Customs arrest: ఎయిర్‌పోర్టులో చెకింగ్.. బ్యాగ్ నిండా పురుగులే.. అక్కడే అరెస్ట్!

Customs arrest: ప్రయాణికులు చెక్‌ఇన్, సెక్యూరిటీ చెక్‌లతో బిజీగా ఉన్న వేళ, ఒక బ్యాగ్ స్కానర్‌కి చేరగానే కస్టమ్స్ అధికారుల కళ్ళు ఒక్కసారిగా పెద్దవయ్యాయి. సాధారణంగా దుస్తులు, బహుమతులు, ఫుడ్ ఐటమ్స్ కనిపించాల్సిన చోట, లోపల ఏదో కదులుతున్నట్లు కనిపించింది. మరీ దగ్గరగా పరిశీలించగానే విషయం క్లియర్ అయింది బ్యాగు లోపల అన్నీ పురుగులే అని. అసలు ఈ పురుగులేంటి? వాటి ధర తెలుసుకుంటే ఔరా అనేస్తారు.

ఈ విచిత్ర ఘటన ముంబై ఎయిర్ పోర్ట్ లో జరిగింది. పట్టుబడ్డ ప్రయాణికుడు గుర్తింపు దొరకగా, అతను బ్యాంకాక్ నుంచి వచ్చిన షారుక్ ఖాన్ మహమ్మద్ హస్సియన్ అని తేలింది. అతడు తన లగేజీలో రవాణా చేయకూడని పురుగులను దాచిపెట్టి తెచ్చేందుకు ప్రయత్నించాడు. కస్టమ్స్ అధికారులు వెంటనే అతన్ని అదుపులోకి తీసుకుని, వాటిని సురక్షితంగా స్వాధీనం చేసుకున్నారు.

బ్యాగ్ లోపల ఉన్న జీవులు వినగానే ఎవరినైనా ఆశ్చర్యపరిచేలా ఉంటాయి. రెండు కింకాజోస్ (Kinkajous), రెండు పిగ్మీ మార్మోసెట్స్ (Pygmy Marmosets), ఇంకా యాభై అల్బినో రెడ్-ఇయర్డ్ స్లైడర్స్ (Albino Red-Eared Sliders). ఇవన్నీ కూడా వైల్డ్‌లైఫ్ ప్రొటెక్షన్ యాక్ట్ కింద రక్షణ పొందినవి. అంటే వీటిని అక్రమంగా దిగుమతి చేయడం నేరం మాత్రమే కాకుండా, శిక్ష పడే అవకాశాలు ఎక్కువే.

కస్టమ్స్ అధికారులు వెల్లడించిన వివరాల ప్రకారం.. ఈ జంతువులను లగేజీలో ఎవరికీ కనిపించకుండా చాలా జాగ్రత్తగా అమర్చారు. బాక్స్‌ల లోపల ప్రత్యేక ఏర్పాట్లు చేసి, గాలి వచ్చేలా చిన్న రంధ్రాలు పెట్టి, అవి బయటకు ఎక్కడా కనబడకుండా మూసేశారు. ఎలాంటి తనిఖీకి చిక్కకుండా దేశంలోకి తెచ్చుకోవడంపై ఆరా తీస్తున్నామని తెలిపారు. కానీ, టెక్నాలజీ, అనుభవజ్ఞులైన అధికారుల పరిశీలన ముందు ఈ ప్లాన్ ఫెయిల్ అయిపోయింది.

ప్రస్తుతం ఈ కేసు కస్టమ్స్ యాక్ట్ 1962 తోపాటు వైల్డ్‌లైఫ్ ప్రొటెక్షన్ యాక్ట్ 1972 కింద నమోదు చేశారు. నిందితుడిపై కఠినమైన చట్టపరమైన చర్యలు తీసుకుంటున్నారు. ఈ ఘటనతో మళ్లీ ఒకసారి ఎయిర్‌పోర్టు సెక్యూరిటీ ఎంత కఠినంగా, జాగ్రత్తగా పనిచేస్తుందో రుజువైంది.

Also Read: Zipline thrill ride: మీకు గాలిలో తేలాలని ఉందా? అయితే ఈ ప్లేస్ కు తప్పక వెళ్లండి!

కస్టమ్స్ అధికారులు ఈ సందర్భంలో ఒక హెచ్చరిక కూడా జారీ చేశారు. చట్టవిరుద్ధంగా వన్యప్రాణులు, వాటి ఉత్పత్తులను దిగుమతి లేదా ఎగుమతి చేయడం చట్టపరంగా నేరం మాత్రమే కాకుండా, పర్యావరణానికి, బయోడైవర్సిటీకి కూడా ముప్పు. ఈ జంతువులు తమ స్వస్థలంలో ఉండాలి. వాణిజ్య ప్రయోజనాల కోసం వీటిని తరలించడం ద్వారా అవి సహజ పరిసరాల నుండి దూరమవుతాయి, వాటి జీవన చక్రం దెబ్బతింటుంది.

ఈ రకమైన కేసులు కేవలం ఒక నేరంగా మాత్రమే కాకుండా, అంతర్జాతీయ స్థాయిలో నిఘా పెట్టే స్మగ్లింగ్ నెట్‌వర్క్స్‌కి సంకేతం. అందుకే కస్టమ్స్, వైల్డ్‌లైఫ్ డిపార్ట్‌మెంట్, ఎయిర్‌పోర్ట్ సెక్యూరిటీ యూనిట్లు కలిసి మరింత కఠిన చర్యలు తీసుకుంటున్నాయి. ఈసారి పట్టుబడ్డ వాడు ఒకరే అయినా, అతని వెనుక పెద్ద నెట్‌వర్క్ ఉండే అవకాశం అధికారులు పరిశీలిస్తున్నారు.

ఒకవైపు ప్రయాణం ఆనందం కోసం, కొత్త ప్రదేశాల అనుభవం కోసం ఉండగా, కొంతమంది అక్రమ ప్రయోజనాల కోసం ఇలాంటి రిస్క్‌లు తీసుకోవడం ఆశ్చర్యమే. ప్రకృతిలోని జీవాలను మనం చూడాలి, సంరక్షించాలి. కానీ వాటిని అక్రమంగా కొనుగోలు చేయడం, తరలించడం మాత్రం నేరం. ఈ సంఘటన మరికొంత మందికి పాఠం కావాలని అధికారులు భావిస్తున్నారు.