూనివర్సిటీ సిబ్బందికి సమాచారం అందజేశారు. సమాచారం అందుకున్న వెంటనే సిబ్బంది పోలీసులకు ఫిర్యాదు చేశారు. ఘటనా స్థలానికి చేరుకున్న పోలీసులు మృతదేహాన్ని స్వాధీనం చేసుకుని పోస్టుమార్టం నిమిత్తం తరలించారు. విద్యార్థిని కుటుంబ సభ్యులకు ఈ విషాద వార్తను చేరవేశారు.

ఈ ఆత్మహత్యకు సంబంధించి పోలీసులు లోతుగా విచారణ జరుపుతుండగా ఊహించని మలుపు చోటు చేసుకుంది. వసంత మరణానికి ప్రేమ వ్యవహారమే ప్రధాన కారణమని ప్రాథమిక విచారణలో తేలింది. వసంత ప్రేమికుడు గణేష్ అనే యువకుడు అంతకుముందే ఆత్మహత్య చేసుకున్నాడని తెలిసింది. తన ప్రియుడి మరణ వార్త విన్న వసంత తీవ్ర మనస్థాపానికి గురైంది. ఆ బాధను తట్టుకోలేక తానూ ప్రాణాలు తీసుకోవాలని నిర్ణయించుకుంది. ప్రేమ విఫలం కావడం వల్లే ఆమె ఈ విపరీత నిర్ణయం తీసుకున్నట్లు సమాచారం అందుతోంది.

మరోవైపు ఈ సంఘటన క్యాంపస్‌లో తీవ్ర ఉద్రిక్తతకు దారితీసింది. వసంత మృతిపై స్పష్టత ఇవ్వాలని డిమాండ్ చేస్తూ విద్యార్థులు పెద్ద ఎత్తున ఆందోళనకు దిగారు. వర్సిటీలో సరైన భద్రత కౌన్సెలింగ్ లేకపోవడం వల్లే ఇలాంటి ఘటనలు పునరావృతమవుతున్నాయని విద్యార్థి సంఘాలు ఆరోపిస్తున్నాయి. పెద్ద సంఖ్యలో విద్యార్థులు ఏకమై వైస్ ఛాన్సలర్ చాంబర్‌ను ముట్టడించారు. న్యాయం జరిగే వరకు కదిలేది లేదని  స్టూడెంట్స్ మండిపడ్డారు. పోలీసులు రంగంలోకి దిగి పరిస్థితిని అదుపు చేసే ప్రయత్నం చేస్తున్నారు.

బాసర ట్రిపుల్ ఐటీ విద్యార్థిని వసంత ఆత్మహత్య కేసులో ట్విస్ట్

ప్రేమ విఫలం కావడంతోనే వసంత సూసైడ్ చేసుకున్నట్లు సమాచారం

ప్రియుడు గణేష్ ఆత్మహత్య చేసుకోవడంతో మనస్థాపం చెంది హాస్టల్లో ఉరి వేసుకున్న వసంత

వసంత ఆత్మహత్యకు కారణాలపై స్పష్టత ఇవ్వాలంటూ స్టూడెంట్స్ ఆందోళన

వీసీ చాంబర్ ను… https://t.co/GeqSxAYzmq pic.twitter.com/BlpKcZbWlt

— BIG TV Breaking News (@bigtvtelugu) February 25, 2026

వసంత స్వగ్రామంలో విషాద ఛాయలు అలముకున్నాయి. ఉన్నత చదువులు చదివి తమ కష్టాలు తీరుస్తుందనుకున్న కూతురు శవమై కనిపించడంతో తల్లిదండ్రులు కన్నీరుమున్నీరవుతున్నారు. పోలీసులు కేసు నమోదు చేసి అన్ని కోణాల్లో దర్యాప్తు కొనసాగిస్తున్నారు. ఈ ఘటనతో ట్రిపుల్ ఐటీ విద్యార్థుల తల్లిదండ్రులు ఆందోళన వ్యక్తం చేస్తున్నారు.

ALSO READ: Weather News: బంగాళాఖాతంలో అల్పపీడన ప్రభావం.. ఈ ప్రాంతాల్లో ఉరుములు, మెరుపులతో భారీ వర్షం