Medak Crime: మెదక్ జిల్లాలో ఘోర ప్రమాదం.. ట్రాక్టర్, ఆటో ఢీకొని ఒకరు మృతి, ఆరుగురికి గాయాలు

మెదక్ జిల్లాలోని అక్కన్నపేట సమీపంలో బుధవారం ఘోర రోడ్డు ప్రమాదం చోటుచేసుకుంది. అతివేగంగా వచ్చిన ఒక ట్రాక్టర్, ప్రయాణికులతో వెళ్తున్న ఆటోను బలంగా ఢీకొట్టింది. ఈ ప్రమాదంలో ఒకరు అక్కడికక్కడే ప్రాణాలు కోల్పోగా, మరో ఆరుగురు తీవ్రంగా గాయపడ్డారు.

ప్రమాద తీవ్రతకు ఆటో పూర్తిగా నుజ్జునుజ్జయ్యింది. స్థానికులు అందించిన సమాచారం మేరకు ఘటనా స్థలానికి చేరుకున్న పోలీసులు, క్షతగాత్రులను చికిత్స నిమిత్తం సమీపంలోని ఆసుపత్రికి తరలించారు. గాయపడిన వారిలో నలుగురి పరిస్థితి అత్యంత విషమంగా ఉన్నట్లు సమాచారం. మెరుగైన వైద్యం కోసం వారిని జిల్లా ప్రధాన ఆసుపత్రికి తరలించే ఏర్పాట్లు చేస్తున్నారు.

మృతుడి వివరాలు ఇంకా తెలియాల్సి ఉంది. మితిమీరిన వేగమే ఈ ప్రమాదానికి ప్రధాన కారణమని ప్రాథమికంగా భావిస్తున్నారు. పోలీసులు కేసు నమోదు చేసుకుని దర్యాప్తు ప్రారంభించారు. ప్రమాదం జరిగిన సమయంలో ఆటోలో ఎంతమంది ఉన్నారు..? వారు ఎక్కడికి వెళ్తున్నారు..? అనే విషయాలపై ఆరా తీస్తున్నారు. ఈ ఘటనతో అక్కన్నపేట ప్రాంతంలో విషాద ఛాయలు అలముకున్నాయి.

ALSO READ: Romania Road Accident: ఘోర ప్రమాదం.. ఏడుగురు ఫుట్‌బాల్ అభిమానులు దుర్మరణం!