Arundhati: పెళ్లికి సిద్ధమైన అరుంధతి చైల్డ్ ఆర్టిస్ట్.. బ్యాచిలర్ పార్టీలో రచ్చ రచ్చ!

Arundhati child Artist: అనుష్క ప్రధాన పాత్రలో ప్రేక్షకుల ముందుకు వచ్చి ఎంతో అద్భుతమైన విజయాన్ని అందుకున్న సినిమాలలో అరుంధతి (Arundhati)సినిమా ఒకటి. అనుష్క(Anushka) సినీ కెరియర్ లోనే ఈ సినిమా మైలురాయి లాంటిదని చెప్పాలి. ఇక ఈ సినిమాలో జేజమ్మగా అనుష్క తన నటనతో అదరగొట్టింది. ఇక అరుంధతి చిన్నప్పటి పాత్రలో చైల్డ్ ఆర్టిస్ట్ దివ్య నగేష్ (Divya Nagesh)ఎంతో అద్భుతంగా నటించి ప్రేక్షకులను మెప్పించారు. అరుంధతి సినిమాలో చిన్నప్పటి జేజమ్మ పాత్రలో తన నటనతో దివ్య నాగేష్ అందరిని ఆకట్టుకున్నారని చెప్పాలి. ఈ సినిమా తనకెంతో మంచి పేరు ప్రఖ్యాతలను తీసుకువచ్చిన తదుపరి సినిమాలలో దివ్య నగేష్ పెద్దగా కనిపించలేదని చెప్పాలి.

జేజమ్మ పెళ్లి తేది ఫిక్స్…

ఇక ఈ సినిమా తర్వాత కొంతకాలం పాటు ఇండస్ట్రీకి దూరంగా ఉన్న దివ్య నగేష్ ఇటీవల సోషల్ మీడియాలో సందడి చేస్తూ ఉన్నారు. ఇకపోతే ఈ ఏడాది మొదట్లో ఈమె నిశ్చితార్థం(Engagment) చేసుకున్న సంగతి తెలిసిందే. అయితే తాజాగా తన పెళ్లి తేదీ కూడా ఫిక్స్ అయిందని, ప్రస్తుతం పెళ్లి పనులలో దివ్య నగేష్ ఎంతో బిజీగా ఉన్నారని తెలుస్తోంది. దివ్య నగేష్ ప్రముఖ కొరియోగ్రాఫర్ అజయ్ కుమార్(Ajay Kumar) ప్రేమలో ఉన్నారు గత ఐదు సంవత్సరాలుగా ప్రేమలో ఉన్న ఈ జంట ఈ ఏడాది మొదట్లో పెద్దల సమక్షంలో నిశ్చితార్థం జరుపుకున్నారు. ఇక తాజాగా పెళ్లికి సిద్ధమయ్యారని తెలుస్తోంది.

ప్రీ వెడ్డింగ్ ఫోటోషూట్…

ఈ జంట ఆగస్టు 18వ తేదీ పెళ్లి పీటలు ఎక్కబోతున్నారు. ఇలా పెళ్లి తేది దగ్గర పడుతున్న నేపథ్యంలో దివ్య నాగేష్ పెద్ద ఎత్తున బ్యాచిలర్ పార్టీ (Bachelor Party)జరుపుకొని సందడి చేశారు. ప్రస్తుతం ఈ బ్యాచిలర్ పార్టీకి సంబంధించిన ఫోటోలు సోషల్ మీడియాలో వైరల్ అవుతున్నాయి. పెళ్లికి సమయం దగ్గరగా పడుతున్న నేపథ్యంలో ప్రీ వెడ్డింగ్ ఫోటోషూట్స్ అంటూ ఇప్పటికే పెళ్లి పనులను కూడా మొదలు పెట్టారని తెలుస్తోంది. ప్రస్తుతం ఈమె బ్యాచిలర్ పార్టీకి, ప్రీ వెడ్డింగ్ షూట్ కి సంబంధించిన ఫోటోలు సోషల్ మీడియాలో వైరల్ గా మారడంతో అభిమానులు ఈమెకు శుభాకాంక్షలు తెలియజేస్తున్నారు.

ఇలా దివ్య నగేష్ సోషల్ మీడియా వేదికగా తన బ్యాచిలర్ పార్టీకి సంబంధించిన ఫోటోలను షేర్ చేయడంతో మరికొంత మంది ఫన్నీగా ఈ ఫోటోలపై స్పందిస్తూ అరుంధతి సినిమాలో చైల్డ్ ఆర్టిస్ట్ కూడా ఆఖరికి పెళ్లి చేసుకుంటుంది కానీ అనుష్క మాత్రం ఇప్పటికి పెళ్లి చేసుకోలేదు అంటూ ఫన్నీగా కామెంట్లు చేస్తున్నారు. ఇలా చైల్డ్ ఆర్టిస్టుగా నటించిన దివ్య నాగేష్ పలు సినిమాలలో దేవత పాత్రలలో కూడా నటించి ప్రేక్షకులను మెప్పించారు. ఇక ఉన్నత చదువుల నిమిత్తం స్టడీస్ పై దృష్టి పెట్టిన నేపథ్యంలో సినిమాలకు కాస్త దూరంగా ఉన్నారు. అయితే తన సహనటుడితో పెళ్లి పీటలు ఎక్కబోతున్న నేపథ్యంలో తిరిగి ఇండస్ట్రీలోకి రీఎంట్రీ అవకాశాలు కూడా ఉన్నాయని స్పష్టమవుతుంది.

Also Read: Ajith -Shalini: నా హృదయాన్ని కరిగించావ్.. అజిత్ కాళ్ళు మొక్కిన షాలిని..

Share

• 
• 
• 
• 
• 
•