Road Accident: ఘోర రోడ్డు ప్రమాదం.. స్పాట్‌లో 10 మంది మృతి

Road Accident: సెయింట్-ఆన్ ప్రాంతంలో క్రిస్మస్ వేడుకల ఏర్పాట్లు ఉత్సాహంగా సాగుతున్న సమయంలో, హఠాత్తుగా నియంత్రణ కోల్పోయిన ఒక కారు అక్కడున్న జనసమూహంపైకి దూసుకెళ్లింది. క్షణాల్లోనే ఆ ఆనందం ఆర్తనాదాలతో మారిపోయింది. ఈ భయానక ప్రమాదంలో 10 మంది అక్కడికక్కడే మృతి చెందగా, మరో తొమ్మిది మందికి తీవ్ర గాయాలు అయ్యాయి. వీరిలో ముగ్గురి పరిస్థితి అత్యంత విషమంగా ఉన్నట్లు పోలీసులు వెల్లడించారు.

వివరాల్లోకి వెళ్తే.. క్రిస్మస్ మార్కెట్ ఏర్పాట్లు జరుగుతున్న చోట భారీ సంఖ్యలో స్థానికులూ, పర్యాటకులూ హాజరయ్యారు. ఆ సమయంలో రోడ్డు దాటుతున్న సమయంలో ఒక కారు అకస్మాత్తుగా అదుపుతప్పి నేరుగా జనంలోకి దూసుకెళ్లింది.

డ్రైవింగ్ సమయంలో డ్రైవర్ కు అకస్మాత్తుగా అనారోగ్య సమస్యలు తలెత్తడం వల్లే ఈ ప్రమాదం జరిగినట్లు ప్రత్యక్ష సాక్షులు చెప్పారు.

సమాచారం తెలిసిన వెంటనే పోలీసులు ఘటనా స్థలానికి చేరుకుని సహాయక చర్యలు చేపట్టారు. క్షతగాత్రులను సమీప ఆసుపత్రికి తరలించారు.

మృతి చెందిన వారి గుర్తింపు ప్రక్రియ కొనసాగుతోంది. బాధితుల్లో స్థానిక నివాసులు, ఉత్సవాల కోసం వచ్చి పాల్గొన్న పర్యాటకులు ఉన్నారని సమాచారం.

Also Read: అమెరికాలో అగ్నిప్రమాదం.. ఇద్దరు తెలుగు విద్యార్థులు మృతి..?

ఫ్రాన్స్‌ ఓవర్సీస్ ప్రాంతాల మంత్రిత్వ శాఖ, గ్వాడెలోప్ అధికారుల సమన్వయంతో, బాధిత కుటుంబాలకు తక్షణ సాయం అందించేందుకు ప్రయత్నాలు ప్రారంభించింది. ప్రమాదంపై దర్యాప్తు వేగవంతం చేయాలని అధికారులను ఆదేశించబడింది.