కరెంట్ స్తంభాన్ని ఢీకొట్టిన కారు.. ఒకరు మృతి, ముగ్గురికి తీవ్ర గాయాలు

Godavarikhani Accident: పెద్దపల్లి జిల్లా గోదావరిఖని పారిశ్రామిక ప్రాంతంలో ఘోర రోడ్డు ప్రమాదం చోటుచేసుకుంది. స్థానిక రాజేష్ థియేటర్ సమీపంలో అదుపుతప్పిన ఒక కారు అతివేగంగా వచ్చి విద్యుత్ స్తంభాన్ని బలంగా ఢీకొట్టింది. కారు వేగం ఎక్కువగా ఉండటంతో, స్తంభాన్ని ఢీకొట్టిన ధాటికి కారు ముందు భాగం పూర్తిగా నుజ్జునుజ్జు అయింది.

ప్రమాద తీవ్రత దృష్ట్యా కారులో ఉన్న వారు లోపలే ఇరుక్కుపోయారు. స్థానికులు , సమాచారం అందుకున్న పోలీసులు వెంటనే ఘటనా స్థలానికి చేరుకుని సహాయక చర్యలు చేపట్టారు. కారును కట్ చేసి బాధితులను బయటకు తీయాల్సి వచ్చింది. ఈ దుర్ఘటనలో శ్రీధర్ అనే వ్యక్తి అక్కడికక్కడే మృతి చెందారు. మృతుడు సింగరేణి సంస్థలో ఉద్యోగిగా పనిచేస్తున్నట్లు పోలీసులు గుర్తించారు.

ఈ ప్రమాదంలో శ్రీధర్ ప్రాణాలు కోల్పోగా.. కారులో ఉన్న మరో ముగ్గురు తీవ్రంగా గాయపడ్డారు. వారి పరిస్థితి విషమంగా ఉండటంతో, పోలీసులు వారిని వెంటనే స్థానిక ఆసుపత్రికి తరలించారు. క్షతగాత్రులకు మెరుగైన వైద్యం అందించేలా చర్యలు తీసుకుంటున్నారు. అతి వేగమే ఈ ప్రమాదానికి ప్రధాన కారణమని ప్రాథమికంగా భావిస్తున్నారు.

విద్యుత్ స్తంభాన్ని ఢీకొనడంతో ఆ ప్రాంతంలో విద్యుత్ సరఫరాకు కూడా అంతరాయం ఏర్పడింది. పోలీసులు కేసు నమోదు చేసుకుని దర్యాప్తు చేస్తున్నారు. అతివేగం వల్ల నియంత్రణ కోల్పోయిందా లేక డ్రైవర్ నిద్రమత్తులో ఉన్నారా అనే కోణంలో విచారణ జరుపుతున్నారు. సింగరేణి ఉద్యోగి మృతి చెందడంతో ఆయన కుటుంబంలో విషాద ఛాయలు అలముకున్నాయి.

Also Read: కేపీహెచ్‌బీలో ఘోర విషాదం.. పెళ్లి బట్టల్లోనే వరుడు ఆత్మహత్య!

పెద్దపల్లి జిల్లాలో ఘోర రోడ్డు ప్రమాదం

అతి వేగంగా వచ్చి కరెంట్ స్తంభాన్ని ఢీకొట్టిన కారు

పెద్దపల్లి జిల్లా గోదావరిఖనిలోని రాజేష్ థియేటర్ వద్ద ఘటన

ఈ ప్రమాదంలో శ్రీధర్ అనే సింగరేణి ఉద్యోగి మృతి

ముగ్గురికి తీవ్రగాయాలు..ఆసుపత్రికి తరలింపు

Fatal Road Accident in Peddapalli… pic.twitter.com/4jvQ2mGS16

— BIG TV Breaking News (@bigtvtelugu) April 4, 2026